Luku 9:19 - FỊAFỊA BAỊBỤLỤ

¹⁹ Ịn nwẹnị pakịrị, “Ja apụ ị́ kẹ Minji-sara Jọnị sịn-arị; jen-apụ pịkị ị́ kẹ Ịlayịja sịn-arị, tẹ jen-apụ pịkị ḅẹẹarị elemu fịị ḅọrọ tẹ ịkịankoroapụ ḅẹ gbọrụḅọ ḍima ḅo tẹ.”

Luku 9:19 Iomraidhean Croise

Malakayị 4:5

“Kụma tẹrẹmẹ KỊNỊNYANAḄỌ ḅe opu ḅalafama ene mẹ ḅo, àrị ị̀ ịkịankoroḅọ Ịlayịja kẹ ọ́ fịrịma ḅa.

Matiyo 14:2

Tẹ ọ̀ nwẹnị ḍuko ò suku-ḅio simearị opu afịrịmẹnjịapụ ma pịrị tẹ ḅẹẹ, “À nwẹn ẹrẹ naarị ḅọ ḅe Minji-sara Jọnị tẹ à ḅaa ḅọ ḅe orii. Ọ̀ fị-ḅụ-saakị tẹẹ. Anie mịẹtẹ ọ̀ nwẹn sime kụrọ nyana tẹ kẹ ḅụụ-buama-aị mịẹarị.”

Matiyo 3:1

Anị sakị mẹ ḅụ Minji Sara Jọnị ḅo Judiya ḅẹ ịkpa mẹ ḅio saakị Tamụnọ ẹkwẹn kọnm.

Makị 6:14

Anị sakị mẹ ḅụ Ama-da Ẹrọdị sọ anị gboloma aị mamgba naam, Jizọsị ereso mẹ wasama mu anga, anga la fama tẹ ẹrẹsị. Ja apụ ḅẹẹ simem, “Minji Sara Jọnị fị-ḅụ-saakị tẹẹ! Mie ẹrẹsị ọ̀ kụrọ nyana tẹ ḅụụ-buama-aị mịẹarị.”

Makị 6:15

Anị sime-ḅara, sime-ḅara sọ, ja apụ mẹẹ, “Ori Ịlayịja.” Osi apụ mẹẹ, “Ori ịkịankoroḅọ, tẹ iḅere-iḅerea kụra-ḅio ḅẹ ịkịankoro apụ ma ḅẹ gbọrụḅọ kịkarị.”

Luku 9:18

Gbọrụ ene ḅụ, Jizọsị ngẹrị tẹkẹarị ogbo ò ḍukamẹnjịapụ ma ḅo ọ̀ lam. Ọ̀ nwẹnị in ḅii, “Tomi ma ini ị̀ kẹ tụḅọ sịn-arị?”

Luku 9:20

Ọ̀ nwẹnị in gbela, “Ọmịnị ḅọrọ tọ ḅara? Ọmịnị ị̀ kẹ tụḅọ sịn-arị?” Pita nwẹnị pakịrị, “Ị́yẹrị anie Tamụnọ Mẹsaya ḅee.”

Jọnị 1:21

Ịn nwẹnị pịkị gbela, “Anị sakị Ị́yẹrị tụḅọ? Ị́yẹrị Ịlayịja mụnọọ?” Jọnị nwẹnị pakịrị, “Ẹn-ẹn, yẹrị-yaa.” Ịn nwẹnị gbela, “Ị́yẹrị anị Ịkịankoroḅọ ḅe mụnọọ?” Ori mẹẹ: “Ẹn-ẹn.”

Jọnị 1:25

nwẹnị sin Jọnị gbela, “Ị́yẹrị Mẹsaya ḅe-a, pịkị Ịlayịja-a, pịkị anị Ịkịankoroḅọ ḅe-a ḅẹẹ sakị, í tiegotẹ minji kẹ kịnị sararị?”

Jọnị 7:40

Tomina-ogbo mẹ ḅẹ jen-apụ Jizọsị kọn ẹkwẹn mẹ naa tẹ ḅẹẹm, “Karakara-ḅara-ḅụ ḅị tomḅọ ḅe anie ḅo ḅẹ tẹ wa ḍiki sime Ịkịankoroḅọ ḅee!”

Jọnị 9:17

Mie ḅụ Farịsiiapụ ma nwẹnị pịkị sin jen gbọrụ sakị kẹ tomḅọ ḅe gbela, “Ị́yẹrị mẹẹ ori mie ị́ pụụntẹ atọrụngbọ ma gwọ ye ḅẹẹ sakị, í ò gbolomaye ḅụ ḍukoarị ye ḅọrọ tiye?” Tomḅọ ḅe nwẹnị pakịrị, “Ori ịkịankoroḅọọ.”