Luku 7:25 - FỊAFỊA BAỊBỤLỤ

²⁵ Ọ́ sụn tiye ḍiki ḅẹ mu? Gẹnị-gẹnị kapa sụa ḅọ mụnọọ? Anị ḅara kẹ ye ḅiri tẹ woso-woso anga kọn-arị apụ, amadapụ warị ḅio mie tomi ini ẹrị ḅarịye!

Luku 7:25 Iomraidhean Croise

2 Samụẹlị 19:35

Mịmgba mẹ ị̀ sịḅị kụra inia si karamam. Àrị inetẹ ḅụụ-ḅẹlẹma ye na, ḅụụ-ḅẹlẹma-a ye na lekiri ḅẹ? Àrị inetẹ à fịarị fịye, anịanịa, à ḅuuarị iru ḅẹlẹ nimi ḅẹ? À paa inetẹ nume-suapụ pọkọ poki ḅẹ? Tiye sịḅị ẹrẹsị yẹrị ị́ fịrịmẹnjịḅọ ḅo ḅụụ kẹ ikuye sọ ị́ pịrị ḅẹ?

1 Amadapụ 10:5

Ọ̀ dẹbịlẹ ọgọnọ in gbana ọ̀ pịrị afịaị ma na ọ̀ fịrịmẹnjị-opuapụ ma angarị awarị ma na, ori afịrịmẹnjị-opuapụ ma lẹgị ọrụtọn ḅara mẹ amadapụ warị mẹ ḅio na, pịkị gbọrụ tọrụ sụa kapa ma tẹ in sụa wararị aị ma na, fịrịmẹnjịapụ ma tẹ ò fịye fị kiri ḅụ ò koru tẹ ò ḍikiḍikiarị apụ ma na, pịkị dọkịma-agba tẹ ọ̀ Tamụnọ-warị mẹ ḅio mịẹ agba ma ẹrị fama tẹso, á nwẹnị ḅụụ-gbiripu tẹ tẹmẹ-naịn-naịn.

2 Amadapụ 1:8

Ịn nwẹnị ọ̀ pakịrị, “Ọ̀ Nama oju ḅẹ isuke kẹ mịẹ opu kapa sụa tẹ nama apara kẹ ò ḅiri ponom.” Ọ̀ nwẹnị ḅẹẹ, “Anie Tisibi ḅẹ Ịlayịja ḅee.”

Ẹsịta 1:11

ịn mu Amadaḅọ ta Vasịtị ọkị-ḅo arị arị ama-da sun sure wararị ogbo mịẹtẹ ori arị iḅi kẹ tomi ma na, sịḅịdapụ ma na ḍie ḅẹ ḅara; gbala ḍiki-tọrụ ḅụ arị iḅim ẹrẹsị.

Ẹsịta 1:3

ọ̀ nwẹnị ori ama-da tẹ tẹra kụra karama kụra ḅụ fịaị sọ sara ori amadapụ awọmẹ na fịrịmẹnjịapụ mamgba na, Pasịya na Midiya na ḅẹ ọmụ-ogbo ma sịḅịdapụ ma na, opu atomi ma na, ori na simearị itu-itu ma ḅẹ ḅẹrẹtọn-apụ ma na pịrị,

Ẹsịta 4:2

gbọrụḅọ-sọ akpụrụ sụatẹ kẹ mẹnjị amadaḅọ ḅe ogigo-ḅọkọ sọ ḅịa ẹrẹsị ò mu mẹnjị amadaḅọ ḅe ogigo-ḅọkọ mẹ sọarị anga mẹ lam.

Ẹsịta 5:1

Tẹrẹị karama ene mẹ ḅụ Ẹsịta nwẹnị arị ama-da ḅiriaị ḅiri tẹ amadaḅọ ḅe ama-da opu warị mẹ ḅẹ kala-ḅio mẹ ḅẹ sara-sime anga mẹ ḅụ amadaḅọ, ḅe opu sara-sime anga mẹ na dama-dama tẹ sịẹsime. Amadaḅọ ḅe ama-da opu warị mẹ ḅio mẹnjị ama-da opu warị mẹ soarị anga mẹ na dama-dama ḅụ ori ama-da emine ọgọnọ lẹgị-sime wararị.

Ẹsịta 8:15

Anịtẹso Mọdịkaya nwẹnị Amadaḅọ ḅe tọrọkọ bulo-bulo tọrụ na, pịna-pịna tọrụ na sụa amadapụ vọrọrọ-akapa ma sụa, gburo-gburotẹ golu-golu ama-da sun sure tẹ pọpụlụ nwẹn-sịn tọrụ sụa iḅi lọkọ-ḅịtẹ kẹ mie ḅara finji tẹ opu kapa sụa tẹ mẹnjị paka, Suza opu ama mẹ nwẹnị oloku-oloku tẹ ḍerekum.

Ayịzaya 59:17

Ò tomḅọ la kiri kẹ mḅọ pịrị kẹ ọmụḅọ kapa sọma tẹ sụa ḅa, tẹ owu-ḅara-iḅi nwẹnị ọmụḅọ okpoko-sun sọ ọ̀ pịrị ḅa. Ḅio tọn kụrọma tẹ ye kẹ kura ḅara ḅụ wẹrị ọ̀ kapa sọ ḅa, tẹ nwẹnị fomu-ḅara kẹ iri ḅara kẹ kịnị kẹ tọrụsiẹrịarị apụ ma pịrị.

Matiyo 11:8

Ọmịnị ẹrị ḅẹ tẹ paka mu ye ḅọrọ tiye? Lọkọ-ḅịtẹ kapa ḅiri ḅọ mụnọọ? Anị ḅara kẹ ye ḅiri apụ ma amadapụ awarị ḅio mie kịnị ini ẹrị-ẹrị yee.

Matiyo 3:4

Nambulo ḅe oju ḅẹ isuke anie ịn kẹ Jọnị kapa ḍori yee; tẹ nama oju ḅẹ apara mie ọ̀ kẹ ò ḅiri pono yee, anịsakị ọ̀ fị-fị fịye anie ịn kẹ igurube nwẹn-sịn akịdị na piri-ḅio-ḅẹ ḅẹm na.

Matiyo 6:29

Kụma yẹrị ọ́ ḅẹẹarị, mịnẹ Ama-da Sọlọmọnị, ọ̀ kọn sara ngọ mamgba ḅụ sọ, ọ̀ sụa kapa amụ iḅi mịna afịlawa ma na gbasị-a.

Luku 16:19

“Gbọrụ sakị gbọrụ ngọ-kọnḅọ simem, tẹ kpọma ye la ḅụratẹ ḅiriaị ḅiri, ḅiri tẹ pịkị kpọma woso-woso ḍumo kọnm ene ḅaa ene, ḅaa ene.

Luku 7:24

Jọnị oku-mẹnjịapụ ma so tẹso, Jizọsị nwẹnị ò gboloma ye ḍuko tomi ma pịrị: “Ịkpa mẹ ḅio ó tiye ḍiki ḅẹ mu? Ọ́ fẹrụ asịra jikearị ye ḍiki ḅẹ mu mụnọọ?

Luku 7:26

Ó ḍuko ị̀ pịrịị, ó gbeke tiye ḍiki ḅẹ mu? Ịkịankoroḅọ ḅarị ya? Inn, ọkọ kụma ịkịankoroḅọ nẹngị ḅọ mie ọmịnị ẹrị ḅọ.