Luku 7:46 - FỊAFỊA BAỊBỤLỤ

⁴⁶ À kẹ sịḅị lama ḅẹ olivu olo sọ ị́ ị̀ pịrị-a, kụma á sẹntị kẹ ị̀ aḅụọ ḅụ sara tẹ.

Luku 7:46 Iomraidhean Croise

2 Samụẹlị 12:20

Anịtẹso Devidi nwẹnị kiri mẹ ḅio saakị tẹ minji ḅiri, tẹ olo kẹ amịna oju ọmbị; tẹ ori akapa ḍima, tẹ nwẹnị mẹnjị KỊNỊNYANAḄỌ ḅe warị ḅio sọ-mu, tẹ sunsin; anịtẹrẹmẹ ò so ò soku-ḅẹ warị mum; ò fịye ḅii tẹso, in fịye kẹ ḅo ọ̀ tọrọkọ gbanam, tẹ ọ̀ nwẹnị fị.

2 Samụẹlị 14:2

Johabụ nwẹnị kịnị kẹ Tẹkowa fịrịma, tẹ anịjụ ye-nimi gbọrụ ẹrẹḅọ ọkị-ḅo, tẹ nwẹnị á ḅẹẹ, “Ḍụẹịn ḍuu elekimaa, tẹ ḍụẹịn ḍuu apụ akapa sụa, olo kẹ í oju ọmbị ma, kụma ẹrẹḅọ tẹ tọnwa aḍin kẹ anịngẹ-kụraḅio ḍụẹịn ḍuuarị ḅọ ye mịẹ ḅara kẹ ye mịẹ,

Devidi-Anume 104:15

tẹ iru mịẹ pakama-ḅo tẹ anị ịna aḅioḅẹlẹmarị, olivu sịnmgbọlị kẹ mịẹ olo pịkị ịna atọrụ-ḅẹlẹmarị, tẹ fịturu pịkị ịnyọ kẹ ịn pịrịarị.

Devidi-Anume 23:5

Ị́ alalị-fịye kẹ ị̀ pịrị fịarị, ị̀nịna fịya-a apụ tọrọkọ ḅụ; ḅioḅẹlẹ ḅara ḅụ mie ị́ kẹ ị̀ da warị suu ye, tẹ à ḅuu furo ḅinma ḅẹ ḅara kẹ ị̀ kọpụ sụam.

Nimi Tolumaḅọ 9:8

Yee í opu akapa ma sakị mamgba abịlala ḅịya ḅara ḅịya; anịsakị ḍụkụ tẹ sịḅị ọmbị kụnụ-olo ị́ sịḅị ḅụ kụrọma.

Danẹlị 10:3

À gbọrụ iḅi fịye sọ fị-a, anịanịa nama pẹị, iru ḅuu, anịanịa ị̀ sịḅị-dala, nwenii tẹra wiki ma ḅọrọm.

Emọsị 6:6

Bọlị mie ọ́ kẹ waịnị iru sụa ḅinma-ḅinma tẹ ḅuuarị, tẹ iḅi tẹịn sẹntị asanarị, kụma Izirẹlị fa mẹ ó kururuma-a.

Mayịka 6:15

Ọ́ fịaị ḍiḅi ḅa, kụma ó soku ḅịa; ọmịna olivu pulo mịẹ pakama-ḅo ḅa, kụma ọmịnị anị ọkị tẹ kẹ gberie-sọ mịẹ ḅịa; ọmịnị iru mịẹ pakama-ḅo ḅa, kụma gbala-gbala ọmịnị anị ḅuu ḅịa.

Matiyo 6:17

Ị́yẹrị, í ḅuru-ịmọarị sakị, ị́ tọrụ sịkịrị fịafịama, olo ọmbịị, tẹ ị́ sịḅị-dala pompomaa,

Luku 7:47

Mịọkụ à ḍuko ị̀ pịrịarị mịnẹ á ḅẹlẹma ḍụḅa la ḅara gotẹ, árị atọnwa asi ma ịn wẹrịso á pịrị fama tẹ. In boowa kalịye wẹrịso pịrị-ḅọ, ḅẹlẹma kalịye mie mḅọ pịkị ḍie pakamarị ye.”

Rufu 3:3

Anịẹrẹsị minji ḅiri tẹ olo ọmbịị, tẹ ị́ iḅitẹịn akapa ọkị sụaa, tẹ ideri mgbọlụ-sẹlẹ-kiri mẹ muu; kụma ḍụkụtẹ ò nimi ma í ḅo wararị nwenii ọ̀ fị-na-ḅuu-na fama tẹrẹmẹ.