Luku 9:24 - FỊAFỊA BAỊBỤLỤ

²⁴ Ḅẹḅọ-ḅẹḅọ tẹ amịna ḍumo ḅọrọma ḅẹ ḅiiarị ḅọ, anị fama ḅa, kụma ḅẹḅọ-ḅẹḅọ tẹ ì gotẹ amịna ḍumo famarị ḅọ anị ḅọrọma ḅa.

Luku 9:24 Iomraidhean Croise

Nimi Tolumaḅọ 3:6

Ḍọkị sakị emii, fama sakị emii. Koko sakị emii, kẹ gbin nguma sakị emii.

Matiyo 10:39

Ḅẹḅọ-ḅẹḅọ tẹ amịna ḍumo wẹrị kpaịnma ḅụụ pịrịarị ḅọ, anị fama ḅa; kụma ḅẹḅọ-ḅẹḅọ tẹ ị̀ sịḅị ẹrẹsị amịna ḍumo famarị ḅọ anị nyana ọkị ḅa.

Luku 17:33

Amịna ḍumo ḅọrọma ḍọkị ḅọ anị fama ḅa; amịna ḍumo fama ḅọ anị ḅọrọma ḅa.

Jọnị 12:25

Amịna tomikiri ḅẹ ḍumo mẹ ḅẹlẹma ḅọ, ḅẹlẹma ḅọ anị fama ḅa; mị tomikiri ḅụ amịna ḍumo ḍiki-ḅioḅu ḅọ goḅọ-goḅọ anị wẹrị kpaịnma sime gbamaso ḍumo pịrị ḅa.

Hiburu 11:35

Minini ḅụ ereme ḅọrọ tẹ ịna fịtẹ amịnapụ nyanam, fị-ḅụ-saakị ḅụ. Osi apụ, ini ịn pọnjị ḅaarị sọ, ịn ḅịḅị ḍima tẹ paka-ḅo ḅẹ nakara ịn pọnjị ḅara mẹ ḅio sime tẹ fịịm, ịn fị-ḅụ-saakị ḅo iḅi in sime tẹ fịịarị ḍumo mẹ nẹngị ye la ḅẹ ẹrẹsị.

Mịẹfinji 12:11

Anana Tụḅọ ḅe ọmbie mẹ na in ḍuko wasamarị karakara mẹ na ḅụ mie wamịna amịnapụ ḅọrọ tẹ owu-ḅara-iḅi mẹ nyana ye; tẹ ini ịna aḍumo ḅụ ḅara sin tẹ fịị ḅẹ sọ ịna ḅụụ ḅẹrẹ-a.

Mịẹfinji 2:10

Ọmịnị ẹrị ḅẹ-yearị tọrụsiẹrị goyegoye ọmịnị anị gotẹ ḅalafa ma. Ó pokii! Ekwesu ḅe ọ́ daaḍiki ḅa, ọmịna ḅụ ḅẹ ja apụ kẹ ikoli suu ḅụ, tẹ oyi aḍin mie ọ́ kẹ tọrụsiẹrị ḅarịye. Ọmịnị ọmịnị ị̀ ḅụ nyana minini mẹ ọlọ kụrọmaa, anị nwẹnị fịị dogi-ḅo sọ, tẹ yẹrị ḍumo kẹ owu-ḅara-iḅi apụ gbẹẹ-ye sọma tẹ kẹ ọ́ pịrị ḅa.