Luku 8:3 - FỊAFỊA BAỊBỤLỤ

³ Johana, Ẹrọdị warị ḅẹ opu fịrịmẹnjịḅọ, Suza nwẹn-sịn ḅọ ḅe ta ma na, Suzana na, pịkị ja ereme na ịn nyana aị kẹ ḅarasụa Jizọsị na ò ḍukamẹnjịapụ ma na pịrị pịrịm.

Luku 8:3 Iomraidhean Croise

1 Paka-aị 29:14

“Mịọkụ yẹrị ḅọrọ tụḅọ, anịsakị ị̀ atomi ma nwẹnị tọ apụ, tẹ wa inetẹ nwẹn pembe ḅara kẹ wamịna kuroma ḅo ḅara kẹ agba mịẹ? Kẹ gotẹ ọkọ ḅẹẹarị, ye mamgba ị́ ḅụụ ḅom, anịsakị ị́ nye ḅụ mie wa ye ọkị-ḅo ị́ pịrị ye.

Ayịzaya 23:18

Tuḅo ḅụ á nyana ḅarị igbigi mẹ á wẹrị sikima KỊNỊNYANAḄỌ ḅe pịrị ḅa. Árị anị kẹ koko ḅụụ pịrị fama ḅịa, kụma sunsin KỊNỊNYANAḄỌ pịrịarị apụ igbigi mẹ kẹ in ḅiiarị fịye na ḅịtẹ na kapa na fẹẹ ḅa.

Matiyo 14:1

Anị sakị mẹ ḅụ Ẹrọdị, Galili da ḅọ ḅe nwẹnị Jizọsị gboloma ye naa.

Matiyo 14:3

Kẹ gotẹ ọkọ ḅẹẹarị, Ẹrọdị tẹrẹmẹ ḅo mị sakị la tọn tẹ ịn Jọnị ọlọ tẹ, ikoli kẹ ọ̀ sụa tẹ ọ̀ kẹ ikoli ḅio suu wararị. Ò miemẹ mịẹm ori iyimbere Filipu ta Ẹrodiyasị sịḅị gotẹ.

Matiyo 14:6

Tẹ Ẹrọdị iyi ene ḅẹ alalị nwẹnị koro, tẹ Ẹrodiyasị ada kọn wararị sẹkị nwẹnị bebe kobiri-ogbo mẹ tọrọkọ kpọma Ẹrọdị ḅioḅẹlẹma,

Matiyo 2:11

Ịn warị mẹ sọ mu sakị ịn tụḅọ ḅe na, ò iyingi Meri na ẹrị tẹ kparakị tẹ sunsin ọ̀ pịrịm. Anịtẹso ịn nwẹnị ngọ pakama-ḅo ḍie ọ̀ pịrị. Ịn kẹ ọ̀ pịrị ngọ ma anie golu na, ye la lamatẹ kụnụaị anie ịn kẹ fịranịkịnịsẹnịsị na, maa na sịn aị.

Matiyo 20:8

“Ene ḅoḅiri tẹso, ḍụọ nyanaḅọ ḅe nwẹnị ọ̀ fịrịmẹnjịapụ sịḅịdaḅọ sịn tẹ ọ̀ ḅẹẹ, ‘Kọrịnama kọrị apụ ma sịn tẹ ịna gbẹẹ aị kẹ ịn gbẹẹ. Kunoma ḅụ wa ọkọ apụ ḅụ saakị gbẹẹ ma mu wa tarị ọkọ apụ ma la.’

Matiyo 25:40

Amadaḅọ ḅe nwẹnị pakịrị ḅa, ‘À ḍuko ọ́ pịrịarị, ó miemẹ mịẹ tẹ kẹ mịna ị̀ amịnapụ ma ḅụ tomi kẹ ye-sịn-a apụ ma ḅụ iderima-tẹịn ḅọ mẹ pịrị sakị, pịrị sakị, ọ́ mịẹ ị̀ pịrị tẹẹ!’

Matiyo 26:11

Sakị mamgba ọmịnị igoin-apụ nyana ḅa, kụma sakị mamgba ọmịnị ị̀ nyana ḅịa.

Matiyo 27:55

Tọnwa ereme anịanga ḅele tẹ mịẹ aị ma ḍiki simem, anie Galili ḅụ Jizọsị ḍuka-ḅo tẹ ḅarasụa ọ̀ pịrị sime apụ.

Luku 24:10

Ereme ma anie Meri Magidalini na, Johana na, pịkị Jemusị iyingi Meri na; ini na sime osi ereme ma na mie ma ma ḅẹlẹma fịrịmẹnjịapụ ma pịrị ye.

Jọnị 12:6

Ori igoin-apụ ma balam kẹ ò miemẹ ḍuko-a, kụma ori furuḅọọ ẹrẹsị. Ori anie ịna igbigi-kokoḅọ, tẹ sakị mamgba ogbo ḅẹ igbigi mẹ ḅụ ye kpọmbị, kpọmbị tẹ kẹ amịna ḅara kuḅu ḅẹ mịẹye mịẹ mịẹm.

Fịrịmẹnjịapụ 13:1

Anịtọkụ ḅẹ sọsị mẹ ḅio ịkịankoroapụ na ye-tolumapụ na simem: Banabasị na Simiyọnị (ịn kẹ Kurukuruḅọ sịn ḅọ ḅe) na, Lusiyọsị (Sayịrini ḅẹ ḅọ ḅe) na, Maneni (anie Ẹrọdị, Galili da ḅọ ḅe na gbọrụ sakị in ḍikiḍiki pakama-ḅo ḅọ ḅe) na Sọlụ na.

2 Kọrịntị 8:9

Wa Nyanaḅọ Jizọsị Kịrayịsị ḅe ḍiki-ḅụụjịrị mẹ sime ḅara ó nimi wararị: ọ́ kọn la ḅara mamgba ḅụ, ori ó gotẹ igoin ḅara kẹ ḅụụ wẹrịm, paa kẹ mịẹtẹ ori igoin mẹ ọ́ kọnma ḅẹ ẹrẹsị.

Filipayị 4:22

Tamụnọ atomi mamgba tẹ mịanga simearị apụ ma ó ḅiim, jen-a jen-a Romu Tomikiri mẹ daarị ḅọ ḅe warị ḅẹ apụ ma.

1 Timoti 5:10

tẹ pịkị iḅiye mịẹ ḅụ tomi iḅima lekiri wararị ḅọ. Karakara ḅara kẹ amịna awọmẹ ḍikiḍiki pakama-ḅo tẹ ẹrẹḅọ. Tọrụ nimi-a apụ daa á warị suu tẹ ḅọ. Ḅụụ-iderima tẹ fịrị mẹnjị á pembema Kịrayịsị ḍukamẹnjịapụ pịrị tẹ ḅọ. Ḅarasụa ḅụụ-fụka kiri ḅụ sime apụ pịrị tẹ ḅọ; tẹ nwẹnị gbọrsịḅị amịna ḅụụ saakị iḅiye mịẹ pịrị tẹ ẹrẹḅọ.