Biblia Todo Logo
Bìoball air-loidhne

- Sanasan -




Luku 9:26 - FỊAFỊA BAỊBỤLỤ

26 Ì ḅioju na ì tolumaye na nwẹnị gbọrụḅọ ḅụụ-jịrịmarị ḅẹḅẹ, mḅọ Tomḅọ Tụḅọ ḅe sọ ḅụụ-jịrịma ḅa, ò ḅo ori ebube ḅio na Ḍaḅọ ḅe na ori fịafịa enjẹlị ma na ebube ḅio sọ sakị.

Faic an caibideil Dèan lethbhreac




Luku 9:26
30 Iomraidhean Croise  

Wa ò ḍiki-sima tẹ ọ̀ sịkịm; ọ̀ tọrụsiẹrị na akụ na da alamam. Tọrụngbọ kịngẹ sọ kẹ ò ḍiki ḅọ ofori Wa ò ḍiki-tọrụsinm, ori gberie-sọ gberie-a ye ọkụ.


tẹ fịnị-oloko anị ḅụ minji ọsụma-ọsụma pakamarị. Anị anga ḅụ kịnị maa ẹndẹ oyia asi finji-finji ḅẹ tọnwa akiri sime tẹ fịrịmẹnjị ọ̀ pịrị ḅẹm, tẹ kịẹnkịẹn-ọkụ-ofori atomi ọ̀ tọrọkọ sịẹsimem. Ḅẹrẹ-siri nwẹnị saakị, tẹ ḍiri ma nwẹnị finji.


Gbala Tomḅọ Tụḅọ ḅe ori enjẹlị ma na ọ̀ Ḍa ḅe ebube mẹ ḅụ ḅo ḅẹ-yearị, tẹ ò ḅo sakị ọ̀ nwẹnị ọrụḅọ-ọrụḅọ kọrị aị ḍikitẹ gbẹẹ-ye kẹ mḅọ pịrị ḅa.


“Tomḅọ Tụḅọ ḅe enjẹlịapụ mamgba na ḅo tẹ ama-da ḅarị sakị mẹ ḅụ, ori ori ama-da emine ọgọnọ lẹgị-sime ḅa,


Jizọsị nwẹnị ọ̀ pakịrị, “Anie ị́yẹrị ḍuko ḅara. Kụma à ḍuko ọmịnị-mgba pịrịarị: mị sakị mẹ ḅụ saakị mu ó Tomḅọ Tụḅọ ḅe ẹrị ḅa, ọ̀ Kụrọmamgba Nyanaḅọ ḅe ama-ḅara anga lẹgị-sime wararị, tẹ So-tọrụ ḅụ oḅuto ọgọnọ sime tẹ ḅoarị!”


Gbọrụḅọ yẹrị na ì tolumaye mẹ na gotẹ mị Tamụnọ nimi-a si ene mẹ ḅụ ḅụụ-jịrịarị ḅẹḅẹ, anị sakị mẹ ḅụ Tomḅọ Tụḅọ ḅe sọ mḅọ gotẹ ḅụụ-jịrị ḅa, ori ọ̀ Ḍa ḅe ebube ḅụ ọ̀ fịafịa enjẹlị ma na ḅo ḅarị sakị mẹ.”


In tomi kẹ in tokini ḅẹ ye kẹ ye sịn Tamụnọ kẹ in tokini ḅẹ ye nẹngịm.


Tomina ḅara ḅo boma mie ọ́ nyana ḅẹ ḅii-ḅii ye jụmọ-jụmọ ḅara ḅụ, kụma karakara Tamụnọ ḅe ḅara ḅo boma mie ọ́ nyana ḅẹ ḍọkị ḍọkị-a ye ḅẹ sakị, ndẹẹ ọ́ mịẹtẹ ì minini ḅẹ ḅara?


Ịn nwẹnị pakịrị, “Ọmụ-alaḅọ Kọnilọsị wa kẹ fịrịmam. Ori ḅe iḅi tomḅọọ, pịkị Tamụnọ tẹkẹarị ḅọ, tẹ Juu-ḅẹ-apụ mamgba sọ kẹ ye-sịn lama wararị ḅọ. Tamụnọ enjẹlị ọ̀ ḅẹẹm ori ị́ sịn ọ̀ warị ḅoo, tẹ í ḍuko ḅẹ ye pokii.”


À kpọma iḅi-oku mẹ ḅụ ḅiokpọ nyana lama wararị; anị anie Tamụnọ kẹ minini nyana apụ mamgba ḅọrọmarị kụrọ mẹ, tarị apụ, Juu-ḅẹ-apụ, na pịkị Ja asịẹ ḅẹ apụ sọ.


Ọkọẹrẹsị, ị̀ ịnyọ ofori asakị ma na, wori-anume ma na, kụrọ-kụrọ aị ma na, ḅaa-ḅọkọ kẹ ị̀ ḍọkị ma na, ḅụụ-fụkama aị ma na, tẹ à Kịrayịsị sịḅị gotẹ ẹrịarị aị ma ị̀ na iḅi wararị. Kẹ gotẹ ọkọ ḍukoarị, ịnyọ ị̀ ḅụụ ḅio ofori sakị mẹ ḅụ, mie à pịkị kụrọ wararị sakị mẹ.


