Luku 7:37 - FỊAFỊA BAỊBỤLỤ

³⁷ Anị ama ḅụ si ḍumo kọn-kọn gbọrụ ẹrẹḅọ simem. Á naam Jizọsị Farịsiiḅọ ḅe warị ḅụ yefịarị tẹ á nwẹnị kụnụ lamarị sẹntị tẹ alabasịta nwẹn-sịn ḍụḅarị ololo ḅio sime ye kẹ mu,

Luku 7:37 Iomraidhean Croise

Matiyo 21:31

Mịna maa apụ ma ḅụ tụḅọ amịna ḍaḅọ ḅii ḅara mịẹ?” Ịn nwẹnị pakịrị, “Omongiḅọ ḅee.” Mie ḅụ Jizọsị ịn ḅẹẹm, “À ḍuko ọ́ pịrịarị: ama-igbigi da apụ ma na, ama-mẹnjị-ereme ma na ọ́ ḅọrọ tẹ tarị mu Tamụnọ Ama-da mẹ suku-ḅio simearị atomi sọ ḅa.

Luku 18:13

“Kụma ama-igbigi da ḅọ ḅe nwẹnị sikima ḅele tẹ sịẹsime, tọrụ sọ ọ̀ saakị so ḍiki-a, kụma ọ̀ ḅara kẹ ekpe fomu tẹ ḅẹẹm, ‘Tamụnọ, ì ḍiki-tọrụ-kụrụkụrụụ, yẹrị si-ḅọọ!’

Luku 19:7

Anị ẹrị apụ mamgba nwẹnị saakị mbụrụmbụrụ; “Ḅị tomḅọ ḅe igoni kẹ si-mịẹḅọ ḅe warị bịan-arị ḅara ḍikii!”

Luku 5:30

Farịsiiapụ ḅẹ ja apụ na ịna Oloko toluma apụ ḅẹ ja apụ na nwẹnị ḍuko sụa Jizọsị ḍukamẹnjịapụ ma pịrị tẹ ḅẹẹ, “Ó tiegotẹ ama-igbigi da apụ na ama sịkịtẹ apụ na gboloma tẹ fị-na-ḅuu-naarị?”

Luku 5:32

À ḅo iḅi-apụ sịn pịkị ḅẹ ḅo-a, kụma ama sịkịtẹ apụ ma, mịẹtẹ in si ḅụ pịkị ḅẹ ḅara.”

Luku 7:34

Tomḅọ Tụḅọ ḅe ḅo tẹ fị-na-ḅuu-naarị, tẹ ọmịnị mẹẹ, ‘Ḅieḅe ḍikii! Fị ye fị ye pọkọ-ta-a ḅọ, iru ḅuuḅọ, ama-igbigi da apụ na ama sịkịtẹ apụ na ikiaḅọ!’

Luku 7:36

Gbọrụ Farịsiiḅọ Jizọsị sịnm ò ḅo ọ̀ warị ye fị, tẹ Jizọsị nwẹnị mu ye mẹ fị ḅẹ tẹ lẹgị-sime.

Jọnị 11:2

(Ma Meri ma anie sẹntị kẹ KỊNỊNYANAḄỌ ḅe aḅụọ ọgọnọ ḅama sara, tẹ nwẹnị pịkị á sịḅị-ḅẹ-inume kẹ arị sin ḅọ ma. Árị iyimbere Lazarọsị mie obi ye.)

Jọnị 9:24

Ịn maa sakị karama ye kẹ iyi kụra-ḅio tọrụngbọ pụụn sime tomḅọ ḅe sịn pịkịma-ḅo tẹ ọ̀ ḅẹẹm, “Tamụnọ tọrọkọ ḅụ ye karị, mịnẹ karakara mẹ mie í ḍuko ḅarịye! Wamịnị nimi wararị mịnẹ ḅieḅe tẹ ị́ gwọ tomḅọ ḅe si-ḅọọ.”

Jọnị 9:31

Wa nimi ḅara ḅụ Tamụnọ si-mịẹapụ ọ̀ ḅara ḅiiarị ye mịẹ ịn pịrị pịrị-a; ọ̀ kẹ ye sịn-arị tẹ ò ḅiiarị ye mịẹarị apụ tẹkẹ mie ọ̀ naa, naa yee.

Romu 5:8

Kụma Tamụnọ kẹ ọ̀ wa ḅẹlẹma la ḅara kẹ wa ḍie ye anie, wamịnị paa si-mịẹapụ wararị ogbo, Kịrayịsị fịị wa pịrịm.

1 Timoti 1:15

Miemẹ karakara ẹkwẹn, tẹ ḅọkọ, ḅọkọ ḅụ ọkị tẹ minini na-iḅi ye, mịnẹ: Kịrayịsị Jizọsị si-mịẹapụ ḅọrọma ḅẹ tẹ tomikiri mẹ ḅom. Yẹrị anie ịna ḅụ si tẹịnḅọ,

1 Timoti 1:9

Ye sime-ḅara ḅụ, wa kẹ ḅiokoroma mịnẹ ini iḅi-apụ gotẹ oloko sụa-a, kụma oloko kan-arị apụ na, si-aị kẹ mịẹ-mịẹye sọma wararị apụ na, Tamụnọ kẹ ye-sịn-a apụ na, si-mịẹapụ na, pịkị Tamụnọ etela mẹnjị-a, anịanịa tẹmẹ ḅụ ḅẹ aị nimi-a apụ na, ḍapụ anịanịa iyingiapụ ḅaarị apụ na kịnị ḅaa apụ na,

1 Pita 4:18

Anie Fịafịa Ḍiri mẹ ḍuko ḅara, “Anị ḅụụ-fụkama karakaraye-mịẹapụ pịrị ḅa ịn ḅọrọma ḅẹẹ ọkụma, ndẹẹ anị sime Tamụnọ nimi-a si-mịẹapụ ma pịrị ḅarị ḅara?”