Luku 9:18 - FỊAFỊA BAỊBỤLỤ

¹⁸ Gbọrụ ene ḅụ, Jizọsị ngẹrị tẹkẹarị ogbo ò ḍukamẹnjịapụ ma ḅo ọ̀ lam. Ọ̀ nwẹnị in ḅii, “Tomi ma ini ị̀ kẹ tụḅọ sịn-arị?”

Luku 9:18 Iomraidhean Croise

Matiyo 14:23

Ò tomi ma ḅẹẹ tẹ in so fama tẹso, ori nwẹnị ngẹrị iwo tụndụ mẹ ọgọnọ tẹkẹ ḅẹ mu. Ene ḅo ḅoḅiri sakị Jizọsị paa ngẹrị ò sime anga mẹ ḅụ emi;

Matiyo 26:36

Anịtẹso Jizọsị ò ḍukamẹnjịapụ ma kẹ ọ̀ ḅụụ sụa tẹ Gẹtịsimani nwẹn-sịn anga mum, tẹ ori ịn ḅẹẹm, “Ọ́ mịanga lẹgị-sime tẹ yẹrị mu osi saḅa-anga tẹkẹ.”

Luku 11:1

Gbọrụ ene ḅụ, ḅụ Jizọsị mu gbọrụ anga sime tẹ tẹkẹ fama tẹso, ò ḍukamẹnjịapụ ma ḅẹ gbọrụḅọ ọ̀ ḅẹẹm, “KỊNỊNYANAḄỌ, Jọnị tẹkẹ kẹ ò ḍukamẹnjịapụ toluma ḅara ị́yẹrị sọ tẹkẹ kẹ wa tolumaa.”

Luku 3:21

Jọnị minji kẹ tomi mamgba sara fama tẹso, ọ̀ pịkị minji kẹ Jizọsị sọ saram. Tẹ Jizọsị tẹkẹarị ogbo so ḅọkọ nwẹnị finji,

Luku 6:12

Anị sakị ḅụ Jizọsị tụndụ kpọlị iwo tẹ anịjụ bebe ḍin kẹ Tamụnọ tẹkẹm.

Luku 9:19

Ịn nwẹnị pakịrị, “Ja apụ ị́ kẹ Minji-sara Jọnị sịn-arị; jen-apụ pịkị ị́ kẹ Ịlayịja sịn-arị, tẹ jen-apụ pịkị ḅẹẹarị elemu fịị ḅọrọ tẹ ịkịankoroapụ ḅẹ gbọrụḅọ ḍima ḅo tẹ.”

Luku 9:28

Ọ̀ mịna aị ma ḍuko tẹ sọnọma aḍin ḅọrọ tẹso Jizọsị nwẹnị Pita na, Jọnị na, Jemusị na ọkị tụndụ ọgọnọ tẹkẹ ḅẹ mu.

Luku 9:29

Ọ̀ tẹkẹarị ḅe sakị ọ̀ tọrụkuḅu ḍima tẹ, ọ̀ kapa sọ weema tọrụ sọ ḅara kẹ ḅịya tẹ.