Luku 9:1 - FỊAFỊA BAỊBỤLỤ

¹ Jizọsị ò Ḍukamẹnjị Oyi Maa apụ Finji ma sịn kobiri tẹ kụrọ kẹ ịn pịrịm ịn kẹ oru dee sin tẹ pịkị obi gwọọ.

Luku 9:1 Iomraidhean Croise

Matiyo 16:19

Tẹ à Tamụnọ Ama-da mẹ sọ-mu ḅẹ ḅọkọ asambị ma kẹ ị́ ḅara sụa ḅa; tomikiri ḅụ í kiki ḅọ kiki ḅọ, So-ḅio sọ ini mḅọ kiki ḅa; tẹ tomikiri ḅụ ị́ da-suu ḅọ da-suu ḅọ, So-ḅio sọ ini mḅọ da-suu ḅa.”

Matiyo 4:24

Ò gboloma ye mu bebe Siriya sịẹ mẹ kana-korom, miemẹ mịẹtẹ ịn nwẹnị obi apụ mamgba kẹ mu ọ̀ la, obi mẹ sime-ḅara, sime-ḅara sọ — oru sịḅị ḅio sime apụ-o, ịsịla-obi kọn apụ-o, ngụrọ-kọnapụ-o, tẹ Jizọsị nwẹnị inimgba gwọ.

Matiyo 8:9

Yẹrị sọ ị̀ nẹngị tẹ ḅẹrẹtọn ị̀ pịrịarị apụ emi, tẹ ì ḅioju sọ ì suku-ḅio ọmụapụ emi. À tọn gbọrụḅọ pịrịm, ‘Muu’ ḅẹẹ kụma ò mum; à pịkị tọn jụmọ pịrịm, ‘Ḅoo’ ḅẹẹ kụma ò ḅom; tẹ à tọn ị̀ fịrịmẹnjịḅọ pịrị mịnẹ, ‘Mie mịẹẹ,’ ḅẹẹ kụma ori anị mịẹm.”

Luku 10:1

Anịtẹso Jizọsị nwẹnị jen kịnị atesi oyi finji na maa apụ na sẹlẹ-ọkị, tẹ maa apụ, maa apụ kẹ tọrọkọ tarị ò mu ḅẹ ama, ama na, ọ̀ la ḅẹ anga, anga na fịrịma.

Luku 10:19

Ó pokii! À kụrọ kẹ ọ́ pịrị tẹ ọ́ kẹ ododo na akpị na ọgọnọ sịẹ mẹnjịị, tẹ pịkị kẹ Ekwesu kụrọ mẹ nẹngịmaa, tẹ gberie-sọ ye kẹ ọ́ lama ḅịa.

Jọnị 14:12

À karakara mẹ ḍuko ọ́ pịrịarị: Ì minini ḅọ, minini ḅọ à kọrịarị akọrịnama ma kọrị ḅa, inn, mịna aị nẹngị aị sọ mḅọ kọrị ḅa, à so Ḍaḅọ ḅe ḍọkụma-muarị ẹrẹsị.

Fịrịmẹnjịapụ 1:8

Kụma Fịafịa Tẹmẹ ḅe ḅo ọmịna ọgọnọ gbana sakị, kụrọ ọmịna ḅụụ ḅio ḅin tẹ, ó Jeruselemu ḅụ na, Judiya ḅụ na, Sameriya ḅụ na, bebe tomikiri mẹ ḅụ na ị̀ ḅụụ ḅẹ aḅẹrẹ ma ḍuko-ḍuko tomi pịrị ḅa.”

Fịrịmẹnjịapụ 3:16

Ori ẹrẹ mẹ ḅẹ kụrọ mẹ mie ịnyọ kẹ ḅị ekeliḅọ ḅe pịrị ye. Ọmịnị ẹrị tẹ nimi tẹ ye mẹ, ori ẹrẹ ḅụ minini nyana ḅụ anị mịẹm; Jizọsị ḅụụ minini nyana mie mịẹtẹ ori oju iḅi ye, ọmịnị-mgba inetẹ ẹrịarị ḅara ḅụ.

Fịrịmẹnjịapụ 4:30

Ị́ ḅara sụn-pakama tẹ kẹ obi apụ gwọ, tẹ mịẹtẹ ị́ fịafịa Fịrịmẹnjịḅọ Jizọsị ḅe ẹrẹ ḅụ ḅụụ-gbiripuma aị na ḅụụ-buama-aị na mịẹ.

Fịrịmẹnjịapụ 9:34

Pita nwẹnị ọ̀ ḅẹẹ, “Ahinasị, Jizọsị Kịrayịsị ị́ gwọ tẹ, saakị tẹ ị́ akpalị ikoo.” Anị gbọrụ sakị ḅụ ọ̀ nwẹnị saakị sịẹ.