Luku 7:22 - FỊAFỊA BAỊBỤLỤ

²² Ọ̀ Jọnị oku-mẹnjịapụ ma pakịrịm, “Ọ́ pịkịma-so tẹ ọmịnị ẹrị ye na ọ́ naa ye na ḅẹlẹma Jọnị pịrịị: tọrụngbọ-pụụntẹ-apụ inetẹ ye ẹrịarị; ekeliapụ sakị iḅima mẹnjị tẹẹ; sofịnị-obi-kọnapụ gwọọ tẹẹ; ḅeri-iningiapụ sọ iḅiọkụ ye naa tẹẹ; fịtẹ-apụ sọ fịị ḅụ saakịarị; igoin-apụ sọ iḅi-oku mẹ naa tẹẹ.

Luku 7:22 Iomraidhean Croise

Jobu 29:15

Yẹrị anie tọrụngbọ-pụụntẹ-apụ ma atọrụngbọ, pịkị ekeliapụ ma aḅụọ.

Devidi-Anume 146:8

tẹ mịẹ tẹ tọrụngbọ-pụụntẹ-apụ ye ẹrịarị. Ọ̀ ḅịkị tẹ apụ nụnụ saakịarị; ori ori atomi tẹ karakaraye-mịẹapụ ma ḅẹlẹmarị.

Ayịzaya 42:16

“À tọrọkọ tarị tẹ ị̀ atọrụngbọ-pụụntẹ-apụ kẹ jene-jene amụ ịn ḅọrọ ye mu-a etela ḅụ ḅọrọ ḅa. Arị ịna kanakana kẹ bele sọma tẹ gbima-gbima amakiri mẹ mịẹ miniminima ḅa ịna tọrọkọ. Ma ma mie à minini aị ma, tẹ gbarị-a ḅara ḅụ arị arị mịẹ ḅa.

Ayịzaya 43:8

Tamụnọ mẹẹ: Ị̀ atomi sịn ḅẹrẹkọn ḅoo!; ịn tọrụngbọ nyana wararị, kụma in ye ẹrị-a; in ḅeri nyana wararị, kụma in ye-naa-a.

Jerimaya 31:8

Arị ini ọkị-ḅo ḅa ọgọnọ-jụ mẹ ḅụ tẹ in kobiri ḅa tomikiri mẹ akunoma ḅụ. Tọrụngbọ-pụụntẹ-apụ na ekeliapụ na ịna ḅụ sọ tẹ ḅo ḅa, furatẹ-ereme na iyi ḅẹ-yearị apụ na. Ini opu sịẹ ḅara kẹ pịkị-ḅo ḅa.

Zẹfanaya 3:12

Anị anga ḅụ à ḅụụ-lẹgịmarị simini atomi kẹ koroma ḅa, ḅarasụa gotẹ ị̀ ḍọkụma-ḅo ḅẹ apụ.

Matiyo 11:5

tọrụngbọ-pụụntẹ-apụ inetẹ ye ẹrịarị, ekeliapụ inetẹ mẹnjịarị, sofịnị-obi-kọnapụ ma gwọọ fịafịarị; ḅeri-iningiapụ ye naarị, ịn fịtẹ-apụ saakịmarị fịị ḅụ, tẹ ịn pịkị Iḅi-oku mẹ ḍuko igoin-apụ pịrịarị.

Matiyo 21:14

Tọrụngbọ-pụụntẹ apụ na ekeliapụ na ọ̀ dama-ḅo tẹ ori ịn gwọm Tamụnọ-warị mẹ ḅio.

Luku 4:18

“KỊNỊNYANAḄỌ ḅe Tẹmẹ ḅe ị̀ ọgọnọ emi, ori ị̀ sẹlẹ-ọkị tẹ àrị iḅi-oku mẹ ḍuko igoin-apụ ma pịrị ḅẹ ẹrẹsị. Ori ị̀ fịrịmam à mu ḍuko kun-ḅara ḅio sime apụ ma pịrị mịnẹ ịn paka-ḅo ḅa, pịkị tọrụngbọ pụụn tẹ apụ ma ḅẹẹ mịnẹ ịn ye ẹrị ḅa, ja apụ ponomarị apụ ma sọ pụkọ-pakaḅo ḅa.

Luku 7:21

Anị gbọrụ sakị mẹ ḅụ Jizọsị tọnwa tomi gwọm ịna kịrị-kịrị obi ḅụ, pịkị si-tẹmẹ ḅụụ ḅio sime apụ na. Ọ̀ pịkị tọnwa tọrụngbọ-pụụntẹ-apụ mịẹ tẹ ịna atọrụngbọ ye ẹrịm.

Luku 7:23

Ị̀ ḅụụ ḅụ ḅio-maaịn-tọn nyana-a apụ ma ịn kpọma boma tẹẹ!”

Jọnị 1:46

Tẹ Natanịyẹlị nwẹnị gbela, “Nazarẹtị ḅụ sọ iḅiye inetẹ paka-ḅo ḅẹ?” Filipu nwẹnị pakịrị, “Ḅo tẹ ẹrị.”

Fịrịmẹnjịapụ 26:18

Í mu ịna tọrụ finji ḅa; ị́ pịkị kanakana ḅụ ịn da pịkị bele ḅio suu ḅa, tẹ Ekwesu kụrọ ḅụ ịn pakama-ḅo Tamụnọ pịrị ḅa, anị sakị ini ị̀ ḅụụ nyana ḅarị minini mịẹtẹ, Tamụnọ ịna asi mamgba wẹrịso ịn pịrị tẹ ini in sime na-iḅi kiri la ḅa Tamụnọ sẹlẹ-ọkị tẹ atomi ma ogboku.’

Fịrịmẹnjịapụ 8:7

Si-atẹmẹ tọnwa atomi ḅụụ ḅio sime tẹ oloku-ma paka-som; anịsakị ngụrọ-kọnapụ na ekeliapụ na ḅẹ tọnwa apụ sọ gwọm.

Jemụsị 2:5

Ị̀ iḅi amịnapụ, ó pokii! Tamụnọ mị tomikiri mẹ ḅẹ igoin-apụ ma sẹlẹ-ọkịm, in ḅo minini ngọ-kọn tẹ ò minini ọ̀ ḅẹlẹma apụ pịrị Ama mẹ nyana.