Luku 8:14 - FỊAFỊA BAỊBỤLỤ

¹⁴ Nangị asịn ogboku koro mgbọlị ma anie naa tẹ tomikiri ḅẹ ḅalaḅala na, ngọ na mị tomikiri ḅẹ tọrụ-ḅẹlẹ na ḅo ịna ḅioḅẹngbọ ḅụ anị ponoma ḅaa apụ, tẹ ịn ḅụụkụrọma sụa mgbọlụ sọ gbala-gbala ḅịya-a gbamasom.

Luku 8:14 Iomraidhean Croise

Matiyo 13:22

Nangị asịn ogboku koro mgbọlị ma fiearị ye anie, ini tẹ oku mẹ naa apụ, kụma mị ḍumo mẹ ḅẹ ḅụụ-ḅalaḅala na ngọ ḅẹlẹma na oku mẹ temi ḅaa sin tẹ ịn ḅarị mgbọlụ sụaa.

Makị 4:19

kụma ḍumo ḅalaḅala na, ngọ ḅẹlẹma na, tomi nyana ḅẹ ḅiiarị ja kịrị-kịrị aị na, gbiima ịna aḅioḅẹngbọ sọ mu tẹ oku mẹ temi ḅaarị, tẹ ịn ḅarị mgbọlụ sụa-a.

Luku 16:13

“Gbọrụ fịrịmẹnjịḅọ sọ gbọrụ kiri maa apụ omoniḅọ sọ ḅịa, mḅọ gbọrụḅọ ḍiki-ḅioḅu tẹ osi-ḅọ ḅẹlẹma ḅa; mḅọ sịḅị-tuu gbọrụḅọ pịrị tẹ osi-ḅọ ḍiki-sima ḅa. Ọmịnị inetẹ gbọrụ kiri sunsin Tamụnọ na igbigi na pịrị gboloma ḅịa.”

Luku 21:34

“Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,

Luku 8:13

Ḍụḅarị kiri koro ḍiḅi aị ma anie oku mẹ naa tẹ ḅioḅẹlẹ ḅara kẹ anị daa-ọkị apụ. Kụma anị iḅiọkụ ịna aḅioḅẹngbọ sọ-mu-a; boowa kala-sakị kịngẹ mie ịn kẹ minini ye, tẹ daaḍiki ḅo gbọrụ sakị ịn ḅịkị so tẹ.

Luku 8:15

Iḅi kiri koro aị ma anie oku mẹ naa tẹ iḅi tẹ, ḅịḅị pokiarị ḅioḅẹngbọ ḅụ anị koko nwenii anị ḅo mgbọlụ sụa apụụ.

Luku 8:7

Mgbọlị ma ḅẹ jaị nangị apiri ogboku saram, tẹ ḍiḅi aị ma arị na gbọrụ ḅụ so-paka tẹ nangị ma arị temi ḅaam.

Jọnị 15:6

Ị̀ ḅụụ ofori ḅọ, ofori ḅọ, ini mḅọ kẹ wakị nguma ḅa, ḅịyatẹ sịn wakị nguma ḅara; ọkọ sime sịn-aḅara ma ini arị kobiri tẹ kẹ fịnị ḅio gbin suu dọkịma dọkịmam.

1 Timoti 6:17

Tọn mị ḍumo mẹ ḅẹ ngọ-kọn apụ pịrị, ini anị kẹ kịnị aḅịḅị dama, kụma ini ịna ḅiokpọ kẹ Tamụnọ ọgọnọ gbana, tomikiri ḅẹ ngọ tẹ tomḅọ ḅaa ḅụ anị sime ḅẹ ḅara nimi-a ye mẹ ọgọnọ-a. Kụma ori Tamụnọ ḅe mie kịẹn-a ḅara kẹ ye goyegoye kẹ wa pịrị tẹ wa anị ḅẹ tọrụ-ḅẹlẹ nyanarị.

2 Timoti 4:10

Dẹmasị mị sakị ḅẹ tomikiri mẹ ḅẹlẹma tẹ ì koroma so Tẹsalonika mu tẹ. Kirisẹnịsị so Galesiya mu tẹ, anịsakị Tayịtọsị so Dalịmatịya mum.

Hiburu 6:1

Ọkọẹrẹsị, ó yee wa ḍawọye mẹ ḅụ mẹnjị tọrọkọ mu, tẹ ye-nimi ḅiri la tẹ apụ ḍawọ na-iḅi aị toluma, tẹ Kịrayịsị etela mẹ ḅẹ Suku-saakị aị ma ḅụ ḅara-siin. Wa Kịrayịsị etela mẹ ḅẹ Suku-saakị gboloma aị tẹ wa toluma sime aị ma ḅụ ḅara-siin ḅa, tẹ ḅarị jen Suku-saakị aị toluma ḅịa — anie si amịẹaị ḅụ pịkị tẹ Tamụnọ minini na;