Luku 9:12 - FỊAFỊA BAỊBỤLỤ

¹² Ḅoḅiri ịrụa tuuideriarị ogbo, ò Ḍukamẹnjị Oyi Maa apụ Finji ma ḅo Jizọsị la tẹ ḅẹẹm, “Tomi ma ḅẹẹ ịn sọ-mu mị iri ḅụ ama aḅio na ḍụọ akiri na ḅụ ye ḍọkị fị tẹ mono, mịanga mẹ kịnị anga-a anga ḅẹ sakị.”

Luku 9:12 Iomraidhean Croise

Izikẹlị 34:25

À ye ịn la ḅịa ḅiokpọ kẹ ịn pịrị ḅarị ọḅọkụ kẹ ini na fị ḅa. À kịnị-ḅaaḅa si anama mamgba sikima fama ḅa amakiri mẹ ḅụ, mịẹ tẹ ị̀ anana ye-ḅụụ-la-a ḅara kẹ ḍụọ ḍiḅi akiri ma ḅio anga tẹ opu-apiri ma ḅio mono ḅa.

Hosiya 13:5

Àrị ó koko tẹ ọ́ pịrị fịm, ịkpa mẹ ḅio.

Matiyo 14:13

Jizọsị ḅo Jọnị fị mẹ gbolomaye naa sakị, ori anị anga koroma som, arụ ḅio ḅụ, tẹ mu yaụ-sime wararị anga ḅụ ngẹrị simem. Tomi ma anị gbolomaye naa tẹ ịna ama ma ḅụ saakị tẹ kiri ọgọnọ ọ̀ pẹlẹma mum.

Matiyo 15:23

Kụma Jizọsị ḅịḅị fie á pịrị-a. Ò ḍukamẹnjịapụ ma ọ̀ dama-ḅo tẹ ḅẹẹm, “Sisi, á ḅẹẹ á so! Á wa ḍukamẹnjị-mẹnjị tẹ oloku wamịna ḅụụ fụkamarị!”

Matiyo 15:32

Jizọsị ò ḍukamẹnjịapụ ma sịn ọ̀ ḅụụ pịrị tẹ ḅẹẹm, “Mịna atomi ma àrị in ḍiki-sịḅị-kụrụkụrụarị, kẹ gotẹ ọkọ ḍukoarị tẹra aḍin ịn nwẹn kẹ ị̀ na sime tẹ, mịọkụ ịn ḅarị fịye nyana-a. À ḅii-a àrị ịn nwẹn ye fị-a ḅara mẹ kẹ ịn ḅẹẹ tẹ in so, in so warị muarị ogbo in ḅofa naịn-ḅọrọ etela ogbo.”

Luku 9:11

Tomina-ogbo-ogbo ma ḅo ọ̀ mẹnjịarị ḅara naa tẹso, ịn nwẹnị ò ḍuka-mu. Tẹ ọ̀ nwẹnị ịn daa-ọkị tẹ Tamụnọ Ama-da mẹ gboloma ye ḍuko ịn pịrị, tẹ pịkị gwọọ ḅii apụ gwọ.

Luku 9:13

Kụma Jizọsị ịn ḅẹẹm, “Ọmịnị ḅarana fịye ḍọkị tomi ma pịrị fị.” Ịn nwẹnị pakịrị, “Fịturu sọnọ akpo na inji amẹngbọ na ngẹrị mịẹ wamịna aḅara emi ye. Ị́ ḅii wa mu mị bebe tomina-ogbo mẹ pịrị fị ḅẹ fịye fẹ?”

Jọnị 6:1

Miemẹ ḅọrọ tẹso, Jizọsị nwẹnị Galili tọrụ mẹ saḅa osi pakịrị anga mu (anị tọrụ mẹ Tayịberiyasị tọrụ sọ ịn kẹ anị sịn sịnm).

Filipayị 1:19

gbala à nimi wararị mịnẹ ọmịna atẹkẹ na, Jizọsị Kịrayịsị Tẹmẹ ḅe ḅarasụa mẹ tẹ ḅo ị̀ laarị ye mẹ na ḅụ, ikoli mẹ ḅio à paka-ḅo ḅa.