Luku 8:6 - FỊAFỊA BAỊBỤLỤ

⁶ Arịḅẹ jaị pịkị ḍụḅarị kiri ḅụ korom, tẹ arị ḅịḅị toluma sakị, kiri mẹ minji nyana-a ẹrẹsị arị kpatụ tẹ fịịm.

Luku 8:6 Iomraidhean Croise

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Izikẹlị 11:19

Àrị ịwọ ḅioḅẹngbọ kẹ ịn pịrị ḅa, na ịwọ kuroma na. Àrị ịna kụrọ tẹ, ḍụḅarị ḅioḅẹngbọ mẹ siin tẹ ḅịḅịpoki ḅioḅẹngbọ kẹ ịn pịrị ḅa.

Izikẹlị 36:26

Àrị ịwọ ḅioḅẹngbọ na ịwọ kuroma na kẹ ọ́ pịrị ḅa. Àrị ọmịna kọngọ-kụrọma ḍụḅarị ḅioḅẹngbọ mẹ siin so tẹ ḅịḅịpoki ḅioḅẹngbọ kẹ ọ́ pịrị ḅa.

Emọsị 6:12

Asụ amẹẹ ịkụ ọgọnọ mangị-mangị? Tomi ḍụọ ḍiḅi kiri soku-soku anambulo kẹ abajị tọrụ soku-soku? Anịsọ ó tomḅọ la kiri kẹ mḅọ pịrị pịkị ḅo kịnị-ḅaaḅa ye sọma tẹẹ, pịkị ḅo kura-aye sọma tẹẹ.

Luku 8:13

Ḍụḅarị kiri koro ḍiḅi aị ma anie oku mẹ naa tẹ ḅioḅẹlẹ ḅara kẹ anị daa-ọkị apụ. Kụma anị iḅiọkụ ịna aḅioḅẹngbọ sọ-mu-a; boowa kala-sakị kịngẹ mie ịn kẹ minini ye, tẹ daaḍiki ḅo gbọrụ sakị ịn ḅịkị so tẹ.

Luku 8:5

“Sakị ḅe gbọrụ sakị ḅụ gbọrụ fịye ḍiḅiḅọ mbịaka ḍiḅi ḅẹ mum. Ọ̀ sara gala-galama sakị jaị mẹnjị ḅọrọ etela-ogbo sara tẹ tomi arị nanga ḅọrọm, tẹ feni nwẹnị arị gbọn-fị.

Luku 8:7

Mgbọlị ma ḅẹ jaị nangị apiri ogboku saram, tẹ ḍiḅi aị ma arị na gbọrụ ḅụ so-paka tẹ nangị ma arị temi ḅaam.

Hiburu 3:15

Mie Fịafịa Ḍiri mẹ ḍukoarị ye mẹ, “Mịmgba ọ́ Tamụnọ pọkọ naa naa, ọ́ kọngọ kụrọma ma, ọmịna atẹngịapụ ma mịẹ ḅara, ịn Tamụnọ na tụḅụrụ sakị.”