Luku 7:6 - FỊAFỊA BAỊBỤLỤ

⁶ Mie ḅụ Jizọsị nwẹnị ini na mu. Ọ̀ warị mẹ la ḅẹ-yearị ogbo, ọmụ-alaḅọ ḅe ikia apụ, tẹ ọ̀ fịrịma apụ nwẹnị ḅo Jizọsị la, tẹ ọ̀ kẹ ịn fịrịma fịrị mẹ ḍuko ọ̀ pịrị, mịnẹ, “Ị̀ Nyanaḅọ, ị́ ḅụụ fụkama ị̀ pịrị ma. Ị̀ warị í pembema ḅọ da su la-a,

Luku 7:6 Iomraidhean Croise

Suku-saakị 32:10

Jike-a ḅẹlẹma mẹmgba na iḅi mẹmgba na tẹ ị́ nyana yẹrị ị́ fịrịmẹnjịḅọ pịrị ye mẹ ḅẹ ịrụ-tẹịn ye sọ à nyana gbẹẹ-a, kẹ gotẹ ọkọ ḅẹẹarị, ị̀ mkpara kịngẹ mie à kẹ mị Jodanị mẹ saḅa ye tẹ mịọkụ à ḅo maa kpoo mịẹ tẹ.

Egberima-Ẹkwẹn 29:23

Opu ẹkwẹn ị́ ḅịkị dogi-ḅo ḅa, kụma ị́ ḅụụ-lẹgịmarị ḅẹḅẹ, tomi kụn kẹ ị́ pịrị ḅa.

Matiyo 20:28

Anie anị sime Tomḅọ Tụḅọ ḅe pịrị ḅara mẹ, ọ̀ ja apụ fịrịmẹnjị ọ̀ pịrị ḅẹ go ḅo-a, kụma ori rẹ fịrịmẹnjị ja apụ pịrị tẹ ò ḍumo kẹ tọnwa atomi pakịrị-ḅo ye sọma ḅẹm.”

Matiyo 3:11

Yẹrị kịngẹ kụma ó si ḅụ pịkị tẹ Tamụnọ daa tẹ nwẹn ḅẹẹ elekima minji mie à kẹ ọ́ sararị ye; kụma ị̀ sakị ḅọrọ tẹso, gbọrụḅọ ḅo tẹ Fịafịa Tẹmẹ ḅe na, kọrị-fịnị na, kẹ minji kẹ ọ́ sara ḅa. Ori ị̀ nẹngị la ḅara ḅụ, ọ̀ kẹ ḅụọ sụarị okuro sọ à dogi gbẹẹ-a.

Makị 5:24

Anịtẹso Jizọsị nwẹnị ori na saakị mẹnjị mu. Tọnwa tomi ḅaka ḅara kẹ Jizọsị na mẹnjị mu sime-ḅara ḅụ pakịrị-pakịrị ḅụ kịnị ọ̀ bịanm.

Luku 5:8

Sayịmọnị Pita mie ẹrị sakị, ò mu Jizọsị suku kparakị tẹ ḅẹẹm, “KỊNỊNYANAḄỌ, ị́ ḅụụ kẹ ì kpekima ma! Yẹrị si-ḅọọ!”

Luku 7:4

Ịn nwẹnị ḅọ tẹ tẹmẹ-la ḅara kẹ Jizọsị tẹkẹ: “Ḅị tomḅọ ḅe mie ị́ sụn ḅarasụa pịrị na-iḅi ḅọ.

Luku 7:5

Ọ̀ wamịna ama ḅẹlẹma lamarị tẹ wamịna ama-warị mẹ sọ ori anie ḅarana anị nama wa pịrị ye.”

Luku 7:7

à pịkị ị̀ ḅụụ ọkị-a mịnẹ à ḅarana ḅo ị́ la gbẹẹm. Paa ḅịḅị kịngẹ kẹ tọn, ị̀ fịrịmẹnjịḅọ ḅe ḅụụ iḅi ḅa.

Luku 8:49

Jizọsị paa miemẹ ḍukoarị ogbo Jayịrọsị warị oku ḅo ọ̀ lam mịnẹ tụḅọ ma fịị tẹ ẹrẹsị ọ̀ ḅarị jen kẹ ye-tolumaḅọ ḅe ḅụụ fụkama ma.

Fịrịmẹnjịapụ 10:38

Nazarẹtị ḅẹ Jizọsị ḅe gbolomaye mẹ, anie Tamụnọ ọ̀ Fịafịa Tẹmẹ ḅe na kụrọ na kẹ ori ọgọnọ ọsụma sara ye mẹ sọ, ó nimi tẹ. Ò mu la-a anga ofori, tẹ iḅi mịẹ, pịkị Ekwesu ḅe kẹ omoni sọma sime apụ ma gwọm, Tamụnọ ori Jizọsị ḅe na emi ẹrẹsị.

Jemụsị 4:10

Ọ́ KỊNỊNYANAḄỌ ḅe tọrọkọ ḅụ ḅụụ lẹgịma, anịsakị ori ọ́ saakị-gelema ḅa.

Jemụsị 4:6

Kụma Tamụnọ kẹ tomi pịrịarị ḍiki-ḅụụjịrị mẹ kụrọ anị nẹngịm. Anie Fịafịa Ḍiri mẹ ḅẹẹarị ḅara, “Tamụnọ opu amịẹaị mịẹ apụ na tụḅụrụarị, kụma ò ḍiki-ḅụụjịrị nyana ḅụụ iderima apụ ma pịrịarị.”