Luku 7:24 - FỊAFỊA BAỊBỤLỤ

²⁴ Jọnị oku-mẹnjịapụ ma so tẹso, Jizọsị nwẹnị ò gboloma ye ḍuko tomi ma pịrị: “Ịkpa mẹ ḅio ó tiye ḍiki ḅẹ mu? Ọ́ fẹrụ asịra jikearị ye ḍiki ḅẹ mu mụnọọ?

Luku 7:24 Iomraidhean Croise

Suku-saakị 49:4

Minji gbọrụ ḅara sime-a ḅara ị́ nwẹn sime ḅa, ị́ mịẹye ḅụ sọ tẹịn ḅọ sọ ḅịa, gbala ị́ ị́ ḍa monoye kpọlịm ẹrẹsị, anịtẹso ị́ anị pilemam, ị́ anị mangịma-a!

Luku 1:80

Tụḅọ ḅe nwẹnị ḍụḅa paka ḅo, oju ḅụ na tẹmẹ ḅụ na. Ịkpa ḅio anie ori anga nwenii tẹ ọ̀ ḅụụ-pakama Izirẹlị ḍie ene la ye.

Luku 3:2

tẹ Anasị na Kayafasị na anie Sịḅịda-Agbamịẹapụ. Anị gbọrụ sakị mẹ ḅụ Tamụnọ ẹkwẹn tẹ kẹ Jọnị, Zẹkaraya tụḅọ ḅe pịrịm ịkpa mẹ ḅio.

Luku 7:23

Ị̀ ḅụụ ḅụ ḅio-maaịn-tọn nyana-a apụ ma ịn kpọma boma tẹẹ!”

Luku 7:25

Ọ́ sụn tiye ḍiki ḅẹ mu? Gẹnị-gẹnị kapa sụa ḅọ mụnọọ? Anị ḅara kẹ ye ḅiri tẹ woso-woso anga kọn-arị apụ, amadapụ warị ḅio mie tomi ini ẹrị ḅarịye!

Jọnị 1:23

Jọnị nwẹnị Ịkịankoro Ayịzaya ḍiri ḅio paka-ḅo ye kẹ pakịrị: “Yẹrị anie ịkpa ḅio sime tẹ olokuarị ḅọ ḅe pọkọ mẹ: Ọ́ KỊNỊNYANAḄỌ ḅe mẹnjị-ḅọrọ ḅarị etela mẹ mịẹ gono-gonomaa!”

Ẹfisọsị 4:14

Anịsakị wa ḅarị ḍọkọḍọkọ kala awọmẹ kịka tẹ tomi ḅịḅị finji tẹ ḍuko ye ḍuko ye, ọnụngọ na fẹrụ na sọ tẹ wa kẹ gbin ama-ḅara na ere-ḅara na da ḅịa, anie oḅori kẹ kịnị sịn ye tolumapụ, tẹ ịna aka na epele na ḅụ ja apụ da irimarị apụ ma kuroma ḅoarị aị ma.

2 Pita 2:17

Mịna atomi ma in minji fa kpalịkpalịtẹ ngụngụḅa na kịkarị ẹrẹsị fẹrụ gala-galamatẹ oḅuto ọkụ; Tamụnọ kpiti tẹịn kanakana ḅio ḅụ sime-yọ tẹlẹma ịn pịrị tẹ.

2 Pita 3:17

Kụma ọmịnị, ì ikiapụ ma, miemẹ ó nimi kụra-ḅio iḅerea. Ọkọẹrẹsị, ọmịnị ẹbịị, mịẹtẹ ḅiotọn aị, tọn aị mịẹarị atomi ḅarị kura-a aị ḅụ ọ́ mịẹtẹ ọmịnị ọ́ sịẹ wararị karakara kiri mẹ ḅụ ḅịkị so ḅịa ḅara.