Luku 9:20 - FỊAFỊA BAỊBỤLỤ

²⁰ Ọ̀ nwẹnị in gbela, “Ọmịnị ḅọrọ tọ ḅara? Ọmịnị ị̀ kẹ tụḅọ sịn-arị?” Pita nwẹnị pakịrị, “Ị́yẹrị anie Tamụnọ Mẹsaya ḅee.”

Luku 9:20 Iomraidhean Croise

Matiyo 22:42

“Ndẹẹ Mẹsaya ḅe gboloma ye ḅụ ó kuromarị ye? Tụḅọ furo ọ̀ paka?” Ịn nwẹnị pakịrị, “Devidi furo ọ̀ pakam.”

Matiyo 26:63

Kụma Jizọsị nwẹnị gbọsime. Sịḅịda-Agbamịẹḅọ ḅe nwẹnị siin ẹkwẹn ọ̀ pịrị, “Mịọkụ à ḍumo wararị Tamụnọ ḅe ẹrẹ kẹ ye kẹ ị́ karị tẹ: ḍuko wa pịrị, ị́yẹrị Mẹsaya, Tamụnọ Tụḅọ ḅe ḅẹḅẹ.”

Matiyo 5:47

Ị́ nwẹnị sịn-ḅịḅị kẹ í ikiapụ kịngẹ pịrịarị kụma, ị́ tọ kịrị ye mịẹ? Anie oru nimi apụ ma sọ kọkọ mịẹ-mịẹ ḅara!

Makị 14:61

Kụma Jizọsị gbọsime tẹ gbọrụ ẹkwẹn sọ kọn ḍụkụ-a. Tẹ Sịḅịda-Agbamịẹḅọ ḅe pịkị siin ò gbelam, “Mẹsaya, Bomatẹ Tamụnọ ḅe Tụḅọ ḅe?”

Makị 8:29

Ọ̀ nwẹnị in gbela, “Ọmịnị tọ-ḅara ḅẹẹarị, yẹrị tụḅọ?” Pita nwẹnị pakịrị, “Ị́yẹrị anie Mẹsaya ḅee.”

Luku 22:67

Ịn nwẹnị ḅẹẹ, “Ḍuko wa pịrị anie Mẹsaya ḅe ḅẹḅẹ?” Ọ̀ nwẹnị pakịrị, “À ḍuko ọ́ pịrị sọ ọmịnị ì minini ḅịa,

Luku 9:19

Ịn nwẹnị pakịrị, “Ja apụ ị́ kẹ Minji-sara Jọnị sịn-arị; jen-apụ pịkị ị́ kẹ Ịlayịja sịn-arị, tẹ jen-apụ pịkị ḅẹẹarị elemu fịị ḅọrọ tẹ ịkịankoroapụ ḅẹ gbọrụḅọ ḍima ḅo tẹ.”

Jọnị 1:41

Anị gbọrụ kiri ọ̀ nwẹnị ori iyimbere Sayịmọnị ḍọkị tẹ ḍuko ọ̀ pịrị, “Mẹsaya ḅe wa ori ẹrị tẹ” (anie fiearị ye “Kịrayịsị”.)

Jọnị 1:49

Natanịyẹlị nwẹnị pakịrị, “Ye-tolumaḅọ, ị́yẹrị anie Tamụnọ Tụḅọ ḅee; ị́yẹrị anie Izirẹlị Amadaḅọ ḅee.”

Jọnị 11:27

Á nwẹnị pakịrị, “Inn, KỊNỊNYANAḄỌ, à mininim mịnẹ ị́yẹrị anie Mẹsaya, Tamụnọ Tụḅọ ḅee, tẹ tomikiri mẹ ḅo ḅẹ ḅọ ḅee.”

Jọnị 20:31

Kụma nwẹn kẹẹ wararị aị ma gotẹ kẹẹ ye anie mịẹtẹ ó minini ḅẹ ḅara mịnẹ Jizọsị anie Mẹsaya, Tamụnọ Tụḅọ ḅee, anịsakị ọmịnị ọ̀ ḅụụ nyana minini ḅụ ọ́ ḅọrọtẹ ḍumo nyana ḅarị ḅara.

Jọnị 4:29

“Ọ́ paa ḅo à paka kụra-ḅio à mịẹtẹ ye goyegoye ḍuko ị̀ pịrị ḅọ ḍikii. Ori ḅọrọ Mẹsaya ḅe ḅoto.”

Jọnị 4:42

tẹ ịn nwẹnị ẹrẹḅọ ma ḅẹẹ, “Wa í ḍuko wa pịrị ye gotẹ minini-a, kụma wamịnị sọ wamịna ḅeri kẹ naa tẹ pịkị nimi tẹ mịnẹ tomi-juḅẹye ori anie tomikiri mẹ ḅẹ Ḅọrọmaḅọ ḅee.”

Jọnị 7:41

Osi apụ mẹẹ, “Ori anie Mẹsaya ḅe!” Kụma kirikọn-apụ mẹẹ, “Mẹsaya ḅe ọ̀ Galili ḅụ paka-ḅo ḅịa!

Fịrịmẹnjịapụ 17:3

Ọ̀ kẹ in ḍiem mịnẹ Fịafịa Ḍiri mẹ ḅio ò goo-goo ịn pịrị aị ma ḍuko ḅara ḅụ, Mẹsaya ḅe tọrụsiẹrị tẹ pịkị fị-ḅụ-saakị ḅa. Tẹ Pọlụ nwẹnị ḅẹẹ, “Ḅị Jizọsị ḅe tẹ à ḍuko pakama ọ́ pịrịarị ḅọ ḅe anie Mẹsaya ḅẹẹ.”

Fịrịmẹnjịapụ 8:36

Ini etela mẹ ḅụ ideri koro mu minji sime anga la tẹso, Fịrịmẹnjị-opuḅọ ḅe nwẹnị ḅẹẹ, “Mịanga minji emi sakị, tiye pịkị ì kiki ḅẹ minji sara ḅụ.”

Fịrịmẹnjịapụ 9:22

Kụma Sọlụ kọn ẹkwẹn mẹ kụrọ nyana la ḅara na, ọ̀ kịrị-kịrị aḅọkọ ḅụ Jizọsị anie Mẹsaya ḅe nwẹn ḅẹẹ ye mẹ ḍuko giregirema ḅara na mịẹtẹ Damasịkọsị ḅẹ Juu-ḅẹ-apụ ma ḅarị inetẹ ò kuḅu sịẹ-a.

1 Jọnị 5:1

Jizọsị anie Mẹsaya ḅe, minini ḅọ, minini ḅọ, anie Tamụnọ tụḅọ; anịsakị ḍaḅọ ḅẹlẹmarịḅọ mẹ pịkị mḅọ tụḅọ sọ ḅẹlẹmarị.