Luku 8:50 - FỊAFỊA BAỊBỤLỤ

⁵⁰ Kụma Jizọsị anị naa tẹ Jayịrọsị ḅẹẹm, “Ḅalafa ma tẹ paa mininii, tụḅọ ma á kụrọma ḅa.”

Luku 8:50 Iomraidhean Croise

Jọnị 11:40

Jizọsị nwẹnị á ḅẹẹ, “À ḍuko ị́ pịrị-a mịnẹ ị́ Tamụnọ kụrọ mẹ ḅẹ ebube ẹrị ḅa, í minini nyanam ḅẹ kụma?”

Jọnị 11:25

Jizọsị nwẹnị á ḅẹẹ, “Yẹrị anie fị-ḅụ-saakị ḅee, pịkị ḍumo ḅee. Ì minini ḅọ, minini ḅọ mḅọ ḍumo ḅa; mḅọ ḅọrọ fịị sọ,

Makị 5:36

In ḍuko ye tiye-o, tiye-o, Jizọsị kẹ ye-sịn-a, kụma ò ḍuko Jayịrọsị pịrịm, “Ḅalafa ma, paa minini nyana-a.”

Luku 8:48

Jizọsị nwẹnị á ḅẹẹ, “Ị̀ tụḅọọ, í minini mịẹtẹ ị́ gwọọ tẹ. Dein na soo!”

Romu 4:17

Anie Fịafịa Ḍiri mẹ ḅẹẹ ḅara, “Arị ị́ kẹ ḍa sọma tọnwa asịẹ pịrị tẹ.” Mie ḅụ, minini ye mẹ bebe ye sọ tẹ mẹ Tamụnọ ḅarana anị minini tẹ, anie Ebira-amụ ḅụụ ḅụ minini nyana Tamụnọ ḅẹ, fịtẹ-apụ saakịmarị Tamụnọ ḅe, tẹ tọn tẹ tarị tarị ḅụ ofori aị pakama-ḅo ḅọ ḅee.

Makị 9:23

Jizọsị nwẹnị ḅẹẹ, “Inn, inetẹ ḅarị ḅẹḅẹ! Minini nyanaḅọ ḅụ ye goyegoye anị mịẹ ḅẹ ḅọkọ nyana wararị.”

Ayịzaya 50:10

Ọmịnị-mgba tẹ KỊNỊNYANAḄỌ ḅe kụn-arị apụ tẹ ọ̀ fịrịmẹnjịḅọ ḅe ẹkwẹn ma poki tẹ mịẹarị apụ, Ọ́ mẹnjịarị etela mẹ kanakana ḅo anị gbaịn ḅarị-o, kụma ọ́ KỊNỊNYANAḄỌ ḅe kẹ ḅiokpọmaa ọmịnị ọmịna Tamụnọ ḅụ sịrẹrẹẹ!

Romu 4:20

Tamụnọ ḅụ ọ̀ nyana minini mẹ ọ̀ ḅụụ so-a, ọ̀ pịkị Tamụnọ minini ye mẹ ḅụ ḅio-maaịn-tọn-a; ọ̀ nyana minini mẹ nwẹnị kụrọ kẹ ọ̀ ḅụụ ḅio suu, tẹ ọ̀ nwẹnị Tamụnọ tokini.

Luku 8:51

Ò ḅo warị mẹ la sakị Pita na, Jọnị na, Jemusị na tụḅọ ma ḍa na iyingiḅọ na sikima ọ̀ ḍụkụ tẹ jụmọ warị mẹ sọ-a.