Luku 7:16 - FỊAFỊA BAỊBỤLỤ

¹⁶ Ḅalafa nwẹnị inimgba ḅụụ ḅio sọ, tẹ ịn nwẹnị Tamụnọ tokini, ḅẹẹ mịnẹ, “Opu ịkịankoroḅọ paka-ḅo tẹ wamịna ogboku! Tamụnọ ori atomi ḅọrọma ḅẹ ḅo tẹ.”

Luku 7:16 Iomraidhean Croise

Devidi-Anume 65:9

Í eene kẹ fịrịma tẹ ḍie pakamarị mịnẹ kiri mẹ ḍikiḍikiarị; ị́ mịẹ tẹ anị iḅiọkụ fịaị pakamarị. Piri ọgọnọ ḅẹ atọrụ ma ḅụ í minji sụa ḅinma tẹ; tẹ ị́ mịẹ tẹ kiri mẹ fịaị pakamarị. Mie ị́ wẹrị anị kọrịarị ḅara:

Paka-so 4:31

Tomi ma nwẹnị minini; tẹ ịn naam mịnẹ KỊNỊNYANAḄỌ ḅe ḅo toluma Izirẹlịapụ ma ḍiki tẹ anịsakị ori ịna tọrụsiẹrị ẹrị tẹ nwẹn ḅẹẹ ye ḅụ ịn nwẹnị ịna sịḅị-tuu tẹ sunsin Tamụnọ pịrị.

Jerimaya 33:9

Jeruselemu ḅo ḍereku dogi-ḅoarị yọ na kụn kẹ ḅụụ-tọn-arị yọ na sọ ị́ pịrị ḅa; tomikiri mẹ ḅio sịẹ goyegoye ḅalafa tẹ oju-sẹkị ḅa ini à mịẹ Jeruselemu pịrịarị iḅi aị ma na àrị ọkị-ḅo opu ama mẹ pịrịarị lọkọlọkọ na gboloma ye naa sakị.”

Matiyo 15:31

Tomi ma ḅo oḅu amẹẹ ma ẹkwẹn-arị ye na, ngụrọ-kọnapụ ma gwọ ye na, ekeliapụ ma mẹnjịarị ye mẹ na, tọrụngbọ pụụn sime apụ ma ye ẹrịarị ye mẹ na, ẹrị tẹso ịn ḅụụ-bua tẹ, Izirẹlịapụ tẹkẹarị Tamụnọ ḅe tokinim.

Matiyo 21:11

Tomina-ogbo-ogbo ma nwẹnị pakịrị, “Ḅieḅe anie ịkịankoro Jizọsị ḅe, tẹ Galili ḅẹ ama Nazarẹtị ḅụ sime tẹ ḅo ḅọ ḅee!”

Matiyo 28:8

Mie ḅụ ịn nwẹnị fọnya, fọnya ḍuḅu mẹ koroma so, ịn paa ḅalafaarị sọ, ḅioḅẹlẹ ịna ḅụụ sọ ḅinm, tẹ ịn nwẹnị mangị mu ye mẹ ḍuko Jizọsị ḍukamẹnjịapụ ma pịrị.

Matiyo 9:8

Tomi ma paka ye mẹ ẹrị sakị ịn ḅalafa tẹ Tamụnọ tokinim, ọ̀ kẹ tomi pịrị kụrọ gotẹ.

Luku 1:65

Ḅalafa anịjụ anga apụ mamgba ḅụụ ḅio sọm, tẹ anị gboloma ẹkwẹn bebe Judiya ḅẹ tụndụ mẹ ọgọnọ sime ama mamgba kana korom.

Luku 1:68

“Ó yee wa KỊNỊNYANAḄỌ, Izirẹlịapụ tẹkẹarị Tamụnọ ḅe tokini! Ọ̀ ḅarasụa ori atomi pịrị ḅẹ ḅo tẹ, ori ịn ḅọrọma tẹ.

Luku 19:44

Ini ị́ kan sara fama tẹ í ḅio sime atomi mamgba ḅaa fama ḅa. Ịn kẹ í onu mẹ nama wararị aḍụḅarị mamgba jen ḅarị jen ọgọnọ sime ḅịa, mie mẹmgba dogi ḅoarị ye anie Tamụnọ ḅarana ḅo ị́ ḅọrọma ḅẹ sakị mẹ í lekiri-a ẹrẹsị!”

Luku 2:20

Anana ḍikiḍikiapụ ma nwẹnị ịn naa tẹ pịkị ẹrị tẹ aị ma gotẹ nume su-su Tamụnọ tokini ma so. Enjẹlị ḅe ḍuko ịn pịrị ḅara anie ye pịkị paka ḅara.

Luku 24:19

Ori nwẹnị gbela, “Tọ aị?” Ini mẹẹ, “Nazarẹtị ḅẹ Jizọsị ḅụụ paka aị ma. Ḅị tomḅọ ḅe ịkịankoroḅọọ, tẹ Tamụnọ na tomi mamgba na ọkịm ọ̀ kụrọ nyanam, ori ẹkwẹn na ọ̀ kọrịnama na ḅụ.

