Luku 8:47 - FỊAFỊA BAỊBỤLỤ

⁴⁷ Ẹrẹḅọ ma ẹrịm mịnẹ kịnị á mịẹ ye mẹ nimi tẹ ḅẹ sakị, á nwẹnị oju sẹkịma ḅo Jizọsị ḅụọ suku á ḅụụ sẹma-kiri-gbin. Anị anga ḅẹḅọ-ḅẹḅọ tọrọkọ mie árị á gotẹ ḅara kẹ ọ̀ lama ye na anị gbọrụ sakị ḅụ á gwọ ḅara na ḍuko ọ̀ pịrị ye.

Luku 8:47 Iomraidhean Croise

Devidi-Anume 2:11

Ọ́ ḅalafa ḅụ fịrịmẹnjị KỊNỊNYANAḄỌ ḅe pịrịị;

Devidi-Anume 38:9

Yei KỊNỊNYANAḄỌ, ị̀ tẹmẹ ịgbanịarị ye í nimi wararị; à kọn-arị iningi mẹ ị́ naa wararị.

Devidi-Anume 66:16

Tamụnọ kụn-arị apụ mamgba, ó ḅo pokii, tẹ àrị ọ̀ mịẹ ị̀ pịrịtẹ aị ḍuko ọ́ pịrị ḅa.

Ayịzaya 66:2

Ì ḅioju bebe So mẹ na Kiri mẹ na tẹmẹm! Ini ma tẹ ḅụụ-iderima na si ḅụ pịkị na nyana, tẹ ì mangịma tẹ ị̀ ḅịḅịpokiarị apụ ma ịna mịẹ aị ị̀ ḅụụ-ḅẹlẹarị.

Hosiya 13:1

Ḅọrọtẹ sakị ḅụ, Iferemu furo-ḅẹ-apụ ma ẹkwẹn kụma Izirẹlị ḅụ osi afuro ma ḅalafaam; ịn tọrụ saakị Iferemu ḍikim. Kụma tomi ma si mịẹm sunsin Balị pịrị ḅụ, tẹ mie gotẹ ịn fịị ḅa.

Hosiya 5:3

Izirẹlị kịkarị ye à nimi wararị — árị inetẹ kẹ ị̀ ḅọịma ḅịa. Á ḅioḅẹngbọ kẹ ḅụụ ḅụ gbana na-iḅi-a ḅara sime tẹẹ, tẹ arị atomi ma in sunsin ị̀ pịrị gbẹẹ-a.”

Habakọkụ 3:16

À mie mẹmgba naa tẹ oju sẹkịarị, ị̀ ḅịḅị-apakịrị ma jikearị ḅalafa ḅụ. Ì oju fịịarị, tẹ ị̀ aḅụọ pụmbụarị ì suku-ḅio ḅụ. À yaụ-sime tẹ ḅo ḅarị sakị mẹ koruarị Tamụnọ owu kẹ wa pakarị apụ ma fomu ḅẹ sakị mẹ.

Matiyo 28:8

Mie ḅụ ịn nwẹnị fọnya, fọnya ḍuḅu mẹ koroma so, ịn paa ḅalafaarị sọ, ḅioḅẹlẹ ịna ḅụụ sọ ḅinm, tẹ ịn nwẹnị mangị mu ye mẹ ḍuko Jizọsị ḍukamẹnjịapụ ma pịrị.

Makị 5:33

Ẹrẹḅọ ma nimim á ḅụụ ḅio mịẹ ye mẹ, anie ḅụ á nwẹnị ḅalafa ḅụ oju-sẹkịma ḅo ọ̀ ḅụọ-suku kparakị tẹ ye paka ḅara, paka ḅara ḍuko ọ̀ pịrị.

Luku 8:46

Kụma Jizọsị mẹẹ, “Kịnị ḅara kẹ ị̀ lamam; à nimim kụrọ ị̀ ḅụụ ḅụ mẹnjị paka sakị.”

Luku 8:48

Jizọsị nwẹnị á ḅẹẹ, “Ị̀ tụḅọọ, í minini mịẹtẹ ị́ gwọọ tẹ. Dein na soo!”

Fịrịmẹnjịapụ 16:29

Ikoliapụ ḍikiḍikiḅọ ḅe nwẹnị tọnjọ fịrịma ḅo, tẹ mangị sọ-mu Pọlụ na Sayịlasị na suku ḅịkị-koro, ori oju mẹmgba sẹkịarị.

1 Kọrịntị 2:3

Anie mịẹtẹ à ḅo ọ́ la sakị, ị̀ ḅụụ ịnyọ ofori ḅara mie à sime tẹ pịkị ḅalafa ḅụ oju sẹkị ye.

2 Kọrịntị 7:15

Mie ḅụ, ọ̀ nyana ọ́ pịrị wararị ḅẹlẹma mẹ kụrọ tarị ḅara nẹngị tẹ, anie ori ọmịnị-mgba tẹlẹma tẹ ọ̀ ḅịḅị poki ḅara na, ọ́ ḅalafa na ḅụụ tukutuku ḅara kẹ ọ̀ daa-ọkị ḅara na, kẹ ḅiokoroma sakị sakị ḅụ.

Filipayị 2:12

Ọkọẹrẹsị, ị̀ iḅi ikiapụ, àrị ọmịnị na sime sakị ọ́ kẹ sakị mamgba ị̀ ḅịḅị poki, poki ḅara mẹ ọmịnị ọkọ nẹngị ḅara kẹ ị̀ ḅịḅị poki àrị ọmịnị na ofori sakị mẹ ḅụ. Ọ́ paa ḅalafa na ḅụụ-tukutuku na kẹ kọrịnama kọrị tọrọkọ muu, tẹ kẹ ọmịna ḅọrọma mẹ mịẹ tẹ anị busunu,

Hiburu 12:28

Ọkọẹrẹsị, ó yee wa ịmịẹtẹ kẹ Tamụnọ ḅẹẹ, mịnẹ wa nyana wararị ama mẹ anie inetẹ jike ḅịa ye. Ó yee wa ịmịẹtẹ-ḅẹẹ ḅioḅẹngbọ kẹ sunsin Tamụnọ pịrị, ḅioḅẹlẹma ḅarị ḅọkọ ḅụ, anie ọ̀ kụn na ò mangịma na ḅụ,

1 Samụẹlị 16:4

Samụwẹlị KỊNỊNYANAḄỌ ḅe tọn ọ̀ pịrị ye ma mịẹm, tẹ Bẹtịlịhẹmụ ḅom. Opu ama mẹ ḅẹ omongiapụ ma nwẹnị oju sẹkị ḅụ ori na bịama ḅẹ ḅo, tẹ nwẹnị gbela, “Í gbeke dein ḅara ḅụ ḅo?”