Luku 8:54 - FỊAFỊA BAỊBỤLỤ

⁵⁴ Kụma Jizọsị nwẹnị á ḅara ọlọ tẹ á ḅẹẹ, “Ị̀ tụḅọọ, saakịị.”

Luku 8:54 Iomraidhean Croise

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Matiyo 9:25

Kụma tomi ma ẹrẹḅọtụḅọ ma ḅio mẹ ḅụ sime tẹ paka fama gbọrụ sakị Jizọsị nwẹnị sọ-mu tẹ á ḅara saakị ọlọ, tẹ á nwẹnị saakị sịẹ.

Makị 1:31

Ọ̀ nwẹnị mu á la, á ḅara ọlọ, tẹ ḅarasụa á pịrị tẹ á saakị. Akọm mẹ nwẹnị á ḅụụ kaan-so tẹ á saakị fịrịmẹnjị ịn pịrịm.

Makị 8:23

Jizọsị ḅara kẹ tọrụngbọ-pụụntẹ owiḅọ ḅe ọlọ tẹ ọ̀ kẹ ama mẹ ḅio mẹnjị pakam. Jizọsị fịla kẹ owiḅọ ḅe atọrụngbọ isi tẹso, ọ̀ nwẹnị ḅara kẹ ori ọgọnọ gbana tẹ ò gbela, “Ị́ kọkọ inetẹ ye ẹrịarị?”

Makị 9:27

Kụma Jizọsị tụḅọ ḅe ḅara ọlọ tẹ ḅarasụa ọ̀ pịrị tẹ ọ̀ saakị sịẹm.

Luku 8:51

Ò ḅo warị mẹ la sakị Pita na, Jọnị na, Jemusị na tụḅọ ma ḍa na iyingiḅọ na sikima ọ̀ ḍụkụ tẹ jụmọ warị mẹ sọ-a.

Luku 8:53

Ini ẹrị ḅara ḅụ tụḅọ ma fịị tẹ gotẹ, inimgba nwẹnị ọ̀ ḍẹrị.

Luku 8:55

Á tẹmẹ nwẹnị anị gbọrụ sakị ḅụ pịkịma ḅo á ḅụụ sọ, tẹ á nwẹnị saakị sịẹ, tẹ Jizọsị nwẹnị tọn mịnẹ ịn fịye kẹ á pịrị fị.

Jọnị 11:43

Ọ̀ mị tẹkẹ mẹ kọn tẹso, ọ̀ nwẹnị oloku pọkọ kẹ ọ̀ sịn, “Lazarọsị, paka-ḅoo!”

Jọnị 5:21

Ḍaḅọ ḅe fịtẹ-apụ ma saakịma tẹ in ḍumoarị ḅara, anị gbọrụ ḅara mẹ mie Tụḅọ ḅe sọ ḍumo kẹ ò ḅiotọn apụ pịrịarị ḅara.

Fịrịmẹnjịapụ 9:40

Pita nwẹnị ḅio mẹ ḅụ inimgba pakama, tẹ kparakị tẹ tẹkẹ; anịtẹso ọ̀ nwẹnị pịkị ḍụẹịn mẹ da tẹ ḅẹẹ, “Tabita, saakịị.” Tẹ á tọrụ finji tẹ Pita ẹrị tẹso, á nwẹnị tụkụ tẹ lẹgị.

Romu 4:17

Anie Fịafịa Ḍiri mẹ ḅẹẹ ḅara, “Arị ị́ kẹ ḍa sọma tọnwa asịẹ pịrị tẹ.” Mie ḅụ, minini ye mẹ bebe ye sọ tẹ mẹ Tamụnọ ḅarana anị minini tẹ, anie Ebira-amụ ḅụụ ḅụ minini nyana Tamụnọ ḅẹ, fịtẹ-apụ saakịmarị Tamụnọ ḅe, tẹ tọn tẹ tarị tarị ḅụ ofori aị pakama-ḅo ḅọ ḅee.