Luku 8:18 - FỊAFỊA BAỊBỤLỤ

¹⁸ “Ọkọẹrẹsị ọmịnị iḅi ḅeri kẹ pokii; ye ḅara ḅụ sime ḅọ in jen kẹ sụa mḅọ pịrị ḅa, kụma ye ḅara ḅụ ofori ḅọ ḅe, mḅọ kuromarị mḅọ nyana tẹ nwẹn ḅẹẹ kala ye mẹ sọ, ini mḅọ ḅara ọkị ḅa.”

Luku 8:18 Iomraidhean Croise

Egberima-Ẹkwẹn 14:12

Í kuromarị karakara etela mẹ ẹbịsịya ị́ kẹ mu fịị ḅio suu ḅa.

Matiyo 13:12

Kẹ gotẹ ọkọ ḅẹẹarị, ye nyana ḅọ mẹ mie ịn ye kẹ pịrịarị, mịẹtẹ mḅọ nyana wama ḅẹ ḅara; kụma gberie-sọ nyana-a ḅọ mẹ mḅọ ọlọ wararị kalịye mẹ sọ mḅọ ḅara ini anị ọkị ḅa.

Matiyo 25:29

Kẹ gotẹ ọkọ ḍukoarị, ye ḅara ḅụ sime ḅọ mẹ mḅọ nyana waama ḅa, kụma ye ḅara ḅụ ofori ḅọ mẹ mḅọ ọlọ wararị kalịye mẹ sọ ini mḅọ ḅara anị ọkị ḅa.

Makị 13:14

“Ọ́ ‘Ḅalafama Opu Ye’ ẹrị ḅa ori ò sime na-iḅi-a anga ḅụ sịẹ wararị.” (Gooarị ḅọ kẹ elekima sụa ḅẹ ye: ẹrị mịnẹ miemẹ fiearị ye ị́ naarị!) “Anịsakị Judiya ḅụ sime apụ ịna ḍumo-mangị kọn mu tụndụ ma kpọlị nyanam.

Luku 19:26

Ọ̀ nwẹnị pakịrị, ‘Ó nimi-a ḅẹḅẹ ó nimii, ye ḅara ḅụ sime-ḅọ mẹ in jaị kẹ sụa mḅọ pịrị ḅa; anịsakị ye ḅara ḅụ ofori ḅọ mẹ mḅọ ḅara sime kalịye sọ ini mḅọ ḅara ọkị ḅa.

Luku 9:44

“Ọmịnị à ḍuko ọ́ pịrị ḅẹ-yearị ye mẹ kẹ ḅioḅọrọma ma! In Tomḅọ Tụḅọ ḅe kẹ tomina kụrọ ḅara-ḅio suu ḅẹ tẹẹ.”

Jọnị 15:2

Ị̀ ḅụụ simearị sịn ḅara tẹ mgbọlụ sụa-a ye goyegoye ori anị anyịma sin-arị, tẹ ị̀ ḅụụ simearị sịn ḅara tẹ mgbọlụ sụarị ye goyegoye ori anị tẹlẹma fịafịama tẹ anị ye sụa tarị ḅara nẹngị ḅa.

Fịrịmẹnjịapụ 10:33

Anị gbọrụ sakị ḅụ mie à kịnị kẹ ị́ fịrịma ye, ị́ pịkị kẹ ye-sịn tẹ ḅo ḅara iḅi lamam. Mịọkụ ị́ nwẹn wa ẹrị ḅara mẹ, wamịnị-mgba Tamụnọ tọrọkọ emi tẹ KỊNỊNYANAḄỌ ḅe ị́ fịrịma tẹ í ḍuko wa toluma ḅẹ ye koruarị.”

Fịrịmẹnjịapụ 17:11

Anị ama ḅẹ apụ ma iḅi ḅioḅẹngbọ nyana Tẹsalonika ḅẹ apụ nẹngịm. Ini opu ḅio-sẹsẹ kẹ ẹkwẹn mẹ poki tẹ pịkị ene-ḅaaene-ḅaaene Fịafịa Ḍiri mẹ ḍawọ tẹ ḍọkị-ẹrị ḅẹm, Pọlụ ḍuko ye mẹ karakara ye ḅoto.

Romu 12:3

Tẹ Tamụnọ kẹ, ò ḍiki-ḅụụjịrị iḅi ḅụ, ị̀ pịrị ḍiepịrịye la ḅara ḅụ, àrị ọmịna ḅụ ọrụḅọ-ọrụḅọ ḅẹẹarị: ḅụụ-gelema ḅara kẹ ị́ ḅụụ ọkị ị́ mịẹ gbẹẹ ḅara nẹngịma ma. Anie nakara, ḅụụ lẹgịma ḅara kẹ ị́ ḅụụ ọkị, tẹ Tamụnọ kẹ ị́ pịrị minini la ḅara kẹ ye ọkịị.

1 Kọrịntị 14:37

Ọmịna ḅụụ ḅẹ gbọrụḅọ ọkịarị mịnẹ mḅọ Tamụnọ oku-mẹnjịḅọ, anịanịa tẹmẹ ḍiepịrịye nyana wararị ḅọ ḅẹḅẹ, mḅọ nimi mịnẹ à nwẹn kẹẹarị ye mẹ KỊNỊNYANAḄỌ ḅe tọnm.

1 Kọrịntị 3:18

Gbọrụḅọ-sọ oḅori kẹ amịna ḅụụ sịn ma. Ọmịna ogboku ḅụ mị tomikiri mẹ kẹ ye ọkịarị ḅara ḅẹ nimi kọn ḅọ emi-emii, mḅọ tarị oḅori tomḅọ sọọ, mịẹtẹ mḅọ ḅo karakara nimi mẹ nyana ḅarị ḅara.

1 Kọrịntị 8:2

Amịna ḅụụ kẹ ye-nimiḅọ ọkịarị ḅọ mẹ, karakaramatẹ mḅọ nimi la anga ofori.

Filipayị 3:4

Ye simearị ḅara ḅụ, arị inetẹ ọkọ sime aị kẹ ḅiokpọma ḅẹ ḅara simem. Gbọrụḅọ ọkịarị mịnẹ mḅọ ọgọnọ, ọgọnọ tomi ẹrị ḅẹ tẹ mịẹarị aị kẹ ḅiokpọma ḅa ḅẹḅẹ, yẹrị sọ à gotẹ anị ḅara kuroma ḅẹ aị tẹịnm.

Hiburu 2:1

Anie mẹ mie wa gotẹ wa naa tẹ akarakara mamgba fịnama sịẹma na-iḅi ye, ọkọ-a kụma tomikiri mẹ ḅofa minji anị ḅio tẹịn-arị ye fọnọ-so ḅara kẹ wa fọnọ-so.