Luku 7:13 - FỊAFỊA BAỊBỤLỤ

¹³ KỊNỊNYANAḄỌ ḅe árị ẹrị sakị ori á ḍiki tọrụ-kụrụkụrụ lamam. Tẹ ọ̀ nwẹnị á ḅẹẹ, “Owu ma, ị́ na.”

Luku 7:13 Iomraidhean Croise

Devidi-Anume 103:13

Ḍaḅọ iḅi ḅara kẹ amịna awọmẹ na mịẹ ḅara, anie KỊNỊNYANAḄỌ ḅe kẹ iḅi ḅara kẹ ọ̀ kụn-arị apụ ma na mịẹarị ḅara.

Devidi-Anume 86:15

Yei KỊNỊNYANAḄỌ, ị́yẹrị anie ọkụrụkụrụ na ḅẹlẹma na nyana Tamụnọọ, sakị mamgba ye-inema, sakị mamgba iḅi-yemịẹ-ḅara nyana, pịkị ḅioḅẹngbọ kẹ ḅụụ ḅụ gbana na-iḅi ḅara sime.

Devidi-Anume 86:5

Wamịna ḅụ í iḅim, ị́ pịkị wamịna si-wẹrịsoarị, kuno-a ḅẹlẹma ị́ ḅụụ ḅụ ḅin ị́ tẹkẹarị apụ ma pịrị wararị.

Ayịzaya 63:9

ịna tọrụsiẹrị mamgba ḅụ. Enjẹlị-a, kụma KỊNỊNYANAḄỌ ḅe ḅioju mie ịn ḅọrọma ye. Ọ̀ ḅẹlẹma na sịḅị-kụrụkụrụ na ḅụ ori ịn pụkọ-pakamaḅom. Sakị mamgba ori ịn balarị ḅọrọtẹ sakị ḅụ sọ,

Jerimaya 31:20

Izirẹlị, anie ị̀ ḅụụ-ḅẹlẹma tẹịn owiḅọtụḅọ, à ḅẹlẹma-tẹịn tụḅọ. Àrị ị́ ẹrẹ goo sakị goo sakị, à ḅẹlẹma ḅụ ị́ kẹ ḅiokoromarị. Gbala ì ḅioḅẹngbọ í gotẹ mẹnjị pakarị ye ọkụ; Arị ọkụrụkụrụ nyana ḅa.

Makị 8:2

“À mịna atomi ma ḍiki-sịḅị-kụrụkụrụarị, tẹra aḍin na gbasị ye ịn nwẹn kẹ ị̀ na sime tẹ ḅarị ịn fị ḅẹ fịye kalịye sọ nyana-a ẹrẹsị.

Luku 10:1

Anịtẹso Jizọsị nwẹnị jen kịnị atesi oyi finji na maa apụ na sẹlẹ-ọkị, tẹ maa apụ, maa apụ kẹ tọrọkọ tarị ò mu ḅẹ ama, ama na, ọ̀ la ḅẹ anga, anga na fịrịma.

Luku 11:1

Gbọrụ ene ḅụ, ḅụ Jizọsị mu gbọrụ anga sime tẹ tẹkẹ fama tẹso, ò ḍukamẹnjịapụ ma ḅẹ gbọrụḅọ ọ̀ ḅẹẹm, “KỊNỊNYANAḄỌ, Jọnị tẹkẹ kẹ ò ḍukamẹnjịapụ toluma ḅara ị́yẹrị sọ tẹkẹ kẹ wa tolumaa.”

Luku 11:39

Mie ḅụ KỊNỊNYANAḄỌ ḅe nwẹnị ọ̀ ḅẹẹ, “Mịọkụ ọmịnị Farịsiiapụ, ọmịna akọpụ ma na ẹfẹrẹ ma na ọḅụjụ mịẹ ọ́ kẹ ye sịn tẹ sịkịrị, sịkịrị ye, kụma ọmịna aḅụụ ḅio ḅụ ọ́ ḅụrụ kọsị wararị, kụrọ-kụrọ amịẹaị na, si na, ọmịna aḅụụ ḅio ḅin wararị!

