Luku 7:21 - FỊAFỊA BAỊBỤLỤ

²¹ Anị gbọrụ sakị mẹ ḅụ Jizọsị tọnwa tomi gwọm ịna kịrị-kịrị obi ḅụ, pịkị si-tẹmẹ ḅụụ ḅio sime apụ na. Ọ̀ pịkị tọnwa tọrụngbọ-pụụntẹ-apụ mịẹ tẹ ịna atọrụngbọ ye ẹrịm.

Luku 7:21 Iomraidhean Croise

1 Amadapụ 8:37

“Ịnụ anịanịa ama-gbaịn-si-obi, anịanịa obi ḅara-ḅara ama mẹ koro, anịanịa ị́ atomi ma na fịya-a apụ owu kẹ ịna opu ama ma ḅẹ gberie paka, anịanịa erise fẹrụ fie, anịanịa igurube, anịanịa amụ pamba-sụa-a ẹpẹrụmẹrụgụ ḍiḅi tẹ so-pakarị afịaị ma ḅaa fama sakị,

Lẹvitikọsị 14:48

“Kụma agbamịẹḅọ ḅe ịn warị mẹ mịẹ miniminima tẹrẹmẹ ḅo warị mẹ ḍọkị ḍiki tẹ obi mẹ siin paka-ḅo tẹ wasama-a ḅẹḅẹ, anịrẹ agbamịẹḅọ ḅe ḍuko-pakama ḅa warị mẹ fịafịa tẹ, kẹ gotẹ ọkọ ḅẹẹarị, obi mẹ gwọọ tẹ.

Matiyo 4:23

Jizọsị mu Galili ikelema-koro ḅụ sime ama-awarị ma ḅio ye-toluma tẹ pịkị Tamụnọ ama-da tẹ ḅẹrẹtọn-arị mẹ ḅẹ Iḅi Oku mẹ ḍuko ma-ḅọrọm, tẹ pịkị kịrị-kịrị ḅụụ kụrọ-a apụ na obi apụ na gwọm.

Matiyo 4:24

Ò gboloma ye mu bebe Siriya sịẹ mẹ kana-korom, miemẹ mịẹtẹ ịn nwẹnị obi apụ mamgba kẹ mu ọ̀ la, obi mẹ sime-ḅara, sime-ḅara sọ — oru sịḅị ḅio sime apụ-o, ịsịla-obi kọn apụ-o, ngụrọ-kọnapụ-o, tẹ Jizọsị nwẹnị inimgba gwọ.

Makị 3:10

Ọ̀ tọnwa-apụ gwọ tẹ anị ḅụ, obi apụ mamgba puu, puu sọ mum, ḅara kẹ ọ̀ lama ḅẹ ḅara.

Makị 5:29

Á nwẹnị ḅara kẹ ori ọgọnọ ḅẹ kapa lama, tẹ á ḅụụ ḅio sara paka-ḅo sime ọmbie mẹ nwẹnị anị gbọrụ kiri daasịẹ; tẹ á nwẹnị á ḅụụ ḅio ḅụ nimi mịnẹ á ḅụụ-fụkama sime obi mẹ ḅụ á gwọ tẹ.

Makị 5:34

Jizọsị nwẹnị á ḅẹẹ, “Ị̀ ndụḅa, ị́ nyana minini mịẹtẹ í oju iḅi tẹ. Dein na soo, tẹ ị́ ḅụụ-fụkama sime obi mẹ ḅụ gwọọ.”

Luku 7:20

In ḅo Jizọsị la tẹso, ịn nwẹnị ḅẹẹ; “Minji-sara Jọnị mẹẹ wa ì gbela, ị́yẹrị anie ḅo ḅẹ tẹ ò ḍuko ḅọ ḅe mụnọọ wa paa jụmọ ḍiki ḅẹ?”

Hiburu 12:6

Kẹ gotẹ ọkọ ḍukoarị, KỊNỊNYANAḄỌ ḅe daa-karakaramarị ḅọ goḅọ-goḅọ anie ọ̀ ḅẹlẹmarịḅọ, tẹ ọ̀ pịkị fomu-ḅara kẹ ọ̀ kẹ tụḅọ ọkị ḅọ, ọkị ḅọ pịrịarị.”