Luku 7:2 - FỊAFỊA BAỊBỤLỤ

² Anị ama mẹ ḅụ sime Romu ḅẹ ọmụ-alaḅọ fịrịmẹnjịḅọ, tẹ kpọma ọmụ-alaḅọ ḅe ḅụụ yela lama ḅọ, obi tẹ fịị, fịị ḅara simearị, Jizọsị ama mẹ la sakị.

Luku 7:2 Iomraidhean Croise

Suku-saakị 24:27

tẹ ḅẹẹ, “Boma sime KỊNỊNYANAḄỌ ḅe pịrịị, anie ị̀ sịḅịdaḅọ Ebira-amụ tẹkẹarị Tamụnọ ḅe tẹ amịna jike-a ḅẹlẹma ḅụ ḅioḅẹngbọ-kẹ-sịrẹrẹ-niḅi ḅara kẹ ò mininiye mịẹ ị̀ sịḅịdaḅọ pịrị tẹ ḅọ ḅe. Yẹrị kụma KỊNỊNYANAḄỌ ḅe etela mẹ kẹ ì ḍie ḅo ị̀ sịḅịdaḅọ ḅe amịnapụ warị la tẹ.”

Suku-saakị 35:8

Tẹ Dibora, Ribeka dogi ḅọ ma fịịm, tẹ ini á kẹ Bẹtẹlị ḅụ suku-jụ da pakịrị anga ḅụ oku nwẹn-sịn opu sịn suku ḍiḅim; mie ḅụ ini ẹrẹ kẹ anị sịnm Alọnị-bakutu.

Jobu 31:5

À nwẹnị ofori-ofori etela mẹnjịm, tẹ ị̀ ḅụọ oḅori-kẹ-kịnịsịn mẹnjị ḅụ sarasara tẹ ḅẹḅẹ —

Egberima-Ẹkwẹn 29:21

Ị́ kala-sakị ḅụ ị́ fịrịmẹnjịḅọ ḅii-ye ḅii-ye kẹ ọ̀ pịrị tọrọkọ-tọrọkọ muarị ḅẹḅẹ, gbọrụ ene ḅụ ọ̀ gbọrsịḅị ị̀ nyana ye nyana ye ọkị ò nye sọma ḅa.

Matiyo 27:54

Ọmụ-alaḅọ ḅe na ori na sime ọmụapụ ma na, tẹ Jizọsị koru sime apụ ma, kiri jike ye mẹ na, paka jen ye goyegoye ẹrị tẹso, ịn ḅalafa lama tẹ ḅẹẹm, “Karakara-ḅara-ḅụ ḅieḅe anie Tamụnọ Tụḅọ!”

Luku 23:47

Ọmụ-alaḅọ ḅe paka ye mẹ ẹrị tẹ Tamụnọ boma tẹ ḅẹẹm, “Karakara yee, ḅị tomḅọ ḅe iḅi tomḅọọ!”

Luku 7:1

Jizọsị ma ẹkwẹn mamgba kọn tomi ma pịrị fama tẹso ọ̀ nwẹnị Kepanọmụ mu.

Luku 7:3

Ọmụ-alaḅọ ḅe Jizọsị gbolomaye naa tẹso, ọ̀ nwẹnị Juu-ḅẹ omongiapụ fịrịma, mịnẹ ịn paa mu Jizọsị tẹkẹ tẹ ò ḅo ọ̀ fịrịmẹnjịḅọ ḅe gwọ.

Luku 8:42

ọ̀ tụḅọ oyi maa kụra finji sịḅị ḅụ ḅọrọtẹ kpọkpọ gbọrụ ẹrẹḅọtụḅọ, obi fịịarị ẹrẹsị. Jizọsị mẹnjị muarị sakị anga-anga ḅụ tomi ma ḅo ọ̀ bịan-arị.

Fịrịmẹnjịapụ 10:1

Anị sakị ḅụ Romu ḅẹ ọmụ-ogbo tẹ ịn kẹ “Italị Ọmụ-ogbo” sịn ye mẹ sịḅịdaḅọ, Kọnilọsị nwẹn-sịn ḅọ simem Sizariya ḅụ.

Fịrịmẹnjịapụ 10:7

Enjẹlị ḅe so tẹso, Kọnilọsị nwẹnị ọ̀ warị ḅẹ fịrịmẹnjị maa apụ na ò suku-ḅio sime, Tamụnọ nimi wararị tẹ ò ḍikiḍikiarị apụ ma ḅẹ gbọrụ ọmụḅọ na, sịn tẹ

Fịrịmẹnjịapụ 22:26

Ọmụ-alaḅọ ḅe miemẹ naa tẹso, ọ̀ nwẹnị mu sịḅịdaḅọ ḅe gbela, “Í tiye mịẹ ḅẹ ḍọkịarị? Anị ḅọ ḅe Romu furo-tụḅọ!”

Fịrịmẹnjịapụ 23:17

Pọlụ nwẹnị ọmụ-alapụ ma ḅẹ gbọrụḅọ sịn tẹ ọ̀ ḅẹẹ, “Sisi, ḅị tụḅọ ḅe kẹ sịḅịdaḅọ ḅe dama-muu, ò ye ḍuko ọ̀ pịrị ḅẹ-ḅiiarị.”

Fịrịmẹnjịapụ 27:1

In ḅo wa kẹ Italị fịrịma ḅẹ ye ḍuko pẹlẹ tẹso ịn Pọlụ na ja ikoliapụ na saḅama Julịyọsị nwẹn-sịn ọmụ-alaḅọ pịrịm, ori anie Romu ḅẹ apụ gbọrụ ọmụ-ogbo tẹ ịn kẹ Romu Tomikiri mẹ daarị ḅọ ḅe ọmụ-ogbo sịn ye mẹ sịḅịdaḅọ.

Fịrịmẹnjịapụ 27:3

Anị ḅẹ ene-ḅaa ḅụ wa ḅo Sayịdọnị la tẹso, Julịyọsị kẹ Pọlụ ọkị iḅi ḅara gotẹ, ọ̀ nwẹnị minini ọ̀ pịrị mịnẹ ò koro mu ori ikiapụ la tẹ ịna ḅara ọ̀ ḅụụ-fụkamarị aị ọkị.

Fịrịmẹnjịapụ 27:43

Kụma ọmụ-alaḅọ ḅe Pọlụ ḅọrọma ḅẹ ḍọkịarị gotẹ minini ịn pịrị-a. Anie nakara ori okin ḍin apụ ma ḅẹẹm ini tarị minji koro tẹ okin mu kpongbo kpọlịị;

Kọlọsị 3:22

Omoniapụ, ye mamgba ḅụ ó tomikiri ḅụ ọ́ nyanapụ ma ḅịḅị pokii, ini ọmịnị ẹbịarị sakị ḅụ kịngẹ-a, mịẹ ịna tọrụ da tẹ ini ó tokini ḅẹ ẹrẹsị; kụma ọ́ karakara ḅioḅẹngbọ ḅụ anị mịẹ, ọ́ nyana KỊNỊNYANAḄỌ ḅe pịrị mangịma gotẹ.