Luku 7:19 - FỊAFỊA BAỊBỤLỤ

¹⁹ fịrịma mịnẹ in mu KỊNỊNYANAḄỌ ḅe gbela, “Ḅo ḅẹ tẹ Jọnị ḍuko ḅọ ḅe mụnọọ wa paa jụmọ ḍiki ḅẹ?”

Luku 7:19 Iomraidhean Croise

Suku-saakị 22:18

tẹ í furo-ḅẹ-apụ ḅụụ ḅụ mie tomikiri ḅẹ opu asịẹ mamgba boma nyana ḅarịye — gbala ị́ ị̀ ḅịḅịpokim ẹrẹsị.”

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Suku-saakị 49:10

Ama-da mkpara mẹ Juda ḅụ sikima ḅịa, anịanịa ḅẹrẹtọnḅọ ḅụụ da mkpara mẹ ò furo-ḅẹ-apụ ḅụ so, nwenii sịẹ, sịẹ igbigi oso-oso ọ̀ pịrị ḅa; anịsakị tomi-kụlọkụlọ ma ọ̀ ḅịḅị poki ḅa.

Ayịzaya 11:1

Devidi ama-da ọrụ mẹ kịkarị ye anie pẹlẹ gbin tẹ opu sịn; kụma ịwọ sịn-ḅara suku mẹ ḅụ so-pakarị gbọrụ ḅara mẹ anie Devidi furo-ḅẹ-apụ ma ogboku ịwọ amadaḅọ saakị paka-ḅo ḅarị ḅara.

Ayịzaya 7:14

Ọkọ ḅẹḅẹ iḅim, KỊNỊNYANAḄỌ ḅe ḅioju ḅarana elekima kẹ í ḍie ḅa; iriawọ-tụḅọ tẹ fura wararị ḅọ ma owiḅọtụḅọ iyi tẹ Ịmanụwẹlị kẹ ọ̀ sịn ḅa.

Mayịka 5:2

KỊNỊNYANAḄỌ ḅe mẹẹ, “Kụma yei Ị́yẹrị Bẹtịlịhẹmụ, Ẹfịrata ḅẹ kala-ama, Juda opu sịẹ mẹ ḅụ ị́yẹrị ịrụ tẹịnm, kụma í ḅio mie gbọrụḅọ tẹ Izirẹlị ḅụ ḅẹrẹtọn ḅarị ḅọ ḅe paka-ḅo ị̀ pịrị ḅarịye; ori atẹngịapụ ma elemu aḍapụ ma ḅụụ saakịm elemu sakị ḅụ.”

Hegayị 2:7

À sịẹ-sịẹ mamgba pịkị-ḅo ḅa, tẹ ini ịn nyana aị ma kẹ mị yọọ ḅo ḅa, tẹ ngọ Tamụnọ-warị mẹ ḅio ḅin ḅa.

Zẹkaraya 9:9

Zayọnị ḅẹ apụ, ó ḍerekuu, ó ḍerekuu! Ọmịnị Jeruselemu ḅẹ apụ, ó ḍereku ḅụ olokuu! Ḍiki, ọmịna amadaḅọ ọ́ ḍọkụma-ḅoarị! Ò karakaraye mịẹ ḅọ pịkị owu-ḅara-iḅiḅọ ḅara kẹ ḅoarị, kụma ḅụụ-lẹgịma tẹ kala asụ kẹ mẹnjịarị asambịrịma ye ọgọnọ, ịwọ asụ.

Malakayị 4:2

Kụma ọmịnị ị̀ ḅịḅị pokiarị apụ ma, ọmịnị karakaraye-mịẹapụ mẹ ḍuko-wasamarị ịrụa mẹ obi-gwọọ kụrọ kẹ saakị tẹ ḅịya ọ́ sarama ḅara. Ó kiki ofori ḅara kẹ ḅioḅẹlẹ ḅa, asambịrịma anama koko-yọ ḅụ ịn pakama-ḅo tẹ mịẹ-mịẹ ḅara pembe ḅara.

Makị 6:7

Ori ò Ḍukamẹnjị Oyi Maa apụ Finji ma sịn kobiri tẹ ịn fịrịma pakamam, maa apụ maa apụ. Ò si-atẹmẹ nẹngịma kụrọ kẹ ịn pịrịm

Luku 10:1

Anịtẹso Jizọsị nwẹnị jen kịnị atesi oyi finji na maa apụ na sẹlẹ-ọkị, tẹ maa apụ, maa apụ kẹ tọrọkọ tarị ò mu ḅẹ ama, ama na, ọ̀ la ḅẹ anga, anga na fịrịma.

Luku 11:1

Gbọrụ ene ḅụ, ḅụ Jizọsị mu gbọrụ anga sime tẹ tẹkẹ fama tẹso, ò ḍukamẹnjịapụ ma ḅẹ gbọrụḅọ ọ̀ ḅẹẹm, “KỊNỊNYANAḄỌ, Jọnị tẹkẹ kẹ ò ḍukamẹnjịapụ toluma ḅara ị́yẹrị sọ tẹkẹ kẹ wa tolumaa.”

Luku 11:39

Mie ḅụ KỊNỊNYANAḄỌ ḅe nwẹnị ọ̀ ḅẹẹ, “Mịọkụ ọmịnị Farịsiiapụ, ọmịna akọpụ ma na ẹfẹrẹ ma na ọḅụjụ mịẹ ọ́ kẹ ye sịn tẹ sịkịrị, sịkịrị ye, kụma ọmịna aḅụụ ḅio ḅụ ọ́ ḅụrụ kọsị wararị, kụrọ-kụrọ amịẹaị na, si na, ọmịna aḅụụ ḅio ḅin wararị!

