Luku 7:33 - FỊAFỊA BAỊBỤLỤ

³³ Minji-sara Jọnị ḅo ye ò ḅuru-ịmọm, ọ̀ pịkị iru sọ ḅuu-a, tẹ ọmịnị mẹẹ, ‘oru dogiḅọ!’

Luku 7:33 Iomraidhean Croise

Matiyo 10:25

Mie ḅụ, ye ḍawọarịḅọ mḅọ tolumarịḅọ kịka tẹ ḅẹḅẹ anị mḅọ na iḅi na-iḅim; tẹ anie anị pịkị omoniḅọ na sime ḅẹ ḅara, ori ọ̀ nyanaḅọ na kịka tẹ ḅẹḅẹ. Ịn nwẹnị Bẹlịzibulu kẹ warị-nyanaḅọ ḅe sịn-arị kụma, ndẹẹ in si-tẹịn ẹrẹ kẹ warị ḅẹ apụ ma sịn ḅịa ḅara?

Matiyo 3:1

Anị sakị mẹ ḅụ Minji Sara Jọnị ḅo Judiya ḅẹ ịkpa mẹ ḅio saakị Tamụnọ ẹkwẹn kọnm.

Matiyo 3:4

Nambulo ḅe oju ḅẹ isuke anie ịn kẹ Jọnị kapa ḍori yee; tẹ nama oju ḅẹ apara mie ọ̀ kẹ ò ḅiri pono yee, anịsakị ọ̀ fị-fị fịye anie ịn kẹ igurube nwẹn-sịn akịdị na piri-ḅio-ḅẹ ḅẹm na.

Makị 1:6

Jọnị ḅe nambulo oju ḅẹ isuke kẹ ḍori kapa anie ọ̀ sụa tẹ nama oju apara kẹ ò ḅiri pono yee, anịsakị igurube na piri-ḅio-ḅẹ ḅẹm na anie ọ̀ kẹ fịye sọma tẹ fị yee.

Luku 1:15

KỊNỊNYANAḄỌ ḅe tọrọkọ ori opu tomḅọ sọ ḅa. Ori iru ḅuu ḅịa, jen-a jen-a kụrọ iru. Ini ori iyi koroma gbọrụ sakị Fịafịa Tẹmẹ ḅe ọ̀ ḅụụ sọ ḅin ḅa,

Luku 7:32

Ama-ogbo kobiri tẹ tii ḅẹ awọmẹ mie à kẹ ịn tọnma ḅarịye. Ini ḅẹ ja apụ oloku tẹ osi-apụ ḅẹẹarị, ‘Wa ere-ịya akwa farị ọ́ pịrịm, ọ́ sẹkị-a; wa ḍụẹịn owu nume-sunm, ọmịnị owu-a.’

Luku 7:34

Tomḅọ Tụḅọ ḅe ḅo tẹ fị-na-ḅuu-naarị, tẹ ọmịnị mẹẹ, ‘Ḅieḅe ḍikii! Fị ye fị ye pọkọ-ta-a ḅọ, iru ḅuuḅọ, ama-igbigi da apụ na ama sịkịtẹ apụ na ikiaḅọ!’

Jọnị 10:20

Ịna ḅụ ḅẹ tọnwa-apụ ḅẹẹarị, “Oru ọ̀ ḅụụ ḅio emi! Ọ̀ nọmụarị ḅara ḍikii! Ó tiegotẹ ò pokiarị?”

Jọnị 8:48

Ịn nwẹnị Jizọsị gbela, mịnẹ Sameriya ḅẹ ḅọọ, tẹ oru pịkị ị́ ḅụụ ḅio emi mẹ “Wa karakaraye ḍuko-a?”

Jọnị 8:52

Ịn nwẹnị ọ̀ ḅẹẹ, “Mịọkụ mie wa nimi lama tẹ ye mịnẹ oru ị́ ḅụụ ḅio emi! Ebira-amụ fịịm, tẹ ịkịankoroapụ ma sọ fịịm, anịsọ ḅẹẹarị mịnẹ í tolumaye mẹ ḍuko ḅara mịẹ ḅọ, mịẹ ḅọ fịị ḅịa gbamasom.

Fịrịmẹnjịapụ 2:13

Kụma ja apụ paa Jizọsị minini apụ ma kẹ kpọọtii-tii tẹ ḅẹẹarị, “Mịna atomi ma ini iru ḅuu tọrụ-ḅaama wararị!”