Luku 7:3 - FỊAFỊA BAỊBỤLỤ

³ Ọmụ-alaḅọ ḅe Jizọsị gbolomaye naa tẹso, ọ̀ nwẹnị Juu-ḅẹ omongiapụ fịrịma, mịnẹ ịn paa mu Jizọsị tẹkẹ tẹ ò ḅo ọ̀ fịrịmẹnjịḅọ ḅe gwọ.

Luku 7:3 Iomraidhean Croise

Matiyo 8:5

Jizọsị mẹnjị Kepanọmụ ama ḅio sọ-mu tẹso gbọrụ Romu ḅẹ ọmụ-alaḅọ ori na bịama tẹ ọ̀ tẹkẹm ọ̀ ḅarasụa ọ̀ pịrịị.

Luku 7:2

Anị ama mẹ ḅụ sime Romu ḅẹ ọmụ-alaḅọ fịrịmẹnjịḅọ, tẹ kpọma ọmụ-alaḅọ ḅe ḅụụ yela lama ḅọ, obi tẹ fịị, fịị ḅara simearị, Jizọsị ama mẹ la sakị.

Luku 7:4

Ịn nwẹnị ḅọ tẹ tẹmẹ-la ḅara kẹ Jizọsị tẹkẹ: “Ḅị tomḅọ ḅe mie ị́ sụn ḅarasụa pịrị na-iḅi ḅọ.

Luku 8:41

Anịtẹso ama-warị mẹ ḅio kọrịnama kọrịarị, Jayịrọsị nwẹn-sịn gbọrụḅọ nwẹnị ḅo Jizọsị ḅụọ suku amịna ḅụụ sẹma-kiri-gbin, tẹ ọ̀ tẹkẹ mịnẹ ọ̀ paa ọ̀ warị ḅo,

Luku 9:38

Tẹ gbọrụ owiḅọ nwẹnị inweni-ogbo mẹ ḅio oloku, “Ye-tolumaḅọ, sisi paa ị̀ tụḅọ ḅe ḍiki, ò sikima tẹ à jen tụḅọ iyi-a!

Jọnị 4:47

Tẹ tomḅọ ḅe naam mịnẹ Jizọsị Judiya ḅụ so ḅo Galili la tẹ ḅẹ sakị ori ọ̀ dama-mu tẹ ọ̀ ḅẹẹm mịnẹ ọ̀ Kepanọmụ mu tẹ ọ̀ tụḅọ obi tẹ fịị, fịị ḅara simearị ḅọ ḅe gwọọ.

Filimọnị 1:10

Mie ḅụ àrị Onisimọsị sịḅị ẹrẹsị ị́ ḅara ye ḅiiarị, anie Kịrayịsị ḅụụ ị̀ tụḅọ ḅe; kẹ gotẹ ọkọ ḍukoarị, àrị ikoli ḅio emi ogbo à tẹmẹ anga ḅẹ ḍa sọ ọ̀ pịrịm.