Luku 8:37 - FỊAFỊA BAỊBỤLỤ

³⁷ Anịtẹso anịanga mẹ ḅẹ apụ mamgba nwẹnị opu ḅalafa ḅụ Jizọsị dee mịnẹ ori ịna ama soo. Anịtẹso Jizọsị arụ ḅụkụlọ tẹ som.

Luku 8:37 Iomraidhean Croise

1 Amadapụ 17:18

Á nwẹnị Ịlayịja ḅẹẹ, “Yei Tamụnọ Ịkịankoroḅọ, ị́ ị̀ na tọ ịgbanịya nyana? Ị́ ị̀ asi ma kẹ Tamụnọ ḅiokoroma tẹ mịẹtẹ ì owiḅọtụḅọ ḅe fịị ḅẹ mie í gotẹ ḅo ye?”

Matiyo 8:34

Mie ḅụ bebe ama mẹ nwẹnị paka Jizọsị dama-mu, tẹ ini ori ẹrị tẹso, ini ọ̀ tẹkẹm mịnẹ ori ịna ama iri koroma so ịn pịrị.

Makị 5:17

Mie ḅụ in Jizọsị ḅẹẹm ori ịna ama iri ḅụ soo.

Luku 10:16

Jizọsị nwẹnị ò ḍukamẹnjịapụ ma ḅẹẹ, “Ó ḍuko ye naa ḅọ, naa ḅọ à ḍuko ye naa tẹ; ọ́ sịkị ḅọ, sịkị ḅọ ị̀ sịkị tẹ; ị̀ sịkị ḅọ, sịkị ḅọ pịkị ị̀ kẹ fịrịma ḅọ ḅe sịkị tẹ.”

Luku 5:8

Sayịmọnị Pita mie ẹrị sakị, ò mu Jizọsị suku kparakị tẹ ḅẹẹm, “KỊNỊNYANAḄỌ, ị́ ḅụụ kẹ ì kpekima ma! Yẹrị si-ḅọọ!”

Luku 8:28

Ò Jizọsị ẹrị tẹso, ọ̀ nwẹnị kararama-oloku, tẹ mu Jizọsị ḅụọ suku ọ̀ ḅụụ sẹma-kiri-gbin tẹ oloku, “Jizọsị, Geletẹịn Tamụnọ ḅe Tụḅọ, í tiye kẹ ị̀ mịẹ ḅẹ ḍọkịarị? Sisi, àrị ị́ tẹkẹm, ị̀ kẹ tọrụsiẹrịma ma!”

Luku 8:36

Anị ẹrị apụ nwẹnị tomḅọ ḅe wẹrịtẹ gwọ ḅara ḅẹlẹma tomi ma pịrị.

Luku 8:38

Oru ma ḅụụ ḅio sime tomḅọ ḅe nwẹnị Jizọsị tẹkẹ, “Yee àrị ị́ na so.” Kụma Jizọsị ọ̀ kẹ ori ama fịrịma tẹ ḅẹẹm,

Luku 9:5

Kụma tomi ọ́ daa-ọkịa anga goyegoye ọmịnị ama mẹ koroma so, tẹ ọmịna aḅụọ oḅolo onwin sọ gugu sara, tẹ kẹ ḅeri-nụnụye sọma ịn pịrịị.”

Luku 9:56

Anịtẹso Jizọsị na ò ḍukamẹnjịapụ ma na nwẹnị so jen kala-ama mu.

Fịrịmẹnjịapụ 16:39

Mie ḅụ ịn nwẹnị mu tẹ ịn tẹkẹ mịnẹ ịn wẹrịsoo; tẹso ịn nwẹnị ịna tọrọkọ tarị tẹ ikoli-warị mẹ ḅio ịn ḅọrọma pakama, tẹ ịn ḅẹẹ mịnẹ ini ama mẹ ḅio soo.

Ditẹrọnọmị 5:25

Anị-a kụma mịọkụ wa tiegotẹ fịị na-iḅi? Kẹ gotẹ ọkọ ḅẹẹarị, mị gburo-gburotẹ kọrị fịnị mẹ wa dọkịma ḅa; wa jen-maaịn kẹ KỊNỊNYANAḄỌ wamịna Tamụnọ ḅe pọkọ naa naa, wa fịị ḅa.

1 Samụẹlị 6:20

Anịtẹso Bẹtị-semesi ḅe apụ ma nwẹnị ḅẹẹ, “Tụḅọ inetẹ KỊNỊNYANAḄỌ ḅe tọrọkọ sịẹsime ḅẹ, ḅị fịafịa Tamụnọ ḅe? Anịsakị ò so tụḅọ ḍọkụma-mu tẹ wamịna-aḅụụ so ḅẹ?”