Luku 8:15 - FỊAFỊA BAỊBỤLỤ

¹⁵ Iḅi kiri koro aị ma anie oku mẹ naa tẹ iḅi tẹ, ḅịḅị pokiarị ḅioḅẹngbọ ḅụ anị koko nwenii anị ḅo mgbọlụ sụa apụụ.

Luku 8:15 Iomraidhean Croise

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Devidi-Anume 51:10

Yei Tamụnọ, kpaịntẹ ḅioḅẹngbọ tẹmẹ ị̀ ḅụụ ḅio suu, tẹ ịwọ tẹ sịḅị-tuuarị tẹmẹ kẹ ị̀ ḅụụ ḅio suu.

Egberima-Ẹkwẹn 3:1

À kẹ í tolumarị ye kẹ ḅioḅọrọma ma, ị̀ tụḅọ. À ḍuko ị́ pịrịarị ị́ mịẹ ḅẹ ye mẹ kẹ sakị mamgba ḅiokoromaa.

Jerimaya 15:16

Ị́ ẹkwẹn ị̀ pịrịm, tẹ arị ẹkwẹn-ḅịḅị goyegoye pokim. À sime ị́ pịrịm, Kụrọmamgba nyana KỊNỊNYANA-TAMỤNỌ, tẹ anie ḅụ ị́ ẹkwẹn ḍereku na ḅioḅẹlẹ na kẹ ì ḅioḅẹngbọ ḅinmam.

Jerimaya 31:33

Ịwọ ọḅọkụ mẹ tẹ à kẹ Izirẹlịapụ ma na fị ḅarị ọḅọkụ mẹ anie mie: àrị ì oloko kẹ ịna ḅụụ ḅio suu tẹ anị kẹ ịna aḅioḅẹngbọ ḅụ kẹẹ ḅa. Yẹrị ịna Tamụnọ sọ tẹ ini ị̀ atomi sọ ḅa.

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Matiyo 24:13

Kụma inema mu kunoma la ḅọ, la ḅọ ḅọrọma ḅa.

Luku 11:28

Kụma Jizọsị nwẹnị pakịrị, “Ọkọ fama-a, Tamụnọ ẹkwẹn mẹ naa tẹ anị ḍuko ḅara mịẹ apụ ma rẹ anie boma tẹ apụụ!”

Luku 6:45

Iḅi tomḅọ mḅọ ḅioḅẹngbọ koko wararị iḅi aị ma ḅụ iḅi aị pakama-ḅoarị; si tomḅọ pịkị mḅọ ḅioḅẹngbọ koko wararị si-aị ma ḅụ si-aị pakama-ḅoarị. Kẹ gotẹ ọkọ ḅẹẹarị, ḅioḅẹngbọ mẹ ḅio ḅin wararị aị ma mie ḅịḅị mẹ ḅụ paka-ḅoarị.

Luku 8:14

Nangị asịn ogboku koro mgbọlị ma anie naa tẹ tomikiri ḅẹ ḅalaḅala na, ngọ na mị tomikiri ḅẹ tọrụ-ḅẹlẹ na ḅo ịna ḅioḅẹngbọ ḅụ anị ponoma ḅaa apụ, tẹ ịn ḅụụkụrọma sụa mgbọlụ sọ gbala-gbala ḅịya-a gbamasom.

Luku 8:16

“Tụḅọ ḅọ tọnjọ tọnjị kụma anị kẹ kuku ḅio, anịanịa monoye suku-ḅio ḅọị ḅẹ? Ye ọgọnọ mie mḅọ anị kẹ gbana tẹ anị ḅẹ bele warị mẹ sọ ḅọ, sọ ḅọ sarama ḅarịye.

Jọnị 14:15

“Ọmịnị ị̀ ḅẹlẹmarị ḅẹ kụma ọmịnị ì oloko ma koko ḅa.

Jọnị 15:10

Ọ́ kẹ ị̀ ḅẹlẹma mẹ ḅụ so ḅịa ye anie ọmịnị à tọn ọ́ pịrị aị ma mịẹ, ḅara anie yẹrị sọ kẹ ị̀ Ḍa ḅe tọn ye mịẹ tẹ ọ̀ ḅẹlẹma mẹ ḅụ simearị ḅara.

Romu 2:7

Japụ sakị mamgba mịẹtẹ iḅi ẹrẹ na, kụn na sime gbamaso ḍumo na sime ịn pịrị ḅẹ ye ḍọkịarị: sime gbamaso ḍumo anie Tamụnọ pịkị kẹ ịn pịrị ḅarị ye.

Romu 6:22

Kụma mịọkụ in si ḅara-ḅio ọ́ pụkọ-pakamaḅo Tamụnọ omoniapụ sọma tẹ mẹ, ọ́ nyana ye anie ḅụụ mamgba kpaịnma koroma ọ́ pịrị, tẹ aniemẹ dogi-ḅo ọ́ pịrị ḅarịye anie sime gbamaso ḍumo.

