Luku 8:10 - FỊAFỊA BAỊBỤLỤ

¹⁰ tẹ ọ̀ nwẹnị pakịrị, “Tamụnọ Ama-da mẹ ḅẹ ḅọị-aị ma nimi mẹ sime ọ́ pịrịm, kụma egberima-aị mie in fie kirikọn-apụ pịrị ḅarịye; mịẹtẹ in ḍiki sọ ini ẹrị ḅịa ḅara, tẹ in poki sọ ịn naa ḅịa ḅara.

Luku 8:10 Iomraidhean Croise

Devidi-Anume 25:14

KỊNỊNYANAḄỌ ḅe ḅịḅị pokiarị apụ ma anie ori ikiapụụ tẹ ori ini na ori ọḅọkụ mẹ mịẹ kụrọmarị.

Ayịzaya 29:14

Mie ḅụ arị ịna ḅụụ-gbiripuma ḅa, in fomu sin, in fomu sin ḅụ. Ye-nimiapụ pịkị ḅo oḅori apụ sọ ḅa, tẹ ịna aka mamgba ḅo mịẹye ḅụ sọ-a ye sọ ḅa.”

Ayịzaya 44:18

Ọkọ sime apụ ma ini oḅori-sọ ḅụra tẹ ḅarị ịn mịẹarị ye nimi-a. Ini ịna atọrụngbọ na ịna akuroma na gbaịn karakara mẹ pịrịarị.

Ayịzaya 6:9

Mie ḅụ ori ị̀ ḅẹẹm à mị oku mẹ da-mu tomi ma pịrịị, “Ó poki ḅara, poki ḅara sọ, anị fiearị ye ọ́ naa ḅịa. Ó ḍiki ḅara, ḍiki ḅara sọ, pakarị ye ó nimi ḅịa.”

Jerimaya 5:21

Ọ̀ kẹ ye-sịn, ọmịnị oḅori-sọarị apantu amẹẹ tọrụngbọ nyana wararị, kụma inetẹ ye ẹrị-a apụ; tẹ ḅeri nyana wararị, kụma inetẹ ye naa apụ.

Izikẹlị 12:2

Ori mẹẹ, “Fịị-fịị tomḅọ, kọngọ-kụrọma-apụ ogboku ị̀ angarị. Ịn tọrụngbọ nyana wararị, kụma in gberie-sọ ẹrị-a; in ḅeri nyana wararị, kụma in gberie sọ naa-a, ịn kọngọ kụrọma wararị ẹrẹsị.

Matiyo 11:25

Anị sakị mẹ ḅụ Jizọsị ḅẹẹm, “Ḍa, So na Kiri na Nyanaḅọ! Arị ịmịẹtẹ kẹ ị́ ḅẹẹm, ị́ mịna aị ma kẹ ye ḍawọ ḍịn-a apụ ma rẹ ḍie tẹ arị kẹ ye-nimi wararị tẹ ye ḍawọ ḍịn tẹ apụ ma ḅọịma ye mẹ ẹrẹsị.

Matiyo 16:17

Jizọsị nwẹnị pakịrị, “Sayịmọnị, Jona tụḅọ, tomḅọọ! Kẹ gotẹ ọkọ ḅẹẹarị, mị karakara mẹ gbọrụḅọ-sọ anị kẹ í toluma-a, kụma ị̀ Ḍa So-ḅio simearị ḅọ ḅe ḅara ḅụ mie anị da-da ḅo ị́ ḅara la ye.

Makị 4:11

Jizọsị nwẹnị pakịrị, Tamụnọ Ama-da mẹ ḅẹ ḅọịye mẹ ịn kẹ ó ḍie tẹẹ. Kụma anị gboloma-a apụ ma ḅụ ye mamgba ḅọị tẹ egberima-aị sọ wararị,

Makị 4:12

anie mịẹ ẹrẹsị, in ḍiki-ḍiki-ḍikiarị sọ ini ẹrị-a; in poki-poki-pokiarị sọ, ini anị fiearị ye naa-a. Kẹ gotẹ ọkọ ḍukoarị, ini ọkọ mịẹ namịna, mimgbe ịn pịkị Tamụnọ da tẹ ori ịna si-wẹrịso tẹ.

Jọnị 12:40

“Tamụnọ ịna atọrụngbọ pụnma tẹẹ, pịkị ịna akuroma ịkasị tẹẹ, mịẹtẹ ịna atọrụngbọ ḅarị ye ẹrị ḅịa ḅara, tẹ ịna akuroma ma ḅarị ye fie ye lekiri ḅịa ḅara, tẹ ini ị̀ dama-ḅo tẹ àrị ịn gwọ ḅịa ḅara, Tamụnọ ọkọ ḅẹẹm.”

Romu 16:25

Ó yee wa boma kẹ Tamụnọ pịrịị! Ori anie inetẹ mịẹtẹ à kẹ ḅo ọ́ pịrị Jizọsị Kịrayịsị gboloma Iḅi-Oku mẹ ḅụ ó nyana minini mẹ ḅụ ọ́ sịẹ kụrọ ḅarịye; anie iḅere-iḅerea kụra-ḅio kikima sime karakara mẹ, tẹ ọ̀ mịẹfinji ye mẹ sime-ḅara ḅụ.

1 Kọrịntị 12:11

Kụma paa ḅị gbọrụ Tẹmẹ ḅe anie ma mamgba mịẹarị; anị ọ̀ ḅụụ-ḅẹlẹ ḅara mie ò ḍiki tẹ kịrị-kịrị ye ḍie ọrụḅọ-ọrụḅọ pịrịarị.

Ditẹrọnọmị 29:4

kụma ọkị-ḅo mịmgba la, KỊNỊNYANAḄỌ ḅe amụ yefieye naa ḅẹ gbọrụ ḅioḅẹngbọ, anịanịa kẹ ye ẹrị ḅẹ atọrụngbọ, anịanịa kẹ ye naa ḅẹ aḅeri kẹ ọ́ pịrị-a.

Kọlọsị 2:2

À miemẹ mịẹ tẹ ḅiokpọ ịna ḅụụ ḅio ḅintẹ ḅẹlẹma ini ọkị-ḅo gboloma dogi-ḅo ḅarị ḅara, tẹ mịẹ tẹ ịn gbala-gbala ḅio maaịn maaịn tọn ḅịa ḅara, aniemẹ anie karakara ḅara kẹ ye fiearị ye naa dogi-ḅoarị ye. Mị ḅara ḅụ ịn ḅo nimi ḅa mịnẹ Tamụnọ kikima ye mẹ anie Kịrayịsị ḅe ḅioju.

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.