Luku 7:34 - FỊAFỊA BAỊBỤLỤ

³⁴ Tomḅọ Tụḅọ ḅe ḅo tẹ fị-na-ḅuu-naarị, tẹ ọmịnị mẹẹ, ‘Ḅieḅe ḍikii! Fị ye fị ye pọkọ-ta-a ḅọ, iru ḅuuḅọ, ama-igbigi da apụ na ama sịkịtẹ apụ na ikiaḅọ!’

Luku 7:34 Iomraidhean Croise

Matiyo 11:19

Tomḅọ Tụḅọ ḅe ḅo sakị, ọ̀ fị-na-ḅuu-nam, tẹ ọrụḅọ-ọrụḅọ ḅẹẹm, ‘Ḅieḅe ḍikii! Ori anie fị-ye fị-ye pọkọ-ta-a ḅọ, pịkị iru ḅuu ḅọ, ama-igbigi da apụ na ama sịkịtẹ apụ na ikiaḅọ!’ Anị sime-ḅara, sime-ḅara sọ, Tamụnọ ye-nimi mẹ anị dogi-ḅo ḅarị ye ḅụ mie tomi anị ḅẹ karakara mẹ lekiri ḅarịye.”

Matiyo 5:46

Ị́ nwẹnị ị́ ḅẹlẹmarịapụ ngẹrị ḅẹlẹmarị ḅẹ kụma Tamụnọ gotẹ gbẹẹ-ye kẹ ị́ pịrị ḅẹ ye tiye? Mị-ḅara mie ama-igbigi da apụ ma sọ kọkọ mịẹarị!

Matiyo 9:11

Farịsiiapụ ma ḅẹ apụ nwẹnị miemẹ ẹrị tẹ Jizọsị ḍukamẹnjịapụ ma gbela, “Ọmịna ye-tolumaḅọ ḅe tiegotẹ nwẹn sime atomi na ḅara gboloma ye fịarị?”

Luku 11:37

Jizọsị ẹkwẹn fama tẹso, Farịsiiḅọ nwẹnị ọ̀ sịn ò ḅo ori na ye fị; tẹ ọ̀ nwẹnị mu tẹ ye mẹ fị ḅẹ tẹ lẹgị.

Luku 14:1

Gbọrụ Ịnyọsara-Ene ḅụ, Jizọsị mu gbọrụ opu Farịsiiḅọ warị ye fị ḅẹ mu sakị, tomi ori ẹbị lamam.

Luku 15:2

Farịsiiapụ na Oloko toluma apụ na nwẹnị saakị mbụrụmbụrụ, “Ḅị tomḅọ ḅe ama kẹ si-mịẹapụ sịn tẹ apụ ma daa-ọkị tẹ pịkị ini na ḅara gboloma fịye fịarị.”

Luku 19:7

Anị ẹrị apụ mamgba nwẹnị saakị mbụrụmbụrụ; “Ḅị tomḅọ ḅe igoni kẹ si-mịẹḅọ ḅe warị bịan-arị ḅara ḍikii!”

Luku 5:29

Anịtẹso Livayị nwẹnị ọ̀ warị ḅụ opu ḅara kẹ fịye mịẹ Jizọsị pịrị. Livayị sịn apụ ḅụ tọnwa ama-igbigi da apụ sọ simem, na ja atomi na.

Luku 7:33

Minji-sara Jọnị ḅo ye ò ḅuru-ịmọm, ọ̀ pịkị iru sọ ḅuu-a, tẹ ọmịnị mẹẹ, ‘oru dogiḅọ!’

Luku 7:35

Anị sime-ḅara, sime-ḅara sọ, Tamụnọ nimi mẹ daa-ọkị apụ mamgba ḅụ tomi anị ḅẹ karakara mẹ ẹrị ḅa.”

Luku 7:36

Gbọrụ Farịsiiḅọ Jizọsị sịnm ò ḅo ọ̀ warị ye fị, tẹ Jizọsị nwẹnị mu ye mẹ fị ḅẹ tẹ lẹgị-sime.

Jọnị 12:2

Ịn nwẹnị anịanga ḅoḅiri fịye mịẹ ọ̀ pịrị, tẹ Mata sọ ḅarasụa kọrịnama kọrịm; Jizọsị na dẹbịlẹ mẹ suku lẹgị apụ ma Lazarọsị sọ ini ḅẹ gbọrụḅọ.

Jọnị 2:2

tẹ Jizọsị na ò ḍukamẹnjịapụ ma na sọ ini ịn sịn ere-ịya mẹ mum.