Romu 7:18

À pịkị nimi wararị mịnẹ ị̀ ḅụụ ḅio gbọrụ iḅi sọ ofori, anie ì tomina si sime-ḅara mẹ ḅụ mie à ḅẹẹarị ye. Kẹ gotẹ ọkọ ḅẹẹarị, arị iḅiye mịẹ ḅẹ tọn sọ arị inetẹ mịẹ-a.

Romu 7:4

Ị̀ amịnapụ, mie anị sime ọmịnị sọ pịrị ḅara. Oloko mẹ kịngẹ kụma ọ́ Kịrayịsị ḅụụ sọ tẹ fịị anị pịrị tẹ mẹ, anị ḅarị ọmịnị ọlọ-a. Kụma mịọkụ ó sime fị-ḅụ-saakị tẹ ḅọ ḅe pịrị tẹ, mịẹtẹ ọmịnị iḅi kọrịnama kọrị Tamụnọ pịrị ḅẹ ḅara.

Romu 8:25

Kụma wa nwẹnị wa tọrụngbọ kẹ amụ ẹrị-a ye kẹ ḅiokpọmarị ḅẹḅẹ wa inema tẹ anị koru ḅa.

1 Kọrịntị 7:19

Owiḅọ tarị-ḅụụ sin tẹ, anịanịa tarị-ḅụụ sin-a, mẹ gberie ḅụ sọ ofori; ye ḅụ simearị ye anie Tamụnọ ḅịḅị poki tẹ ọ̀ tọn koroma aị mịẹ.

Ẹfisọsị 2:8

Kẹ gotẹ ọkọ ḍukoarị, Tamụnọ ḍiki-ḅụụjịrị ḅụ mie ọ́ ḅọrọ tẹ ḅọrọma ye, minini nyana ḅụ, ọmịna aḅụụ ḅụ ḅo ye-a, kụma Tamụnọ ḍiepịrịye;

Ditẹrọnọmị 30:6

KỊNỊNYANAḄỌ ọmịna Tamụnọ ḅe ọmịnị na, ọmịna aḅụụ paka-ḅo apụ ma na ḅioḅẹngbọ ḅẹ tarị-ḅụụ sin ḅa, anieḅụ ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅa, mịẹtẹ ó ḍumo ḅẹ ḅara.

Filipayị 1:11

Karakara iḅi-yemịẹ-ḅara ọmịna ḍumo ḅụ ḅin ḅa, anie Jizọsị Kịrayịsị ngẹrị inetẹ pakama-ḅo tẹ kẹ ebube na tokini na kẹ Tamụnọ pịrịarị aị.

Kọlọsị 1:10

Anịtẹso ó ḅo inetẹ KỊNỊNYANAḄỌ ḅe ḅiiarị ḍumo ḅara, kọn tẹ pịkị sakị mamgba ò ḅioḅẹlẹma ḅarịye mịẹ ḅa. Ọmịna ḍumo iḅi amịẹaị ḅara-ḅara pakama-ḅo ḅa, tẹ ọ́ Tamụnọ nimi tọrọkọ-tọrọkọ mu ḅa.

Kọlọsị 1:6

Iḅi oku mẹ boma, boma ọkị-ḅoarị, tẹ anị pịkị tomikiri mẹ kana-koroarị, anie ọ́ tarị Tamụnọ ḍiki-ḅụụjịrị mẹ gbolomaye naa tẹ ḅo karakara ḅara kẹ anị sime-ḅara lekiri kụra-ḅio anị ọmịna ogboku mịẹarị ḅara pembe ḅara.

Hiburu 10:36

Ó ye-inema na-iḅim, mịẹtẹ ọ́ Tamụnọ ḅii ye mịẹ, tẹ ò minini ye mẹ nyana ḅẹ ḅara.

Hiburu 2:1

Anie mẹ mie wa gotẹ wa naa tẹ akarakara mamgba fịnama sịẹma na-iḅi ye, ọkọ-a kụma tomikiri mẹ ḅofa minji anị ḅio tẹịn-arị ye fọnọ-so ḅara kẹ wa fọnọ-so.

Jemụsị 1:4

Ọmịnị ẹrị mịnẹ ọmịna ye-inema ó dogi tọrọkọ mu lamam, ọḅụ da-a ḅara ḅụ, mịẹtẹ ó bebe tẹ kara-gbasị tẹ ḅara sime ḅẹ ḅara, gberie-sọ ọmịna ḅara kọn-a ḅara.

1 Jọnị 2:3

Wa Tamụnọ ḅịḅị poki tẹ ọ̀ sụa oloko ma kokoarị ḅẹḅẹ, anịsakị rẹ mie wa nimi ḅarịye, mịnẹ wa ò nimim.