Luku 7:39 - FỊAFỊA BAỊBỤLỤ

³⁹ Farịsiiḅọ ḅe miemẹ ẹrị sakị ọ̀ nwẹnị ḅịḅị kẹ ḅụụ fiema, “Ḅị tomḅọ ḅe nwẹnị karakaramatẹ ịkịankoroḅọ kụma, ò nimi na-iḅim, ḅara kẹ ọ̀ lamarị ẹrẹḅọ ma sime-ḅara; ò nimi na-iḅim á kọn-arị si ḍumo mẹ!”

Luku 7:39 Iomraidhean Croise

2 Amadapụ 5:20

Gehazi, Ịlayịsa Tamụnọ tomḅọ ḅe fịrịmẹnjịḅọ nwẹnị ọ̀ ḅụụ ḅẹẹ, “Ḍikii, ị̀ sịḅịdaḅọ ḅe ḅie Nahamanị Siriya ḅẹ ḅọ ḅe ḅara ḅụ ọ̀ kẹ ḅo aị ma ọkị-a tẹ ọ̀ wẹrịso tẹ ò so tẹẹ. KỊNỊNYANAḄỌ ḅe ḍumo-sime wararị ogbo, arị ò ḍuka tẹ ọ̀ ḅara ḅụ ye ọkị ḅa.”

Egberima-Ẹkwẹn 23:7

Ọ̀ ḅẹẹarị, “Ḅoo, tẹ jen ọkịị,” kụma ori ọ̀ mịẹ ḅẹ ye ḍuko-a. Ò kuromarị ḅara mẹ anie sụntẹ ò sime-ḅara.

Ayịzaya 65:5

Anịtẹso ịn jen-apụ ḅẹẹarị, ‘Ọ́ wamịna ḅụụ ḅelee, wa tọn-tọn ḅara sime ḅakam, ọ́ ḅara kẹ wa lama ḅụ!’ Arị inetẹ nwẹn sime apụ inema ḅịa — à nyana ịn pịrị wararị ịganị gbala-gbala biin-biin-a fịnị kịkarị.

Matiyo 20:16

Anịtẹso Jizọsị nwẹnị ẹkwẹn gbaịn ḅụ ḅẹẹ, “Mie ḅụ, kunoma apụ ma ḅo tarị apụ sọ ḅa, tẹ tarị apụ ma kunoma apụ sọ ḅa.”

Matiyo 21:11

Tomina-ogbo-ogbo ma nwẹnị pakịrị, “Ḅieḅe anie ịkịankoro Jizọsị ḅe, tẹ Galili ḅẹ ama Nazarẹtị ḅụ sime tẹ ḅo ḅọ ḅee!”

Makị 7:21

Kẹ gotẹ ọkọ ḍukoarị, ḅioju ḅụ, tomḅọ mẹ ḅioḅẹngbọ ḅụ, mịẹ si akuroma tẹ mḅọ dogi-mu si-amịẹaị ḅụ suuarị aị ma, sime tẹ paka-ḅoarị, kụrọ-tọrụ kẹ jụmọ nye ọkị, kịnị ḅaa,

Luku 12:17

Ọ̀ nwẹnị saakị kuroma amịna ḅụụ pịrị tẹ ḅẹẹ, ‘Mịọkụ à ma fịaị ma kẹ koko ḅẹ anga nyana-a ḅara mẹ à tọ-ḅara mịẹ ḅẹ?’

Luku 15:2

Farịsiiapụ na Oloko toluma apụ na nwẹnị saakị mbụrụmbụrụ, “Ḅị tomḅọ ḅe ama kẹ si-mịẹapụ sịn tẹ apụ ma daa-ọkị tẹ pịkị ini na ḅara gboloma fịye fịarị.”

