Luku 7:42 - FỊAFỊA BAỊBỤLỤ

⁴² Ini maa apụ ma gbọrụḅọ-sọ inetẹ saa mẹ gbẹẹ ḅịa gotẹ ọ̀ nwẹnị saa mẹ ḅụ ḅara-siin ịn pịrị. Ị́ sịn-arị ini maa apụ ma ḅụ tụḅọ ọ̀ ḅẹlẹma tẹịn ḅẹ?”

Luku 7:42 Iomraidhean Croise

2 Samụẹlị 14:13

Ẹrẹḅọ ma nwẹnị ḅẹẹ, “Ị́ nwẹnị anịtẹrẹmẹ tiegotẹ nwẹn sime ye mịẹ ḅẹ tọn Tamụnọ atomi ma pịrị? Kẹ gotẹ ọkọ ḅẹẹarị, miemẹ tọn-pẹlẹ ḅụ, ị́ ḅẹrẹ-ḅarasii pẹlẹ ị́ ḅụụ pịrị tẹ, ị́ ḅarị siin ama koroma so wararị gbọrụḅọ ḅe ọkị-ḅo-a nwẹn ḅẹẹ sakị.

Devidi-Anume 103:3

Ori ị̀ asi mamgba wẹrịso ị̀ pịrịarị tẹ ì obi mamgba gwọarị.

Ayịzaya 43:25

Tẹ anịsọ, yẹrị anie ị́ asi wẹrịsoarị Tamụnọ ḅe, Yẹrị anie yẹrị ẹrẹsị mie à gotẹ mie mịẹarị. Arị ị́ asi kẹ ị́ ọgọnọ gbana ḅịa.

Ayịzaya 44:22

Oḅuto So-tọrụ kaan-so ḅara arị ị́ asi ma ọfịn siin tẹ. Pịkị ị̀ ḍọkụma-ḅoo; yẹrị anie ị́ ḅọrọmarị ḅọ ḅee.”

Matiyo 18:27

Ọ̀ mịẹ ḅara mẹ ḅo ẹgwẹ kẹ amadaḅọ ḅe ḅaama ye ḅụ, ọ̀ nwẹnị ò ḍiki-tọrụ-kụrụkụrụ tẹ saa mẹ wẹrịso ọ̀ pịrị, tẹ ọ̀ ḅẹẹ tẹ ò so.

Matiyo 18:34

Amadaḅọ ḅe kpọma ịganị tẹ fịrịmẹnjịḅọ ḅe kẹ ikoli fịrịmam, mịnẹ ini ọ̀ kẹ tọrụsiẹrịma nwenii ò bebe saa mẹ gbẹẹ sakị la.”

Matiyo 6:12

Wa mịẹ-irima tẹ aị ma wẹrịso wa pịrịị, wa ja apụ kẹ wa iri tẹ aị ma wẹrịso ịn pịrịarị ḅara.

Luku 7:43

Sayịmọnị nwẹnị pakịrị, “À sịn-arị ori opu ye wẹrịso pịrị ḅọ ḅee.” Jizọsị nwẹnị ḅẹẹ, “Ị́ karakaram.”

Romu 3:24

Kụma Kịrayịsị Jizọsị ịn pakịrịḅọ ḅe anie Tamụnọ gotẹ ye ḍiki-a ḅara kẹ tomi mamgba ḍiki-ḅụụjịrị tẹ ịn kẹ karakara ḅụ wẹrị ye.

Romu 5:6

Gbala mịẹ-mịẹ ọkụ wamịnị na ofori ogbo mie Kịrayịsị ḅo Tamụnọ tọn sakị ḅụ si-sịḅịḅio-sụapụ gotẹ fịị ye.

Galesiya 3:10

Wori-nume Oloko mẹ koko ḅụ sịrẹrẹ wararị apụ ọgọnọ emi. Kẹ gotẹ ọkọ ḍukoarị, Fịafịa Ḍiri mẹ ḅẹẹm, “Ḅẹḅọ-ḅẹḅọ tẹ, sakị mamgba, Oloko ḍiri mẹ ḅio kẹẹ koro wararị ye goyegoye poki tẹ mịẹ-a ḅọ mẹ Tamụnọ wori-nume mḅọ ọgọnọ emi.”

Ẹfisọsị 1:7

Kẹ gotẹ ọkọ ḍukoarị, Kịrayịsị fịị mie ọ̀ kẹ si omoni ḅara-ḅio wa pakama-ḅo tẹ si mẹ wẹrịso wa pịrị yee. Tamụnọ ḍiki-ḅụụjịrị mẹ ḍụḅa la ḅara ḍikii,

Ẹfisọsị 4:32

Mịna aị ma nakara, ọmịnị iḅiye mịẹ ḅara na, sarasara ḅioḅẹngbọ na nyana jụmọ-jụmọ pịrịị, tẹ si-wẹrịso jụmọ-jụmọ pịrịị, Tamụnọ sọ Kịrayịsị ḅụ ḅọrọ tẹ si-wẹrịso ọ́ pịrị tẹ ḅara.

Kọlọsị 3:13

Ọmịnị inoma fị jụmọ-jụmọ pịrị, tẹ si-wẹrịso jụmọ-jụmọ pịrịị, gbọrụḅọ osi ḅọ ḅụ ḍuko-sụa ḅẹ ye nyana, nyana. Ó si-wẹrịso jụmọ-jụmọ pịrịị, KỊNỊNYANAḄỌ ḅe kẹ si-wẹrịso ọ́ pịrị ḅara mẹ.