Luku 8:35 - FỊAFỊA BAỊBỤLỤ

³⁵ Tomi nwẹnị pakaye mẹ ḍiki ḅẹ tẹ mu. In ḅo Jizọsị la sakị ini oru ma ḅụụ ḅio sime-sime tomḅọ ḅe ẹrịm ò Jizọsị ḅụọ-suku lẹgị wararị, ọ̀ kapa sụa tẹ pịkị sịḅị ḅio kpaịntẹ ḅara sime wararị, tẹ inimgba nwẹnị ḅalafa.

Luku 8:35 Iomraidhean Croise

Devidi-Anume 51:10

Yei Tamụnọ, kpaịntẹ ḅioḅẹngbọ tẹmẹ ị̀ ḅụụ ḅio suu, tẹ ịwọ tẹ sịḅị-tuuarị tẹmẹ kẹ ị̀ ḅụụ ḅio suu.

Ayịzaya 53:12

Tẹ anie ḅụ à kụn nyana kẹ ọ̀ pịrị ḅa, kụrọ nyanatẹ opu atomi ogboku ḅụ. Ò minini tẹ ò ḍumo saakị pịrịm, tẹ si-mịẹapụ ḅụ paka-paka ye ọ̀ ḅụ pakam. Ọ̀ nwẹnị tọnwa si-mịẹapụ kiri ọkị tẹ tẹkẹ mịnẹ Tamụnọ ịna si-wẹrịso ịn pịrị.

Matiyo 4:24

Ò gboloma ye mu bebe Siriya sịẹ mẹ kana-korom, miemẹ mịẹtẹ ịn nwẹnị obi apụ mamgba kẹ mu ọ̀ la, obi mẹ sime-ḅara, sime-ḅara sọ — oru sịḅị ḅio sime apụ-o, ịsịla-obi kọn apụ-o, ngụrọ-kọnapụ-o, tẹ Jizọsị nwẹnị inimgba gwọ.

Makị 5:15

tẹ in ḅo Jizọsị la sakị ini oru ma ḅụụ ḅio sime-sime tomḅọ ḅe ẹrịm. Ori anịanga lẹgị-sime wararị, ọ̀ kapa sụa tẹ pịkị karakara kuroma nyana tẹ; tẹ ịn nwẹnị ḅalafa.

Luku 10:39

Á mịnaḅọ ẹrẹḅọ nyanam, árị ẹrẹ Meri. Árị nwẹnị KỊNỊNYANAḄỌ ḅe aḅụọ-suku lẹgị tẹ ò tolumaye mẹ poki.

Luku 15:17

Kunoma ḅụ ọ̀ nwẹnị naa-ḅo tẹ amịna ḅụụ ḅẹẹ, ‘Ị̀ ḍa ọkọ wararị kọrịnama kọrị apụ mamgba fịye fị furo ḅinma, ḅinma tẹ kọn ye nyana wararị, tẹ mịanga ḅuru ị̀ ḅaa ḅẹ-yearị!

Luku 2:46

Tẹra aḍin karama ene ḅụ ịn nwẹnị Tamụnọ-warị mẹ ḅio ori ẹrị, ò Juu-ḅẹ-apụ ma ye-tolumapụ na sime tẹ in tolumarị ye poki-poki tẹ pịkị ye kẹ in gbelarị.

Luku 8:27

Tẹ Jizọsị paa arụ ḅio koro kiri sịẹ gbọrụ sakị mie tọnwa oru ḅụụ ḅio sọ ḅin wararị gbọrụḅọ ama mẹ ḅio sime tẹ ḅo ori na bịama ye. Ḅị tomḅọ ḅe ọ̀ kapa sụa-a tẹ mẹnjịarị kụra-ḅio iḅerea, warị sọ ọ̀ sọ-a, kụma ḍụẹịn ḍiḅi piri-ḅio anie ori anga ye.

Luku 8:34

Tẹ opuropo ma ḍikiḍikiapụ ma pakaye mẹ ẹrị tẹso ịn mangị mu ḍuko ama mẹ ḅio ḅẹ apụ na ḍụọ ḅio ḅẹ apụ na pịrịm.

Fịrịmẹnjịapụ 22:3

“Yẹrị Juu-ḅẹ ḅọ, Silisiya ḅẹ Tasọsị ḅụ ini ì iyim, kụma mị Jeruselemu mẹ ḅụ arị anga paka tẹ pịkị Gamalịyẹlị ḅara ye ḍawọm. Wamịna atẹngịapụ ma Oloko mẹ ḅẹ kụrọ-ḅara ḅụ ịn ye kẹ ì toluma pakama ḅom. Ọmịnị-mgba mịmgba ḅụ Tamụnọ ḅụụ sịẹ-kụrọ ḅara mie yẹrị sọ kẹ ọ̀ ḅụụ sịẹ-kụrọ ḅara.

1 Jọnị 3:8

Ḅẹḅọ-ḅẹḅọ tẹ paa si mịẹ ma tọrọkọ muarị ḅọ mẹ mḅọ sime Ekwesu ḅe pịrịm, kẹ gotẹ ọkọ ḍukoarị, Ekwesu ḅe ọ̀ saakị Tamụnọ ḅịḅị kan kụra-ḅio, ò si mịẹ ma ḅo mịọkụ lam. Mị gbọrụ ye mẹ mie Tamụnọ Tụḅọ ḅe gotẹ tolu-paka ye, ori Ekwesu ḅe kọrị tẹ kọrịnama mẹ guluguluma ḅẹm.