Luku 9:16 - FỊAFỊA BAỊBỤLỤ

¹⁶ Jizọsị nwẹnị fịturu sọnọ akpo ma na inji amẹngbọ ma na ọkị tẹ tọrụ saakị so ḍiki, tẹ arị gotẹ ịmịẹtẹ kẹ Tamụnọ ḅẹẹ, ọ̀ nwẹnị arị paịn tẹ kẹ ò ḍukamẹnjịapụ ma pịrị mịnẹ in ḍie tomi ma pịrịị.

Luku 9:16 Iomraidhean Croise

Matiyo 14:19

Ọ̀ nwẹnị tọn tomi ma pịrị mịnẹ ini osuka mẹ ọgọnọ lẹgị-simee; anịtẹso ọ̀ nwẹnị ịna ḅara fịturu sọnọ akpo ma na inji maa mgbọ ma na daa-ọkị, tọrụ saakị so da, tẹ ịmịẹtẹ kẹ Tamụnọ ḅẹẹ. Ọ̀ nwẹnị fịturu kpo-kpo ma paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Matiyo 15:36

Anịtẹso ọ̀ fịturu sọnọma akpo ma na inji mẹ na ọkị tẹ ịmịẹtẹ kẹ Tamụnọ ḅẹẹ tẹ arị paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Makị 7:34

Anịtẹso Jizọsị nwẹnị tọrụ saakị So-tọrụ da, opu iningi kọn, tẹ tomḅọ ḅe ḅẹẹ “Ẹfata,” anie fiearị, “Finji sara-a!”

Luku 22:19

Anịtẹso ọ̀ nwẹnị fịturu pakịrị ọkị, ịmịẹtẹ kẹ Tamụnọ ḅẹẹ, tẹ anị paịn tẹ kẹ ịn pịrị, tẹ ḅẹẹ, “Mie ì oju tẹ ịn kẹ ó gotẹ pịrị ye mẹ. Ó mie mịẹ tẹ kẹ ị̀ kẹ ḅiokoromaa.”

Luku 24:30

Ọ̀ lẹgị sime tẹ ini na ye fị ḅẹ tẹso, ori nwẹnị fịturu mẹ ọkị, tẹ anị boma tẹ paịn tẹ kẹ ịn pịrị.

Luku 9:15

Jizọsị ḍukamẹnjịapụ ma ọkọ kẹ tomi ma lẹgịma tẹso,

Luku 9:17

Inimgba fị furo ḅinmam, tẹ kọn aị ma ò ḍukamẹnjịapụ ma arị tan oyi maa akana finji ḅinmam.

Jọnị 6:11

Jizọsị nwẹnị fịturu mẹ ọkị tẹ ịmịẹtẹ kẹ Tamụnọ ḅẹẹ, tẹ anị ḍiya tomi ma pịrị, ịn lẹgị-sime anga mẹ ḅụ. Anie ọ̀ pịkị kẹ inji mẹ sọ mịẹ ḅara, tẹ inimgba in ḅii ḅara, ḅii ḅara ọkịm.

Jọnị 6:23

Tayịberiyasị ḅụ ḅo ja arụ nwẹnị KỊNỊNYANAḄỌ ḅe ịmịẹtẹ kẹ Tamụnọ ḅẹẹ tẹ fịturu kẹ tomina-ogbo mẹ pịrị fị anga mẹ na kpeki pọkụ ḅụ sọma.

Fịrịmẹnjịapụ 27:35

Pọlụ ọkọ ḅẹẹ tẹso, ọ̀ nwẹnị fịturu ọkị, tẹ ịmịẹtẹ kẹ Tamụnọ ḅẹẹ tẹ inimgba tọrọkọ anị paịn fị.

Romu 14:6

Gbọrụ ene ọkị gelemarị ḅọ mẹ gotẹ ọkọ mịẹarị ye mḅọ kụn kẹ KỊNỊNYANAḄỌ ḅe pịrị ḅẹ ḅara; fị-fị ye goyegoye fị ḅẹ-ḅiiarị ḅọ mẹ sọ KỊNỊNYANAḄỌ ḅe kụn gotẹ mịẹarị, gbala ọ̀ fịye mẹ gotẹ ịmịẹtẹ kẹ Tamụnọ ḅẹẹarị. Ja afịaị fị ḅẹ ḍọkị-a ḅọ mẹ sọ KỊNỊNYANAḄỌ ḅe kụn ḅẹ gotẹ ọkọ mịẹarị, tẹ ori ịmịẹtẹ kẹ Tamụnọ ḅẹẹarị.

1 Kọrịntị 10:30

À gotẹ ịmịẹtẹ kẹ Tamụnọ ḅẹẹ tẹ fịye mẹ ḅụ ndẹẹ jụmọ kẹ anị kẹ ì ḍuko sima ḅẹ ḅara?”

1 Kọrịntị 11:24

tẹ ịmịẹtẹ kẹ Tamụnọ ḅẹẹ tẹ, anị paịn tẹ ḅẹẹm, “Mịẹ ì oju mẹ, ịn kẹ ó gotẹ pịrị ye mẹ. Ó miemẹ mịẹ tẹ kẹ ị̀ kẹ ḅiokoromaa.”

1 Samụẹlị 9:13

Ọmịnị opu ama mẹ ḅio mẹnjị sọ-mu gbọrụ sakị, ọmịnị ọ̀ ḍọkị-ẹrị tẹrẹmẹ ò so gele yọ mẹ ḅụ fịye fị ḅẹ mu ḅa; kẹ gotẹ ọkọ ḅẹẹarị, agba mẹ ori anị boma nyanam, anịtẹrẹmẹ inima tẹ ịn sịn ḅo apụ ma fịye mẹ fị ḅa nwẹn ḅẹẹ sakị, tomi ma fịye mẹ fị ḅịa nwenii ò ḅo ḅa. Mịọkụ ọmịnị iwo muu, kẹ gotẹ ọkọ ḅẹẹarị, anị gbọrụ sakị ḅụ ọmịnị ori na bịama ḅa.