Luku 9:39 - FỊAFỊA BAỊBỤLỤ

³⁹ Gbọrụ tẹmẹ ori ọlọ-ọlọm; ori ò kun tẹ ḅẹḅẹ ọ̀ bẹkẹma oloku tẹ fụm tẹ, tẹ fiko pịkị ọ̀ ḅịḅị bụrọ tẹ. Ò ye kẹ ọ̀ lama ma ḅọrọarị, tẹ ḅụụ-fụkama lama tẹrẹmẹ ori ọ̀ ḅụụ ḅara sin-arị.

Luku 9:39 Iomraidhean Croise

Makị 9:18

Tẹmẹ ḅe ọ̀ ḅụ owi sakị goyegoye, anị ọ̀ sẹma-kiri-gbin-arị, tẹ fiko ọ̀ ḅịḅị bụrọarị, ori aka farịarị, tẹ ò bebe oju mẹ sụnjụmarị. Àrị í ḍukamẹnjịapụ ma tẹkẹm ịn si-tẹmẹ ḅe dee pakamaa, kụma ini ine-a.”

Makị 9:20

Ịn nwẹnị ọ̀ kẹ ḅo Jizọsị pịrị. Si-tẹmẹ ḅe Jizọsị ẹrị gbọrụ sakị, ọ̀ tụḅọ ḅe sụnjụmam, anie ḅụ ọ̀ nwẹnị ḅịkị kiri koro tẹ mbelembele, fiko ọ̀ ḅịḅị bụrọarị.

Makị 9:26

Tẹmẹ ḅe nwẹnị kararama-oloku tẹ si ḅara kẹ tụḅọ ḅe sụnjụma tẹ paka so. Tụḅọ ḅe nwẹnị ḍiki-tọrụ ḅụ ḍụẹịn kịka, tẹ ḅẹḅọ-ḅẹḅọ ḅẹẹm, “Ọ̀ fịị tẹ!”

Luku 4:35

Jizọsị nwẹnị tọn tẹmẹ ḅe pịrị, “Ị́ ḅịḅị gbaịn tẹ tomḅọ ḅe ḅụụ ḅio paka-ḅoo!” Oru ḅe nwẹnị tomḅọ ḅe sẹma-kiri-gbin ịna tọrọkọ ḅụ, tẹ ọ̀ ḅụụ ḅio paka-ḅo, gberie-sọ kẹ ọ̀ lama-a ḅara ḅụ.

Luku 8:29

Ò gotẹ mie ḍuko ye, Jizọsị tarị tọn ọ̀ ḅụụ ḅio sime si-tẹmẹ ḅe pịrị tẹ ori ọ̀ ḅụụ ḅio paka-soo. Tọnwa sakị anị ò kun kụma ini ikoli kẹ ori aḅụọ na ori aḅara na sụa tẹ ọ̀ kẹ warị-ḅio koroma sọ ori arị anyịma tẹ oru ḅe ò dogi ịkpa ḅio sọ-mu mum.

Luku 9:38

Tẹ gbọrụ owiḅọ nwẹnị inweni-ogbo mẹ ḅio oloku, “Ye-tolumaḅọ, sisi paa ị̀ tụḅọ ḅe ḍiki, ò sikima tẹ à jen tụḅọ iyi-a!

Luku 9:40

Àrị í ḍukamẹnjịapụ ma tẹkẹm ini ò dee sin, kụma ini ine-a.”

Jọnị 8:44

Ọmịnị ọmịna ḍaḅọ Ekwesu ḅe awọmẹ, tẹ ọ́ ḍọkịarị ọmịnị ọmịna ḍaḅọ ḅiiarị ye mịẹ. Ye tarị sakị kụra-ḅio sọ ori anie kịnị-ḅaḅọọ, tẹ jen sakị, jen sakị amụ ọ̀ pịkị karakara mẹ na gbọrụ jụ ḅọrọ-a, ọ̀ ḅụụ karakara nwẹn-sịn ye ofori ẹrẹsị. Ori iruoarị sakị, iruoarị sakị ọ̀ kọn-kọn ḍumo ḅara mẹ mie ọ́ kọn-arị ye, ori anie iruoḅọ, tẹ pịkị iruo mamgba ḍaḅọ ẹrẹsị.

1 Pita 5:8

Ọ́ tọrụ kẹ kiri lamaa, ọmịnị ẹbịị! Ekwesu, si kẹ ọ́ tọn-arị ḅọ ḅe, ọkụkụ oloku ḅara oloku ma ḅọrọarị, tẹ ọ̀ kanị pẹị ḅẹ ḅọ ḍọkịarị.

Mịẹfinji 9:11

Ini amadaḅọ nyana tẹ ḅẹrẹtọn ịn pịrịarị, ori anie pokolo ideri-mu kunoma la la-a olulu mẹ ḅẹ kụrọ ḅara ḅụ simearị ḅọ ḅe. Ori ẹrẹ, Hiburu ḅịḅị ḅụ, Abadọnị; Giriki ḅịḅị ḅụ, Apolịyọnị.