Luku 9:23 - FỊAFỊA BAỊBỤLỤ

²³ Tẹ ọ̀ nwẹnị inimgba ḅẹẹ, “Gbọrụḅọ nwẹnị ì ḍukamẹnjị ḅẹ-ḅiiarị ḅẹḅẹ, mịẹ ḅara, mịẹ ḅara sọ, mḅọ amịna ḅụụ kẹ ḅioḅọrọma tẹ ene ḅaa ene, ḅaa ene mḅọ amịna ẹngbẹsẹ-sịn saakị dogi, tẹ ì ḍuka ḅoo.

Luku 9:23 Iomraidhean Croise

Romu 8:13

Kẹ gotẹ ọkọ ḍukoarị, ó tomḅọ si sime-ḅara mẹ ḍiki anga angaa, ọ́ fịị ḅa; kụma ọ́ nwẹnị Tẹmẹ ḅe ḅụ ḅọrọ tẹ ọmịna si amịẹaị ma ḅaa-ḅaa, ó ḍumo ḅa.

Kọlọsị 3:5

Ọkọẹrẹsị, ó tomikiri ḅẹ aị tẹ oju ḅio ọmịnị ịgbanịarị aị ma ḅaa siin, anie mịna aị ma kịka aị: kura-a ḅara ḅụ owiḅọ na ẹrẹḅọ na gboloma na, ḅụụ gbẹẹ-a ye-mịẹ-ḅara na, lẹlẹ ye pịrị na, si ḅara kẹ tẹmẹ-lokoloko ye pịrị na, opu pọkọ-ḅẹngbọ na (miemẹ oru tẹkẹ na anị na gbọrụ ḅara).

2 Timoti 3:12

Kịrayịsị Jizọsị na gbọrụ ḅụ sime tẹ Tamụnọ kịka ḍumo ḅiiarị ḅọ, ḅiiarị ḅọ ịn ḅaa-ḅọkọ kẹ mḅọ ḍọkị ḅa;

Tayịtọsị 2:12

Anị ḍiki-ḅụụjịrị mẹ wa tolumarị mịnẹ wa Tamụnọ nimi-a ḍumo na tomikiri ḅẹ aị na gotẹ lẹlẹ akuroma na ḅụ ḅara-siin, tẹ ḅụụ ọlọ na, kịnị mingirima-a na, Tamụnọ nimi na ḍumo kọn, mị tomikiri ḅụ,

Hiburu 13:13

Ọkọẹrẹsị, ó yee wa onu mẹ ḅio paka etela anga mẹ ḅụ ọ̀ dama-mu tẹ ori na sọ tẹ ọ̀ ḅụụ-jịrị mẹ da.