Luku 9:22 - FỊAFỊA BAỊBỤLỤ

²² Ọ̀ pịkị ịn ḅẹẹm, “Tomḅọ Tụḅọ ḅe ẹrị ḅarị tọrụsiẹrị ḅakam, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ọ̀ sịkị ḅa. Ini ọ̀ ḅaa ḅa, kụma tẹra aḍin karama ene ḅụ Tamụnọ ọ̀ saakịma tẹ ò ḍumo ḅa.”

Luku 9:22 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Danẹlị 9:26

Anị sakị mẹ ḅẹ kunoma ḅụ ịn Tamụnọ sẹlẹ pakama-ḅo sịḅịdaḅọ ḅe ḅaa ḅa inoma ḅọkọ ḅụ. Opu ama mẹ na Tamụnọ-warị mẹ na kụrọtẹ ḅẹrẹtọnḅọ ama koro ọmụ-ogbo arị kan-sara ḅa. Kunoma mẹ ḅo ḅarị ḅara ẹgẹnẹ-minji seri sọ ḅara, ọmụ na guluguluma na ọkị-ḅoarị Tamụnọ tẹlẹma wẹrị ḅara ḅụ.

Zẹkaraya 13:7

Kụrọmamgba nyana KỊNỊNYANAḄỌ ḅe ḅẹẹarị, “Mono ḅụ saakị, okologie, tẹ owu kẹ namakọrị ị̀ pịrịarị anana-ḍikiḍikiḅọ ḅe paka! Ọ̀ ḅaa, tẹ anana ma gala-gala ḅa. Yẹrị owu kẹ ị̀ atomi paka ḅa,

Matiyo 17:12

Kụma à ḍuko ọ́ pịrịarị, Ịlayịja ò ḅo la kụra-ḅio iḅerea, tẹ tomi ò lekiri-a, kụma ịna ḅụụ ḅẹlẹ-ḅara ḅẹlẹ-ḅara mie ịn kẹ ọ̀ mịẹ yee. Anị gbọrụ si ḅara mẹ mie ịn kẹ Tomḅọ Tụḅọ ḅe sọ mịẹ ḅarị ḅara.”

Matiyo 17:22

Gbọrụ sakị Jizọsị ḍukamẹnjịapụ mamgba mu Galili ḅụ kobiri wararị ogbo ori ịn ḅẹẹm, “In Tomḅọ Tụḅọ ḅe kẹ mu tomina ḅara-ḅio suu ḅẹ-yearị;

Matiyo 27:63

tẹ ḅẹẹm, “Wa nyanaḅọ, wa kẹ ḅioḅọrọmaa, mịnẹ anị iruoḅọ ḅe ḍumo wararị sakị ọ̀ ḅẹẹm, Tẹra ḍin ḅọrọ tẹso, Tamụnọ fịị ḅụ ị̀ saakịma ḅa.

Makị 8:31

Anịtẹso Jizọsị saakị ò ḍukamẹnjịapụ ma tolumam: “Tomḅọ Tụḅọ ḅe kpọma tọrụsiẹrị ḅa, tẹ ama ḅẹ omongi apụ ma na, agbamịẹapụ ma na, Oloko Tolumapụ ma na ọ̀ sịkị ḅa. Ini ọ̀ ḅaa ḅa, kụma tẹra aḍin ḅọrọ tẹso, ọ̀ saakị tẹ ḍumo ḅa.”

Makị 9:31

ò ye kẹ ò ḍukamẹnjịapụ ma tolumarị ẹrẹsị: ori mẹẹ, “In Tomḅọ Tụḅọ ḅe saḅama ọ̀ ḅaa ḅẹ atomi pịrị ḅa. Anị sime-ḅara, sime-ḅara sọ, tẹra aḍin sakị ḅụ ọ̀ saakị tẹ ḍumo ḅa.”

Luku 17:25

Kụma ọ̀ tarị tọrụsiẹrị lama ḅa, tẹ mị sakị mẹ ḅẹ apụ ma ọ̀ sịkị ḅa.

Luku 24:26

Anị mịẹ na-iḅi ye-a, mịnẹ Mẹsaya ḅe mịna ḅụụ-fụka ma da-tolu-ḅọrọ ḅo ori ebube ḅio sọ?”

Luku 24:44

Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Luku 24:7

‘In Tomḅọ Tụḅọ ḅe saḅama si-mịẹapụ pịrị ḅa, ini ọ̀ kẹ ẹngbẹsẹ-sịn ḅụ ḅakụ ḅa, tẹ tẹra aḍin sakị ḅụ ọ̀ saakị tẹ ḍumo ḅa.’ ”

Luku 9:44

“Ọmịnị à ḍuko ọ́ pịrị ḅẹ-yearị ye mẹ kẹ ḅioḅọrọma ma! In Tomḅọ Tụḅọ ḅe kẹ tomina kụrọ ḅara-ḅio suu ḅẹ tẹẹ.”

1 Kọrịntị 15:4

mịnẹ ini ò ḍiḅim, tẹ tẹra aḍin karama ene ḅụ Tamụnọ fịị ḅụ ọ̀ saakịma tẹ ò ḍumom, Fịafịa Ḍiri mẹ ḅio anị kẹẹ koro ḅara ḅụ;

1 Pita 1:11

Ịn pịkị ḍọkị-nimi ḅẹm, sakị mẹ na, anị ḅo ḅẹ ḅara na. Mị sakị mẹ mie Kịrayịsị Tẹmẹ ḅe tẹ ịna ḅụụ ḅio sime ḅọ ḅe ḅara kẹ tọkịma sime ye, tẹ ịn nwẹnị Kịrayịsị ye-inema alama ḅụ ẹrị ḅẹ atọrụsiẹrị ma na arị ḍuka ma-ḅo ḅarị ebube mẹ na ḅẹ ịkịan kuro.