Luku 12:42

KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Luku 13:15

KỊNỊNYANAḄỌ ḅe nwẹnị ọ̀ pakịrị, “Ọmịnị mịẹ tomi ḍie apụ! Ọmịna ḅụ tụḅọ Ịnyọsara-Ene mẹ ḅụ amịna nambulo, anịanịa asụ, fima tẹ kẹ paka mu tẹ ò minji ḅuu ḅịa?

Luku 17:5

Fịrịmẹnjịapụ ma nwẹnị KỊNỊNYANAḄỌ ḅe ḅẹẹ, “Wa nyana minini nẹngị ye kẹ wa pịrịị.”

Luku 17:6

KỊNỊNYANAḄỌ ḅe nwẹnị pakịrị, “Ọmịna minini ịrụ mọsịtadị mgbọlị na gbasị sọ, ọ́ sịẹ wararị sịn ḅẹẹ mịnẹ anị suku-na-suku-na saakị mu tọrụ koro, tẹ anịanga sịẹsime ḅẹẹ kụma, anị ọ́ ḅẹẹ ḅara mịẹ ḅa.

Luku 18:6

Tẹ KỊNỊNYANAḄỌ ḅe nwẹnị pịkị ḅẹẹ, “Anị si ḅẹrẹkọnḅọ ḅe ḍuko ye mẹ pokii.

Luku 19:8

Zakịyọsị nwẹnị saakị sịẹ tẹ KỊNỊNYANAḄỌ ḅe ḅẹẹ, “Ị̀ nyanaḅọ, ì pokii! À nyana aị mamgba à kẹ maa anga ḍie tẹ gbọrụ anga kẹ igoin-apụ pịrị ḅa, à pịkị inoma ḅara kẹ ḅara ḅụ ye ọkị ḅọ emi-emii àrị anị ḅẹ inia akiri kẹ mḅọ gbẹẹ ḅa.”

Luku 22:61

KỊNỊNYANAḄỌ ḅe nwẹnị vuunma pịkị tẹ bio-bioma Pita ḍiki, tẹ Pita nwẹnị KỊNỊNYANAḄỌ ḅe kẹ ọ̀ ḅẹẹ ye mẹ kẹ ḅiokoroma, “Tẹrẹmẹ ọḅọkọ paan mị ḍin, ị́ tẹra sakị kẹ í ì nimim mẹ pịkị ḅa.”

Luku 24:34

tẹ in ḍukoarị, “Karakara ye KỊNỊNYANAḄỌ ḅe ọ̀ saakị tẹẹ! Ọ̀ pịkị ḅụụ kẹ Sayịmọnị ḍie tẹẹ!”

Luku 7:13

KỊNỊNYANAḄỌ ḅe árị ẹrị sakị ori á ḍiki tọrụ-kụrụkụrụ lamam. Tẹ ọ̀ nwẹnị á ḅẹẹ, “Owu ma, ị́ na.”

Luku 7:20

In ḅo Jizọsị la tẹso, ịn nwẹnị ḅẹẹ; “Minji-sara Jọnị mẹẹ wa ì gbela, ị́yẹrị anie ḅo ḅẹ tẹ ò ḍuko ḅọ ḅe mụnọọ wa paa jụmọ ḍiki ḅẹ?”

Jọnị 11:2

(Ma Meri ma anie sẹntị kẹ KỊNỊNYANAḄỌ ḅe aḅụọ ọgọnọ ḅama sara, tẹ nwẹnị pịkị á sịḅị-ḅẹ-inume kẹ arị sin ḅọ ma. Árị iyimbere Lazarọsị mie obi ye.)

Jọnị 4:1

Farịsiiapụ ma nwẹnị naa mịnẹ Jizọsị ḍukamẹnjị tẹ ò minji kẹ sara tẹ apụ Jọnị jụ ḅẹ apụ nẹngị tẹ.

Jọnị 4:25

Ẹrẹḅọ ma nwẹnị ọ̀ ḅẹẹ, “À nimim Mẹsaya ḅe ḅo ḅa. Ò ḅo sakị ò ye goyegoye ḍuko wa pịrị ḅa.”

Jọnị 6:23

Tayịberiyasị ḅụ ḅo ja arụ nwẹnị KỊNỊNYANAḄỌ ḅe ịmịẹtẹ kẹ Tamụnọ ḅẹẹ tẹ fịturu kẹ tomina-ogbo mẹ pịrị fị anga mẹ na kpeki pọkụ ḅụ sọma.

Jọsụwa 2:1

Jọsụwa, Nọnị owiḅọtụḅọ ḅe nwẹnị ḅọị ḅara ḅụ Sitimu ḅụ maa owiapụ kẹ fịrịma furu ḅara kẹ ama ḍiki apụ ḅara ḅụ ḅẹẹarị, “Ó mu ama mẹ ḍikii, jen-a jen-a Jeriko.” Ịn mum, tẹ nwẹnị ḅo gbọrụ sẹfị ẹrẹḅọ in Rehabụ kẹ ẹrẹ kẹ sịn ḅọ ma warị ḅio sọ, tẹ anịjụ sime.

Mịẹfinji 11:3

Arị ì ḅẹrẹ-kiri sime maa apụ kẹ fịrịma ḅa, akpa mie in ḅiri ḅarịye, tẹ ịn Tamụnọ oku mẹ ḍuko wasama ḅa, arị aḍin tẹra ẹndẹ tesi finji ma ḅụ.”