Luku 8:44 - FỊAFỊA BAỊBỤLỤ

⁴⁴ Á nwẹnị tomina-ogbo mẹ ḅio ḅụ puu sọ ḅo Jizọsị ọḅụjụ la tẹ ḅara kẹ ọ̀ kapa suku lama, tẹ á ḅụụ sara sime ọmbie mẹ nwẹnị anị gbọrụ sakị ḅụ kiki.

Luku 8:44 Iomraidhean Croise

Paka-so 15:26

Ọ̀ ḅẹẹm, “Ọmịnị ma nwẹnị yẹrị ọmịna Tamụnọ ḅe pọkọ poki tẹ bala ḅara kẹ iḅiọkụ aniemẹ tẹ ị̀ tọrụ ḅụ kuraye mịẹ, tẹ à tọnm mịẹ ḅẹ aị ḍiki mịẹ, pịkị kẹẹ wararị oloko mamgba kokom ḅẹḅẹ, obi ma tẹ à kẹ Ijiputi-ḅẹ-apụ ma ọgọnọ gbana aị ma ḅẹ gberie-sọ à kẹ ọmịna ọgọnọ gbana ḅịa, gbala yẹrị anie KỊNỊNYANAḄỌ ḅee, ọ́ gwọarị ḅọ ḅe ẹrẹsị.”

Malakayị 4:2

Kụma ọmịnị ị̀ ḅịḅị pokiarị apụ ma, ọmịnị karakaraye-mịẹapụ mẹ ḍuko-wasamarị ịrụa mẹ obi-gwọọ kụrọ kẹ saakị tẹ ḅịya ọ́ sarama ḅara. Ó kiki ofori ḅara kẹ ḅioḅẹlẹ ḅa, asambịrịma anama koko-yọ ḅụ ịn pakama-ḅo tẹ mịẹ-mịẹ ḅara pembe ḅara.

Matiyo 20:34

Tẹ Jizọsị nwẹnị ịn ḍiki tọrụ-kụrụkụrụ, tẹ ḅara kẹ ịna atọrụngbọ lama; anị gbọrụ kiri ịn nwẹnị inetẹ ye ẹrị, tẹ ò ḍukamẹnjị.

Matiyo 8:3

Mie ḅụ Jizọsị nwẹnị amịna ḅara sụn-pakama tẹ kẹ tomḅọ ḅe lama, tẹ pakịrị, “À ḍụkụm, gwọ tẹ fịafịaa!” Anị gbọrụ kiri obi mẹ nwẹnị tomḅọ ḅe ḅụ so.

Matiyo 9:20

In muarị sakị, gbọrụ ẹrẹḅọ, tẹ oyi maa kụra finji ḅụ ọmbie gbọrụ sakị sọ kẹ daasịẹ-a ḅara kẹ ḅụụ ḅụ sara sime ḅọ, nwẹnị ori ọḅụjụ ḅụ kẹmẹ-kẹmẹma ḅo tẹ ḅara kẹ ọ̀ kapa suku lama.

Makị 6:56

Tẹ Jizọsị mu la anga, la anga, anị ḅọrọ opu ama-o, kala ama-o, pịkị ḍụọ-kiri sọ, tomi ma oju iḅi-a apụ kẹ mu ogumaḅiri ḅụ koroma tẹ ọ̀ tẹkẹm ọ̀ paa ḍụkụụ ịn ḅara kẹ ọ̀ kapa suku kịngẹ sọ lama, tẹ anị lama apụ mamgba oju iḅim.

Luku 13:13

Ọ̀ nwẹnị ori aḅara kẹ árị ọgọnọ gbana, tẹ anị gbọrụ sakị ḅụ á nwẹnị tụkụ sịẹ, tẹ Tamụnọ tokini.

Luku 7:38

tẹ Jizọsị ọḅụjụ sịẹsime, ori aḅụọ akaka ḅụ, tẹ owu-owu tẹ kẹ ori aḅụọ ḅụ saram. Anịtẹso á nwẹnị á sịḅị-ḅẹ-inume kẹ ori aḅụọ ma sin, ḅịḅị kẹ arị nọnjị tẹ sẹntị mẹ ọsụma arị ḅụ sara.

Luku 8:43

Tẹ ọmbie oyi maa kụra finji kẹ ḅụụ ḅụ saratẹ, amịna nyana aị mamgba kẹ ḅịrịapụ pịrị fama tẹ sọ paa gwọ-a ẹrẹḅọ sọ ịna ogboku simem.

Luku 8:45

Tẹ Jizọsị nwẹnị gbela, “Tụḅọ ḅara kẹ ị̀ lama?” Gbọrụḅọ-sọ minini-a, mie Pita ḅẹẹ ye, “Sịḅịdaḅọ, tomi kọkọ í gbori tẹ sukuruma sukurumarị.”

Jọnị 5:13

Kụma Jizọsị gwọ tomḅọ ḅe Jizọsị nimi-a, tẹ anịanga ḅụ tomina-ogbo mie simearị, tẹ Jizọsị ịna ḅio tolu-ḅọrọ so tẹ.

Fịrịmẹnjịapụ 19:12

Ori ankịsị na ọ̀ kẹ ori ekpe kikimatẹ so ḅịtẹ na sọ ini ọkị mu obiapụ lama tẹ ịn gwọm; tẹ ịna ḅụụ ḅio sime si-atẹmẹ sọ paka-som.

Fịrịmẹnjịapụ 5:15

Fịrịmẹnjịapụ ma kọrịnama mẹ lolo ḅara gotẹ kịnị obiapụ dogi-dogi-mu etela anga iḅila na akpalị na ọgọnọ koromam, Pita mẹnjị ḅọrọ ḅẹ sakị ọ̀ tẹmẹ kịngẹ sọ paa ịn sarama tẹ ịn gwọ ḅẹ ḅara.

Ditẹrọnọmị 22:12

Ḅịtẹ tẹ ọ́ kẹ ọmịna aḅụụ gbaịn ḅarịye ḅụ ọmịnị inia ịkọlị ma ḅụ iri kẹ ịsịram sụa ḅa.