Luku 16:3

Fịrịmẹnjịḅọ ḅe nwẹnị amịna ḅụụ ḅẹẹ, ‘Ị̀ sịḅịdaḅọ ḅe fịrị ḅụ ì sin ḅẹ tẹ. À tiye kọrị ḅẹ? Àrị ịnyọ nyana tẹ kiri soku ḅịa, kịnị ḅara ye ḅii pịkị ị̀ ḅụụ-jịrịmarị.

Luku 18:4

Tọnwa-tọnwa ḅẹ asakị á nwẹn kẹ ọ̀ dama-mum, kụma ọ̀ ḅụụ ḅẹrẹ-a, anị ḅẹ kunoma ọ̀ nwẹnị ọ̀ ḅụụ ḅẹẹ, ‘Tomi-juḅẹye, à Tamụnọ ḍiki-ḅalafa-a, pịkị tomi kẹ ye-sịn-a ḅẹsọ,

Luku 3:8

Ọmịna asi ḅụ ọ́ pịkị tẹ mẹ ḍie-pakama ḅẹ amịẹaị ọ́ nwẹn mịẹ, tẹ ḅarị ḅẹẹ ma mịnẹ Ebira-amụ anie ọmịna atẹngịḅọ. À ḍuko ọ́ pịrịarị mịnẹ Tamụnọ inetẹ mịna aḍụḅarị ma kẹ awọ sọma Ebira-amụ pịrị ḅa!

Luku 7:16

Ḅalafa nwẹnị inimgba ḅụụ ḅio sọ, tẹ ịn nwẹnị Tamụnọ tokini, ḅẹẹ mịnẹ, “Opu ịkịankoroḅọ paka-ḅo tẹ wamịna ogboku! Tamụnọ ori atomi ḅọrọma ḅẹ ḅo tẹ.”

Luku 7:37

Anị ama ḅụ si ḍumo kọn-kọn gbọrụ ẹrẹḅọ simem. Á naam Jizọsị Farịsiiḅọ ḅe warị ḅụ yefịarị tẹ á nwẹnị kụnụ lamarị sẹntị tẹ alabasịta nwẹn-sịn ḍụḅarị ololo ḅio sime ye kẹ mu,

Luku 7:38

tẹ Jizọsị ọḅụjụ sịẹsime, ori aḅụọ akaka ḅụ, tẹ owu-owu tẹ kẹ ori aḅụọ ḅụ saram. Anịtẹso á nwẹnị á sịḅị-ḅẹ-inume kẹ ori aḅụọ ma sin, ḅịḅị kẹ arị nọnjị tẹ sẹntị mẹ ọsụma arị ḅụ sara.

Luku 7:40

Jizọsị nwẹnị ḅarị gbọsime-a tẹ ọ̀ ḅẹẹ, “Sayịmọnị, à ḍuko ị́ pịrị ḅẹ ye emi.” Sayịmọnị nwẹnị ḅẹẹ, “Ḍuko ị̀ pịrịị, Ye-tolumaḅọ.”

Jọnị 4:19

Ẹrẹḅọ ma nwẹnị ḅẹẹ, “Ị̀ Nyanaḅọ, àrị ẹrịarị ḅara ịkịankoroḅọ.

Jọnị 7:12

Tomina-ogbo mẹ ḅio in ḅeri-ḅio, ḅeri-ḅio ò gbolomaye ẹkwẹn lamam. Japụ mẹẹ, “Ori iḅi tomḅọọ.” Osi apụ mẹẹ, “Ọkọ-a, ori oḅori kẹ tomi ma sịn-arị.”

Jọnị 9:24

Ịn maa sakị karama ye kẹ iyi kụra-ḅio tọrụngbọ pụụn sime tomḅọ ḅe sịn pịkịma-ḅo tẹ ọ̀ ḅẹẹm, “Tamụnọ tọrọkọ ḅụ ye karị, mịnẹ karakara mẹ mie í ḍuko ḅarịye! Wamịnị nimi wararị mịnẹ ḅieḅe tẹ ị́ gwọ tomḅọ ḅe si-ḅọọ.”