Luku 7:40 - FỊAFỊA BAỊBỤLỤ

⁴⁰ Jizọsị nwẹnị ḅarị gbọsime-a tẹ ọ̀ ḅẹẹ, “Sayịmọnị, à ḍuko ị́ pịrị ḅẹ ye emi.” Sayịmọnị nwẹnị ḅẹẹ, “Ḍuko ị̀ pịrịị, Ye-tolumaḅọ.”

Luku 7:40 Iomraidhean Croise

1 Amadapụ 2:14

anịtẹso ọ̀ nwẹnị kẹ sụa, “Àrị ị́ ḅara ḅụ gbela ḅarịye emii.” Á nwẹnị gbela, “Anie tiye?”

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Malakayị 1:6

Kụrọ mamgba nyana KỊNỊNYANAḄỌ ḅe agbamịẹapụ ma ḅẹẹm, “Owiḅọtụḅọ amịna ḍaḅọ kụn-arị, tẹ fịrịmẹnjịḅọ pịkị amịna sịḅịdaḅọ kụn-arị. Yẹrị ọmịna ḍaḅọ — tiye ẹrẹsị ọmịnị ị̀ kụn-a? Yẹrị ọmịna sịḅịdaḅọ — tiye ẹrẹsị ọmịnị ị̀ mangịma-a? Ọmịnị ì ḍiki-simarị, tẹ anịsọ ó gbelarị, ‘Ndẹẹ wa kẹ í ḍiki-sima ḅara?’

Matiyo 26:49

Judasị nwẹnị da-da mẹnjị mu Jizọsị la tẹ ḅẹẹ, “Ye-tolumaḅọ, dein ị́ na simee,” tẹ nwẹnị ḅẹlẹma ḅara ḅụ ekpe kẹ ọ̀ fịnama.

Matiyo 7:22

Tamụnọ tomikiri mẹ kọn ḅarị ene mẹ ḅụ tọnwa-apụ ị̀ ḅẹẹ ḅa, ‘KỊNỊNYANAḄỌ, KỊNỊNYANAḄỌ, wa kọkọ ị́ ẹrẹ ḅụ Tamụnọ oku mẹ ḍuko tomi pịrị tẹ pịkị oru dee, tẹ pịkị tọnwa ḅụụ-buama-aị mịẹ!’

Luku 18:18

Juu-ḅẹ gbọrụ sịḅịdaḅọ nwẹnị Jizọsị ḅii, “Iḅi Ye-tolumaḅọ, à tiye mịẹ tẹ sime gbamaso ḍumo nyana ḅẹ?”

Luku 5:22

Jizọsị ịna akuroma nimim ẹrẹsị ori ịn ḅẹẹm, “Ó tiegotẹ nwẹn sime aị kuromarị?

Luku 5:31

Jizọsị nwẹnị ịn pakịrị, “Obi-a apụ ḅịrịḅọ ḍọkị ḍọkị-a, kụma obi apụ ngẹrị mie ḅịrịḅọ ḍọkịarị ye.

Luku 6:8

Kụma Jizọsị ịna akuroma nimi wararị ḅara ḅụ ọ̀ nwẹnị tomḅọ ḅe ḅẹẹ, “Saakị sịẹ tẹ mẹnjị mịanga tọrọkọ ḅoo.” Tomḅọ ḅe nwẹnị saakị tẹ mu anịanga sịẹsime.

Luku 7:39

Farịsiiḅọ ḅe miemẹ ẹrị sakị ọ̀ nwẹnị ḅịḅị kẹ ḅụụ fiema, “Ḅị tomḅọ ḅe nwẹnị karakaramatẹ ịkịankoroḅọ kụma, ò nimi na-iḅim, ḅara kẹ ọ̀ lamarị ẹrẹḅọ ma sime-ḅara; ò nimi na-iḅim á kọn-arị si ḍumo mẹ!”

Luku 7:41

Jizọsị mẹẹ, “Sakị ḅẹ gbọrụ sakị ḅụ maa apụ igbigi kẹ kịnị ḅọlọ-ḅọlọ gbọrụḅọ ḅara saa fịm. Gbọrụḅọ ọ̀ ḅara seleḅa igbigi ẹndẹ sọnọa si finji ọlọm; osi ḅọ mesi oyi finji kịngẹ ọlọm.

Jọnị 13:13

Ó Ye-tolumaḅọ na KỊNỊNYANAḄỌ na kẹ ị̀ sịn-arị, anị karakaram ọmịnị ọkọ mịẹ, anị ḅara anie à pịkị sime-ḅara gotẹ.

Jọnị 16:19

Jizọsị nimim mịnẹ ini ò gbela ḅẹ ḅiim ḅẹ sakị ori ịn ḅẹẹm, “À ḅẹẹm, ‘Boowa kala-sakị ḅụ ọ́ ḅarị ị̀ ẹrị ḅịa, tẹso, boowa kala-sakị ḅọrọ tẹso, ọ́ pịkị ị̀ ẹrị ḅa.’ Miemẹ gboloma ye mie ọ́ kẹ jụmọ-jụmọ gbelarị ye, anị-a?

Jọnị 16:30

Mịọkụ wa nimi tẹ mịnẹ ye goyegoye í nimi fama wararị. Kịnị ye kẹ í gbela tẹrẹmẹ í ye ḍuko na-iḅi-a. Miemẹ mie wa gotẹ mininiarị ye mịnẹ Tamụnọ ḅụ í sime tẹ ḅom.”

Jọnị 3:2

Gbọrụ ḍin ḅụ ọ̀ Jizọsị dama-mu tẹ ọ̀ ḅẹẹm, “Rabayị, wa nimim anie Tamụnọ ḅarana kẹ fịrịma ye-tolumaḅọ. Gbọrụḅọ-sọ inetẹ ị́ mịẹarị ḅụụ-buama-aị ma mịẹ ḅịa Tamụnọ mḅọ na emi sikima tẹ.”