Luku 7:43 - FỊAFỊA BAỊBỤLỤ

⁴³ Sayịmọnị nwẹnị pakịrị, “À sịn-arị ori opu ye wẹrịso pịrị ḅọ ḅee.” Jizọsị nwẹnị ḅẹẹ, “Ị́ karakaram.”

Luku 7:43 Iomraidhean Croise

Matiyo 18:27

Ọ̀ mịẹ ḅara mẹ ḅo ẹgwẹ kẹ amadaḅọ ḅe ḅaama ye ḅụ, ọ̀ nwẹnị ò ḍiki-tọrụ-kụrụkụrụ tẹ saa mẹ wẹrịso ọ̀ pịrị, tẹ ọ̀ ḅẹẹ tẹ ò so.

Makị 12:34

Jizọsị tomḅọ ḅe nimi ḅara kẹ pakịrị ye ẹrị tẹso, ori ọ̀ ḅẹẹm, “Ḅo Tamụnọ Ama-da suku-ḅio simearị tomḅọ sọ mẹ ị́ ḅụụ ḅele-a.” Miemẹ ḅọrọ tẹso, gbọrụḅọ-sọ ḅarị ḅiokpọ tẹ ja ḅii-aḅịḅị kẹ ò ḅii-a.

Luku 10:38

Jizọsị na ò ḍukamẹnjịapụ ma na in muarị anga muarị ogbo ò ḅo gbọrụ ama lam, tẹ Mata nwẹn-sịn gbọrụ ẹrẹḅọ nwẹnị ọ̀ da á warị suu.

Luku 7:42

Ini maa apụ ma gbọrụḅọ-sọ inetẹ saa mẹ gbẹẹ ḅịa gotẹ ọ̀ nwẹnị saa mẹ ḅụ ḅara-siin ịn pịrị. Ị́ sịn-arị ini maa apụ ma ḅụ tụḅọ ọ̀ ḅẹlẹma tẹịn ḅẹ?”

Luku 7:44

Tẹ ọ̀ nwẹnị tọrụ kẹ ẹrẹḅọ ma da tẹ Sayịmọnị ḅẹẹ, “Ma ẹrẹḅọ ma ị́ árị ẹrị tẹ? Àrị ị́ warị ḅo ye, ḅụọ sịkịrị minji kịngẹ sọ ị̀ kẹ ị̀ pịrị-a, kụma árị á tọrụ ḅẹ owu minji kẹ ị̀ aḅụọ sịkịrị tẹ, pịkị á sịḅị-ḅẹ-inume kẹ sin tẹ.

Luku 7:47

Mịọkụ à ḍuko ị̀ pịrịarị mịnẹ á ḅẹlẹma ḍụḅa la ḅara gotẹ, árị atọnwa asi ma ịn wẹrịso á pịrị fama tẹ. In boowa kalịye wẹrịso pịrị-ḅọ, ḅẹlẹma kalịye mie mḅọ pịkị ḍie pakamarị ye.”