Anị sime-ḅara, sime-ḅara sọ yẹrị kịngẹ kụma, wa Nyanaḅọ Jizọsị Kịrayịsị ẹngbẹsẹ-sịn mẹ kịngẹ ḅụ à ḅụụ boma ḅa; kẹ gotẹ ọkọ ḍukoarị, ori ẹngbẹsẹ-sịn mẹ ḅụ tomikiri mẹ ḅọrọ tẹ ị̀ ḅụ fịtẹ, tẹ yẹrị sọ fịị tomikiri mẹ pịrị tẹ.


Tamụnọ tọrọkọ ḅụ, pịkị Kịrayịsị Jizọsị tọrọkọ ḅụ, pịkị fịafịa enjẹlị apụ tọrọkọ ḅụ na, à tẹmẹ la ḅara kẹ ị́ sịn tẹ ị́ ḅẹẹarị mịnẹ ị̀ ḅịḅị poki tẹ mịna àrị ị́ ḅẹẹm mịẹ ḅẹ aị ma mịẹ, tẹ ị́ mịẹarị ye goyegoye ḅụ ḍụkụ tẹ ị́ ḅẹrẹ kẹ ḅioḅẹngbọ sụa, anịanịa aḍụa nyana, gbọrụḅọ-sọ pịrị ma.


tẹ miemẹ mie à gotẹ mịna atọrụsiẹrị ma ẹrịarị. Kụma ḅiokpọ paa ị̀ ḅụụ ḅio ḅin wararị, kẹ gotẹ ọkọ ḍukoarị, à kẹ ḅiokpọmarị ḅọ ḅe à nwẹn nimi wararị, anịsakị à ḅio-maaịn-tọn nyana-a, mịnẹ ori inetẹ à kẹ ọ̀ ḅara sụa ye mẹ wẹrị kpaịnma nwenii anị Ene mẹ la ḅa.


Wa inema tọrọkọ mu, muu, wa pịkị ori na sọ tẹ ḅẹrẹtọn ḅa. Wa ò piki ḅẹḅẹ, ori sọ wa piki ḅa.


Ori ọkịm mịnẹ Mẹsaya ḅe gotẹ tomina ḍiki-sima da iḅi Ijiputi ḅẹ ngọ mamgba nẹngịm, kẹ gotẹ ọkọ ḍukoarị, tọrọkọ-jụ ḅo ḅarị gbẹẹ-ye mẹ ọgọnọ mie ori ori atọrụngbọ saakị tẹ kẹ gbana ye.


Ọkọẹrẹsị, ó yee wa onu mẹ ḅio paka etela anga mẹ ḅụ ọ̀ dama-mu tẹ ori na sọ tẹ ọ̀ ḅụụ-jịrị mẹ da.


Ẹnọkụ, Adamụ ḅụ saakị kịẹn mu kụma sonio aḅụọ karama ḅọ ḅe, koro ịkịan mẹ sime ịn pịrịm. Ori mẹẹ, “KỊNỊNYANAḄỌ ḅe ọ̀ fịafịa enjẹlị, ẹndẹ, ẹndẹ ma,


Ḍikii, oḅuto na ò ḅoarị! Ọrụḅọ-ọrụḅọ ori ẹrị ḅa, ḅẹkẹrẹ kẹ ò temi apụ ma sọ ori ẹrị ḅa. Tomikiri ḅẹ atomi mamgba ò gotẹ kururu ḅa. Anie anị sime ḅarị ḅara!


Anịtẹso à pịna-pịna emine na anị ọgọnọ lẹgị ḅọ ḅe na ẹrịm. Tẹ So na Kiri na ọ̀ tọrọkọ mangị faam, tẹ kịnị ḅarị jen kẹ arị ẹrị-a.


Kụma mịẹ ḅẹ ye ẹrị tẹ ḅụụ gwẹ-gwẹarị apụ na, tomi kẹ ja apụ ḅara-ḅio dẹrịmarị apụ na, amịna ḍumo kọn pengemarị apụ na, kịnị-ḅaapụ na, ḅụụ wẹrị kpaịnma-a apụ na, ḍiri ibiam tii-arị apụ na, oru tẹkẹ apụ na, iruo apụ mamgba na, arị atomi ma sime anga anie, ọpọlị balị kọrị ḅara kọrịarị tọrụ mẹ ḅio, aniemẹ anie maaịn karama fịị mẹ.”


Owu-ḅara-iḅi apụ ma mị-ḅara kẹ pịna-pịna akapa sụa ḅa, tẹ ḍumo wararị apụ ẹrẹ kẹ sụarị ḍiri mẹ ḅio àrị ịna ẹrẹ sin ḅịa. Ị̀ Ḍa ḅe na ori enjẹlị apụ ma na tọrọkọ ḅụ à giregire ḅara kẹ ḍuko pakama ḅa mịnẹ ini ma in sime ị̀ pịrịm.


Lean sinn:

Sanasan


Sanasan