Luku 8:7 - FỊAFỊA BAỊBỤLỤ

⁷ Mgbọlị ma ḅẹ jaị nangị apiri ogboku saram, tẹ ḍiḅi aị ma arị na gbọrụ ḅụ so-paka tẹ nangị ma arị temi ḅaam.

Luku 8:7 Iomraidhean Croise

Suku-saakị 3:18

Nangị na kịnị temiarị osuka na mie anị pakama pakama-ḅo ị́ pịrị ḅarị ye; anịsakị piri-ḅio-ḅẹ asịn mie ị́ fị ḅarị ye.

Jerimaya 4:3

KỊNỊNYANAḄỌ ḅe ḍuko Juda na Jeruselemu na ḅẹ apụ pịrịarị, “Ọmịnị ọmịna fịye ḍiḅi akiri ma tẹ amụ soku-a aị ma soku tẹlẹma; ọ́ nangị ogboku fịye ḍiḅi ma.

Matiyo 13:22

Nangị asịn ogboku koro mgbọlị ma fiearị ye anie, ini tẹ oku mẹ naa apụ, kụma mị ḍumo mẹ ḅẹ ḅụụ-ḅalaḅala na ngọ ḅẹlẹma na oku mẹ temi ḅaa sin tẹ ịn ḅarị mgbọlụ sụaa.

Matiyo 13:7

Ọ̀ kẹ wakị sara wasama mgbọlị ma ḅẹ jaị nangị asịn simearị kiri ḅụ korom, tẹ ḍiḅi aị ma paka ḅoarị kụma nangị ma nwẹnị arị temi ḅaa sịn.

Makị 4:7

Mgbọlị ma ḅẹ jaị nangị asịn sime kiri ḅụ saram, tẹ nangị asịn ma so-paka tẹ ịwọma pakarị aị ma temi ḅaam, tẹ arị mbịaka gbọrụmgbọ-sọ sụa-pakama ḅo-a.

Luku 21:34

“Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,

Luku 8:14

Nangị asịn ogboku koro mgbọlị ma anie naa tẹ tomikiri ḅẹ ḅalaḅala na, ngọ na mị tomikiri ḅẹ tọrụ-ḅẹlẹ na ḅo ịna ḅioḅẹngbọ ḅụ anị ponoma ḅaa apụ, tẹ ịn ḅụụkụrọma sụa mgbọlụ sọ gbala-gbala ḅịya-a gbamasom.

Luku 8:6

Arịḅẹ jaị pịkị ḍụḅarị kiri ḅụ korom, tẹ arị ḅịḅị toluma sakị, kiri mẹ minji nyana-a ẹrẹsị arị kpatụ tẹ fịịm.

Luku 8:8

Anịsakị mgbọlị ma ḅẹ jaị iḅi kiri korom; ḍiḅi aị ma nwẹnị so-paka tẹ mbịaka sụa, gberie sọnọa si sọnọa si.” Tẹ Jizọsị nwẹnị ẹkwẹn gbaịn ḅụ ḅẹẹ, “Ọkọẹrẹsị, ọ́ naa ḅiiarị ḅẹḅẹ ó pokii!”