Luku 5:26

Inimgba kpọma ḅụụ-buam. Ḅalafa pịkị ịna ḅụụ sọ ḅin tẹ ịn Tamụnọ tokini tẹ ḅẹẹm, “Mịmgba wa ḅụụ-buama-aị ẹrị tẹ.”

Luku 5:8

Sayịmọnị Pita mie ẹrị sakị, ò mu Jizọsị suku kparakị tẹ ḅẹẹm, “KỊNỊNYANAḄỌ, ị́ ḅụụ kẹ ì kpekima ma! Yẹrị si-ḅọọ!”

Luku 7:15

Fịtẹ tomḅọ ḅe nwẹnị saakị lẹgị, tẹ ẹkwẹn. Jizọsị nwẹnị ḍumo ḅụ ọ̀ kẹ ò iyingi pịrị.

Luku 7:39

Farịsiiḅọ ḅe miemẹ ẹrị sakị ọ̀ nwẹnị ḅịḅị kẹ ḅụụ fiema, “Ḅị tomḅọ ḅe nwẹnị karakaramatẹ ịkịankoroḅọ kụma, ò nimi na-iḅim, ḅara kẹ ọ̀ lamarị ẹrẹḅọ ma sime-ḅara; ò nimi na-iḅim á kọn-arị si ḍumo mẹ!”

Luku 8:37

Anịtẹso anịanga mẹ ḅẹ apụ mamgba nwẹnị opu ḅalafa ḅụ Jizọsị dee mịnẹ ori ịna ama soo. Anịtẹso Jizọsị arụ ḅụkụlọ tẹ som.

Luku 9:19

Ịn nwẹnị pakịrị, “Ja apụ ị́ kẹ Minji-sara Jọnị sịn-arị; jen-apụ pịkị ị́ kẹ Ịlayịja sịn-arị, tẹ jen-apụ pịkị ḅẹẹarị elemu fịị ḅọrọ tẹ ịkịankoroapụ ḅẹ gbọrụḅọ ḍima ḅo tẹ.”

Jọnị 1:21

Ịn nwẹnị pịkị gbela, “Anị sakị Ị́yẹrị tụḅọ? Ị́yẹrị Ịlayịja mụnọọ?” Jọnị nwẹnị pakịrị, “Ẹn-ẹn, yẹrị-yaa.” Ịn nwẹnị gbela, “Ị́yẹrị anị Ịkịankoroḅọ ḅe mụnọọ?” Ori mẹẹ: “Ẹn-ẹn.”

Jọnị 1:25

nwẹnị sin Jọnị gbela, “Ị́yẹrị Mẹsaya ḅe-a, pịkị Ịlayịja-a, pịkị anị Ịkịankoroḅọ ḅe-a ḅẹẹ sakị, í tiegotẹ minji kẹ kịnị sararị?”

Jọnị 4:19

Ẹrẹḅọ ma nwẹnị ḅẹẹ, “Ị̀ Nyanaḅọ, àrị ẹrịarị ḅara ịkịankoroḅọ.

Jọnị 6:14

Tomi ma ḅo Jizọsị mịẹ ḅụụ-buamaye mẹ ẹrị sakị ini mẹẹ, “Piki-pikiye-ofori ḅara ḅụ ḅieḅe anie tomikiri ḅo ḅẹ Ịkịankoroḅọ ḅee!”

Jọnị 9:17

Mie ḅụ Farịsiiapụ ma nwẹnị pịkị sin jen gbọrụ sakị kẹ tomḅọ ḅe gbela, “Ị́yẹrị mẹẹ ori mie ị́ pụụntẹ atọrụngbọ ma gwọ ye ḅẹẹ sakị, í ò gbolomaye ḅụ ḍukoarị ye ḅọrọ tiye?” Tomḅọ ḅe nwẹnị pakịrị, “Ori ịkịankoroḅọọ.”

Fịrịmẹnjịapụ 5:5

Ananayasị miemẹ naa gbọrụ sakị mie ò fuku-koro tẹ fịị ye. Anị gbolomaye naa apụ mamgba kpọma ḅalafaam.

Fịrịmẹnjịapụ 7:37

Mozizi anie Izirẹlị ḅẹ awọmẹ ma ḅẹẹ ḅọ ḅe, ‘Tamụnọ ịkịankoroḅọ kẹ ọ́ fịrịma ḅa, ọ̀ wẹrịtẹ ị̀ kẹ fịrịma ḅara, tẹ ọmịna ḅụ ḅẹ ḅọ mie ọ̀ kẹ fịrịma ḅarịye.’

Galesiya 1:24

Mie ḅụ ịn nwẹnị ì gotẹ Tamụnọ tokini.

Ditẹrọnọmị 18:15

KỊNỊNYANAḄỌ ọmịna Tamụnọ ḅe ì pembe gbọrụ ịkịankoroḅọ saakị pakama-ḅo ọ́ pịrị ḅa ọmịna ogbo-ḅio, ọmịna amịnapụ ma ḅụ ori mie ó poki ḅarịye.