Luku 7:14 - FỊAFỊA BAỊBỤLỤ

¹⁴ Anịtẹso ọ̀ nwẹnị saḅa mu ḅara kẹ ḍụẹịn igbe mẹ lama, tẹ anị dogiapụ ma nwẹnị daasịẹ. Jizọsị nwẹnị ḅẹẹ, “Asatụḅọ, yẹrị ị́ ḅẹẹarị, saakịị.”

Luku 7:14 Iomraidhean Croise

1 Amadapụ 17:21

Anịtẹso Ịlayịja nwẹnị tụḅọ ḅe ọgọnọ ḅụ tẹra sakị kẹ ọ̀ ḅụụ sun, tẹ oloku KỊNỊNYANAḄỌ ḅe sịn, “Yei KỊNỊNYANAḄỌ ị̀ Tamụnọ, yee ḅị tụḅọ ḅe tẹmẹ pịkị pịkị-ḅo ọ̀ ḅụụ ḅio sọ!”

1 Amadapụ 17:22

KỊNỊNYANAḄỌ ḅẹ nwẹnị Ịlayịja pọkọ naa, tẹ tụḅọ ḅe saakịmam.

Jobu 14:12

anị ḅara mie tomḅọ ḅọlọlọ tẹ ḅarị siin saakị-a ḅara, nwenii so ma ḅarị ofori sọ ọ̀ saakị ḅịa, anịanịa ò mono ḅụ naa-saakị.

Jobu 14:14

Tomḅọ fịị kụma ò siin ḍumo ḅarị mọ? Arị à fịrịmẹnjị ḅarị ene mamgba kẹ kọrị ḅa, nwenii ḅụụ-fụka ḅụ ị̀ paka-ḅo sakị ḅo ḅa.

Devidi-Anume 33:9

Ori ẹkwẹn sakị tomikiri mẹ tẹmẹm: ori tọn tẹ ye goyegoye tolu-pakam.

Ayịzaya 26:19

Wamịna atomi ḅụ fịị tẹ apụ ma in sin ḍumo ḅa! Ịna oju akpakpa ma pịkị-ḅo ḍumo ḅụ sọ ḅa. Inimgba tẹ amịna aḍuḅu ḅio monoarị apụ ma saakị tọ nume su, su ḍereku ḅa. Ḅịya tọrụngbọ ḅio sọarị igirigi mẹ ịwọ ịnyọ kẹ kiri pịrịarị ḅara, anị ḅara mie KỊNỊNYANAḄỌ ḅe kẹ ala lamatẹ sakị ḅụ fịị apụ mịẹtẹ in sin ḍumo ḅarị ḅara.

Makị 5:41

Ọ̀ nwẹnị tụḅọ ma ḅara saakị ọlọ tẹ á ḅẹẹ, “Talita-kumi,” anie fiearị, “Kala ẹrẹḅọtụḅọ, yẹrị ị́ ḅẹẹarị saakị sịẹ!”

Luku 7:13

KỊNỊNYANAḄỌ ḅe árị ẹrị sakị ori á ḍiki tọrụ-kụrụkụrụ lamam. Tẹ ọ̀ nwẹnị á ḅẹẹ, “Owu ma, ị́ na.”

Luku 7:15

Fịtẹ tomḅọ ḅe nwẹnị saakị lẹgị, tẹ ẹkwẹn. Jizọsị nwẹnị ḍumo ḅụ ọ̀ kẹ ò iyingi pịrị.

Luku 7:17

Miemẹ tẹ Jizọsị kọrị ye mẹ bebe Judiya sịẹ mẹ na anị ikelema-koro iri mamgba na kana-korom.

Jọnị 11:25

Jizọsị nwẹnị á ḅẹẹ, “Yẹrị anie fị-ḅụ-saakị ḅee, pịkị ḍumo ḅee. Ì minini ḅọ, minini ḅọ mḅọ ḍumo ḅa; mḅọ ḅọrọ fịị sọ,

Jọnị 5:21

Ḍaḅọ ḅe fịtẹ-apụ ma saakịma tẹ in ḍumoarị ḅara, anị gbọrụ ḅara mẹ mie Tụḅọ ḅe sọ ḍumo kẹ ò ḅiotọn apụ pịrịarị ḅara.

Jọnị 5:25

À karakara mẹ ḍuko ọ́ pịrịarị, sakị mẹ ḅoarị — mịọkụ sọ anị ḅo la tẹẹ — anie fịtẹ-apụ Tamụnọ Tụḅọ ḅe ẹkwẹn mẹ naa ḅẹ sakị mẹ, tẹ anị naa tẹ anị ḅẹẹ ḅara mịẹ apụ ḅo ḍumo ḅụ sọ ḅa.

Romu 4:17

Anie Fịafịa Ḍiri mẹ ḅẹẹ ḅara, “Arị ị́ kẹ ḍa sọma tọnwa asịẹ pịrị tẹ.” Mie ḅụ, minini ye mẹ bebe ye sọ tẹ mẹ Tamụnọ ḅarana anị minini tẹ, anie Ebira-amụ ḅụụ ḅụ minini nyana Tamụnọ ḅẹ, fịtẹ-apụ saakịmarị Tamụnọ ḅe, tẹ tọn tẹ tarị tarị ḅụ ofori aị pakama-ḅo ḅọ ḅee.

Ẹfisọsị 5:12

(Anị kpọma ḅụụ-jịrịma ye sọ ḅa, ḅịḅị; kịngẹ kẹ tomi ḅọị tẹ mịẹarị aị ma go sọ).