Luku 8:43 - FỊAFỊA BAỊBỤLỤ

⁴³ Tẹ ọmbie oyi maa kụra finji kẹ ḅụụ ḅụ saratẹ, amịna nyana aị mamgba kẹ ḅịrịapụ pịrị fama tẹ sọ paa gwọ-a ẹrẹḅọ sọ ịna ogboku simem.

Luku 8:43 Iomraidhean Croise

2 Paka-aị 16:12

Ori ama-da ḅụ gbọrụ kụra ofori kụra amesi karama kụra ḅụ Asa ḅụọ-obi kọnm; ori obi mẹ nwẹnị ḅo kụrọ; anịsọ, ori obi mẹ ḅụ sọ ọ̀ KỊNỊNYANAḄỌ ḅọ ḅe dọkị-a, kụma ḅịrịapụ ḅụụ mie ọ̀ ḅarasụa ḍọkị ye.

Jobu 13:4

Ị́yẹrị kụma, í iruo kẹ weswasị sọma ọmbị wararị; ọmịnị-mgba papaa ḅịrịapụ famam.

Devidi-Anume 108:12

Si kẹ wa tọn apụ ma ḅụ ḅarasụa wa pịrị; tomina ḅarasụa anie papaaye.

Ayịzaya 2:22

Ḅarị jen kẹ fịị, fịị atomi kẹ ḅiokpọma ma. In tiye la?

Makị 12:44

Kẹ gotẹ ọkọ ḍukoarị, osi apụ mamgba ịn nyana sara aị ḅụ ini inetẹ pakama ḅẹ aị mịẹ ịn kẹ sụa ye; kụma árị, árị igoin la ḅara ḅụ, á nyana ye mẹmgba kẹ sụam. Á nyana tẹ kẹ anga ḅẹ ye mẹmgba mie á kẹ sụa ye.”

Makị 9:18

Tẹmẹ ḅe ọ̀ ḅụ owi sakị goyegoye, anị ọ̀ sẹma-kiri-gbin-arị, tẹ fiko ọ̀ ḅịḅị bụrọarị, ori aka farịarị, tẹ ò bebe oju mẹ sụnjụmarị. Àrị í ḍukamẹnjịapụ ma tẹkẹm ịn si-tẹmẹ ḅe dee pakamaa, kụma ini ine-a.”

Luku 13:11

gbọrụ ẹrẹḅọ sọ simem. Ma ẹrẹḅọ ma maa kụra fa si á nwẹn kẹ si-tẹmẹ ḅara-ḅio obi kọn tẹẹ, tẹ anị árị iḅoma tẹ á ḅarị inetẹ tụkụ tẹ mẹnjị-a.

Luku 13:16

Mịọkụ mie Ebira-amụ tụḅọ tẹ Ekwesu maa kụra fa si na gbasị ye kẹ fịna koroma ḅọ ma kụma ọmịnị mẹẹ Ịnyọsara-Ene ḅụ á fima ma?”

Luku 8:27

Tẹ Jizọsị paa arụ ḅio koro kiri sịẹ gbọrụ sakị mie tọnwa oru ḅụụ ḅio sọ ḅin wararị gbọrụḅọ ama mẹ ḅio sime tẹ ḅo ori na bịama ye. Ḅị tomḅọ ḅe ọ̀ kapa sụa-a tẹ mẹnjịarị kụra-ḅio iḅerea, warị sọ ọ̀ sọ-a, kụma ḍụẹịn ḍiḅi piri-ḅio anie ori anga ye.

Luku 8:42

ọ̀ tụḅọ oyi maa kụra finji sịḅị ḅụ ḅọrọtẹ kpọkpọ gbọrụ ẹrẹḅọtụḅọ, obi fịịarị ẹrẹsị. Jizọsị mẹnjị muarị sakị anga-anga ḅụ tomi ma ḅo ọ̀ bịan-arị.

Luku 8:44

Á nwẹnị tomina-ogbo mẹ ḅio ḅụ puu sọ ḅo Jizọsị ọḅụjụ la tẹ ḅara kẹ ọ̀ kapa suku lama, tẹ á ḅụụ sara sime ọmbie mẹ nwẹnị anị gbọrụ sakị ḅụ kiki.

Jọnị 9:1

Jizọsị mẹnjịma muarị ogbo gbọrụ tomḅọ, tẹ iyi kụra-ḅio tọrụngbọ pụụn sime ḅọ, ẹrịm.

Jọnị 9:21

Kụma mịọkụ mịẹtẹ ori inetẹ ye ẹrịarị ye rẹ wa nimi-a, ọ̀ gwọ tẹ mịọkụ ò ye ẹrịarị ḅọ sọ wa pịkị nimi-a. Ọmịnị ò gbelaa, ò tomḅọ la tẹẹ, ori inetẹ ḅarana pakịrị amịna ḅụụ pịrị ḅa!”

Fịrịmẹnjịapụ 3:2

Tẹ anịanga, ịn kẹ “Iḅi Ogigo-ḅọkọ” sịn ḅọkọ mẹ akaka iyi kụra-ḅio amụ mẹnjị-a gbọrụḅọ ịn nwẹn dogi-mu koroma wararị. Ene-ḅaaene-ḅaaene ini ò dogi-mu anịanga koroma tẹ ọ̀ ḅọrọ Tamụnọ-warị mẹ ḅio sọ muarị apụ ḅara igbigi ḅii, ḅiim.

Fịrịmẹnjịapụ 4:22

Ịn mị ḅụụ-buama ḅara mẹ kẹ gwọ tomḅọ ḅe kụra amesi nẹngị ye ọ̀ sịḅị ḅọrọ tẹ.