Luku 8:24 - FỊAFỊA BAỊBỤLỤ

²⁴ Jizọsị ḍukamẹnjịapụ ma nwẹnị ò jike saakị tẹ ọ̀ ḅẹẹ, “Sịḅịdaḅọ, Sịḅịdaḅọ! Wa fịị ḅẹ-yearị!” Jizọsị nwẹnị saakị tẹ tọn fẹrụ mẹ na ọnụngọ mẹ na pịrị, tẹ arị biin tẹ tọrụ mẹ nwẹnị kpọma yaụ-sime.

Luku 8:24 Iomraidhean Croise

Devidi-Anume 65:7

Abajị ma ḍarịarị sakị arị deinmarị, pịkị ọnụngọ ma ḅẹ fie mẹ sọ; Tomi ma ḍụrụkụarị ye mẹ sọ í deinmarị.

Ayịzaya 50:2

Tiye ẹrẹsị ị̀ atomi ị̀ na gbọrụ-ḅịḅị-fiea so àrị in ḅọrọma ḅẹ mu sakị? Tiye ẹrẹsị ini ị̀ ḅịḅị ọkị-a arị in sịn sakị? Àrị à kẹ in ḅọrọma ḅẹ ịnyọ nyana-a mụnọọ? Àrị inetẹ tọn tẹ abajị mẹ samụnọ ḅa, tẹ tọrụ ma pịkị-ḅo ịkpa sọma ḅa, mie tẹ arị ḅio ḅẹ inji ma minji ofori mẹ kẹ fịị ḅa.

Jerimaya 5:22

Yẹrị anie KỊNỊNYANAḄỌ ḅe, ó tiegotẹ ì ḍiki-ḅalafa-a? Ó tiegotẹ oju-sẹkị-a ị̀ tọrọkọ ḅụ? Yẹrị onwin mẹ ḅụ abajị mẹ daasịẹ ḅẹ anga tọn koromam, anị nwẹnị gbamaso daasịẹ anga sọ, saḅa-saḅa yọ. Abajị mẹ inetẹ iwo-na-ideri-na ḅa, kụma anị inetẹ anị saḅa ḅọrọ ḅịa; ọnụngọ ma ḍụrụkụ ḅa, kụma arị inetẹ kan tolu ḅịa.

Nahọmụ 1:4

Ori opu tọrụ mẹ ḍiki ịganịm, tẹ mịẹtẹ anị samụnọm ọ̀ tọrụ mẹmgba samụnọmam; Basani na Kamẹlị na kpatụ tẹ samụnọm, Lẹbanọnị panga-ḅaa mẹ ḍisim.

Matiyo 14:30

ọ̀ nwẹnị kụrọ fẹrụ mẹ ẹrị tẹ ḅalafa ḅẹ sakị ọ́ saakị ḅile sọ muarị. Ọ́ nwẹnị oloku, “KỊNỊNYANAḄỌ, ị̀ ḅọrọmaa!”

Matiyo 8:25

Tẹ ò ḍukamẹnjịapụ ma nwẹnị mu ò jike saakịma, tẹ ọ̀ ḅẹẹ, “KỊNỊNYANAḄỌ, wa ḅile fa ḅẹ-yearị, wa ḅọrọmaa!”

Makị 4:39

Jizọsị nwẹnị saakị-sịẹ tẹ tọn fẹrụ mẹ pịrị, “Yaụụ!” tẹ ori ọnụngọ mẹ ḅẹẹm, “Deinn!” Fẹrụ mẹ biin tẹ bebe tọrụ mẹ kpọma deinm.

Luku 4:35

Jizọsị nwẹnị tọn tẹmẹ ḅe pịrị, “Ị́ ḅịḅị gbaịn tẹ tomḅọ ḅe ḅụụ ḅio paka-ḅoo!” Oru ḅe nwẹnị tomḅọ ḅe sẹma-kiri-gbin ịna tọrọkọ ḅụ, tẹ ọ̀ ḅụụ ḅio paka-ḅo, gberie-sọ kẹ ọ̀ lama-a ḅara ḅụ.

Luku 4:39

Ọ̀ nwẹnị mu tẹ á ḅọlọlọ sime wararị iḅila mẹ anga sịẹ tẹ tọn akọm mẹ pịrị tẹ anị nwẹnị á ḅụụ so, tẹ á nwẹnị saakị tẹ fịrịmẹnjị ịn pịrị.

Luku 5:5

Sayịmọnị nwẹnị pakịrị, “Sịḅịdaḅọ, bebe ḍin mẹ ḅụ wa ine-ḅara, ine-ḅara mịẹ tẹẹ, gbọrụ inji sọ wa ḅaa-a. Kụma ị́ ḅẹẹm ịgbọ ma sara ḅẹḅẹ àrị ọkọ mịẹ ḅa.”

Luku 8:25

Anịtẹso ori ò ḍukamẹnjịapụ ma ḅẹẹm, “Ndẹẹ ḅọrọ ọmịna minini mẹ sịẹ anga?” Anị sakị opu ḅalafa ịn gbaịn wararị tẹ ịn jụmọ-jụmọ gbelam, “Mie ḅọrọ ndẹndẹ sime tomḅọ, tẹ ḅẹrẹtọn fẹrụ na ọnụngọ na sọ pịrị tẹ arị ọ̀ ḅịḅị pokiarị!”