Luku 7:47 - FỊAFỊA BAỊBỤLỤ

⁴⁷ Mịọkụ à ḍuko ị̀ pịrịarị mịnẹ á ḅẹlẹma ḍụḅa la ḅara gotẹ, árị atọnwa asi ma ịn wẹrịso á pịrị fama tẹ. In boowa kalịye wẹrịso pịrị-ḅọ, ḅẹlẹma kalịye mie mḅọ pịkị ḍie pakamarị ye.”

Luku 7:47 Iomraidhean Croise

Ayịzaya 1:18

KỊNỊNYANAḄỌ ḅẹẹarị “Mịọkụ ó ḅo wa ḅẹrẹ mẹ fama. Karakaraye ọmịna si mẹ ọmịnị ọmbịma tẹ ọmịnị awụ ḅịyarị sọ, arị ọ́ sịkịrị tẹ ọmịnị eene mgbọlị yori-yori ḅara yori-yori ḅa. Ọmịna ịlọlị ma pọpụlụ nwẹn-sịn ḅịya ḅara ḅịya sọ, ọmịnị afalafa pịna ḅara pịna ḅa.

Ayịzaya 55:7

Yee si-sịḅịḅio-sụapụ ma ịna ḍumo kọn ḅara mẹ ḅụ ḅara-siin, tẹ ịn ḅẹrẹ kuromarị ḅara mẹ ḍima. Yee ịn tọrụ pịkị KỊNỊNYANAḄỌ, wamịna Tamụnọ ḅe da; ori ọkụrụkụrụ nyana wararị tẹ sarama si-wẹrịsoarị.

Izikẹlị 16:63

Mịẹ-irima-aị mamgba tẹ ị́ mịẹ tẹ aị ma à wẹrịso ị́ pịrị ḅa, kụma ị́ arị kẹ ḅiokoroma tẹ ḅụụ-jịrị ḅaka tẹ ḅarị ị́ ḅịḅị sọ finji ḅịa.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Mayịka 7:19

Ị́ ọkụrụkụrụ mẹ pịkị siin gbọrụ sakị kẹ sime wa pịrị ḅa. Ị́ wamịna asi nanga ḅa ị́ ḅụọ-suku ḅụ, tẹ arịmgba kẹ tọrụ mẹ ḅẹ owolo ḅio wakị nguma ḅa!

Matiyo 10:37

“Ḅẹḅọ-ḅẹḅọ tẹ mḅọ ḍaḅọ anịanịa mḅọ iyingiḅọ ḅẹlẹma ị̀ nẹngị ḅọ, ị̀ ḍukamẹnjị gbẹẹ-a; ḅẹḅọ-ḅẹḅọ tẹ amịna owiḅọtụḅọ, anịanịa ẹrẹḅọtụḅọ ḅẹlẹma ị̀ nẹngị ḅọ ị̀ ḍukamẹnjị gbẹẹ-a.

Luku 7:39

Farịsiiḅọ ḅe miemẹ ẹrị sakị ọ̀ nwẹnị ḅịḅị kẹ ḅụụ fiema, “Ḅị tomḅọ ḅe nwẹnị karakaramatẹ ịkịankoroḅọ kụma, ò nimi na-iḅim, ḅara kẹ ọ̀ lamarị ẹrẹḅọ ma sime-ḅara; ò nimi na-iḅim á kọn-arị si ḍumo mẹ!”

Luku 7:46

À kẹ sịḅị lama ḅẹ olivu olo sọ ị́ ị̀ pịrị-a, kụma á sẹntị kẹ ị̀ aḅụọ ḅụ sara tẹ.

Luku 7:48

Anịtẹso Jizọsị nwẹnị ẹrẹḅọ ma ḅẹẹ, “Ị́ asi ịn wẹrịso ị́ pịrị tẹ.”

Fịrịmẹnjịapụ 5:31

Tamụnọ ori iwoma mu amịna ama-ḅara anga lamam, Sịḅịdaḅọ na Ḅọrọmaḅọ na ḅara ḅụ, tẹ nwẹnị kiri kẹ Izirẹlịapụ pịrị ịn kẹ si ḅụ pịkị tẹ Tamụnọ ịna asi wẹrịso ịn pịrị.

Romu 5:20

Oloko sụa ye anie kuraye mịẹ-a kẹ ḅin ye, kụma si ọkọ kẹ ḅin tẹ anga Tamụnọ ḍiki-ḅụụjịrị pịkị ḅin ḅaka tẹ.

2 Kọrịntị 5:14

Kịrayịsị ḅẹlẹma mie ḅẹrẹtọn wa pịrịarị, mịọkụ wa ḅo nimi tẹ ḅara, mịnẹ gbọrụ tomḅọ fịị ḅẹḅọ-ḅẹḅọ pịrịm, anie fiearị kịnị mamgba ọ̀ fịị mẹ ḅụ ḍiekiri nyana tẹ.

Galesiya 5:6

Gbala, wa Kịrayịsị ḅụ emi sakị goyegoye, wa tarị-ḅụụ sin na, tarị-ḅụụ sin-a na, gbọrụ kiri sọ nyana-a; ḅẹlẹma ḅụ ḅọrọ tẹ kọrịnama kọrịarị minini anie ḅẹrẹ-sịḅị mẹ.

Ẹfisọsị 6:24

Yee Tamụnọ ḍiki-ḅụụjịrị, fịị fịị-a ḅẹlẹma wa Nyanaḅọ Jizọsị Kịrayịsị ḅẹlẹmarịapụ mamgba na sime.

Filipayị 1:9

À tẹkẹarị mịnẹ ọmịna ḅẹlẹma mẹ ḍụḅa tọrọkọ-tọrọkọ mu, tẹ ọ́ pịkị karakara ye ḍawọ ḍin na ye ḅio lekiri na nyana,

1 Timoti 1:14

Tẹ wa Nyanaḅọ ḅe nwẹnị, tọn-a ḅara kẹ, ò ḍiki-ḅụụjịrị ọsụma ị̀ ọgọnọ sara, tẹ minini na ḅẹlẹma na kẹ ị̀ pịrị, anie wa Kịrayịsị Jizọsị na gbọrụ ḅụụ emi ye mẹ ḅụ sime wa pịrị aị ma.

1 Jọnị 1:7

Kụma wa nwẹnị bele ḅio angarị ḅẹḅẹ — ori bele ḅio emi gbọrụ ḅara mẹ — anie ḅụ wa jụmọ-jụmọ na gbọrụ ḅụ sime, tẹ Jizọsị, Tamụnọ Tụḅọ ḅe, ọmbie mẹ si goyegoye ḅụ wa sịkịrị fịafịama ḅarịye.

1 Jọnị 3:18

Ị̀ awọmẹ, wa ḅịḅị ḅọkọ kịngẹ kẹ ẹkwẹn-ẹkwẹn sara kẹ kịnị ḅẹlẹma apụ sọ ḅịa; wamịna ḅẹlẹma mẹ karakara ḅẹlẹma sọọ, anie mịẹye ḅụ amịna ḅụụ ḍie-pakamarị ye.

1 Jọnị 4:19

Tamụnọ tarị wa ḅẹlẹma ye ḅụ mie wa ḅọrọ tẹ kịnị ḅẹlẹmarị.

1 Jọnị 5:3

Kẹ gotẹ ọkọ ḍukoarị, wa Tamụnọ ḅẹlẹmarị mẹ fiearị ye anie, ọ̀ ḅịḅị poki tẹ ori oloko koko. Anịsakị ori oloko ma pịkị kụrọ ḅaka-a wamịna ḅụụ,