Luku 12:42

KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Luku 13:15

KỊNỊNYANAḄỌ ḅe nwẹnị ọ̀ pakịrị, “Ọmịnị mịẹ tomi ḍie apụ! Ọmịna ḅụ tụḅọ Ịnyọsara-Ene mẹ ḅụ amịna nambulo, anịanịa asụ, fima tẹ kẹ paka mu tẹ ò minji ḅuu ḅịa?

Luku 17:5

Fịrịmẹnjịapụ ma nwẹnị KỊNỊNYANAḄỌ ḅe ḅẹẹ, “Wa nyana minini nẹngị ye kẹ wa pịrịị.”

Luku 17:6

KỊNỊNYANAḄỌ ḅe nwẹnị pakịrị, “Ọmịna minini ịrụ mọsịtadị mgbọlị na gbasị sọ, ọ́ sịẹ wararị sịn ḅẹẹ mịnẹ anị suku-na-suku-na saakị mu tọrụ koro, tẹ anịanga sịẹsime ḅẹẹ kụma, anị ọ́ ḅẹẹ ḅara mịẹ ḅa.

Luku 18:6

Tẹ KỊNỊNYANAḄỌ ḅe nwẹnị pịkị ḅẹẹ, “Anị si ḅẹrẹkọnḅọ ḅe ḍuko ye mẹ pokii.

Luku 19:8

Zakịyọsị nwẹnị saakị sịẹ tẹ KỊNỊNYANAḄỌ ḅe ḅẹẹ, “Ị̀ nyanaḅọ, ì pokii! À nyana aị mamgba à kẹ maa anga ḍie tẹ gbọrụ anga kẹ igoin-apụ pịrị ḅa, à pịkị inoma ḅara kẹ ḅara ḅụ ye ọkị ḅọ emi-emii àrị anị ḅẹ inia akiri kẹ mḅọ gbẹẹ ḅa.”

Luku 22:61

KỊNỊNYANAḄỌ ḅe nwẹnị vuunma pịkị tẹ bio-bioma Pita ḍiki, tẹ Pita nwẹnị KỊNỊNYANAḄỌ ḅe kẹ ọ̀ ḅẹẹ ye mẹ kẹ ḅiokoroma, “Tẹrẹmẹ ọḅọkọ paan mị ḍin, ị́ tẹra sakị kẹ í ì nimim mẹ pịkị ḅa.”

Luku 24:3

Mie ḅụ in sọ-mum, kụma KỊNỊNYANAḄỌ Jizọsị ḅe oju mẹ ini ẹrị-a.

Luku 24:34

tẹ in ḍukoarị, “Karakara ye KỊNỊNYANAḄỌ ḅe ọ̀ saakị tẹẹ! Ọ̀ pịkị ḅụụ kẹ Sayịmọnị ḍie tẹẹ!”

Luku 7:12

Ọ̀ paa ḅo ama mẹ ḅe ogigo-ḅọkọ mẹ la gbọrụ sakị ḍụẹịn dogi tẹ kẹ ḍiḅi ḅẹ-muarị apụ ọgbụrụ-sụn tẹ paka-ḅoarị. Fịịḅọ ḅe anie diḅọ-fịtẹ-ẹrẹḅọ ngẹrị tụḅọ, tẹ opu tomina-ogbo á gbori tẹ árị na ḅoarị.

Luku 7:14

Anịtẹso ọ̀ nwẹnị saḅa mu ḅara kẹ ḍụẹịn igbe mẹ lama, tẹ anị dogiapụ ma nwẹnị daasịẹ. Jizọsị nwẹnị ḅẹẹ, “Asatụḅọ, yẹrị ị́ ḅẹẹarị, saakịị.”

Luku 7:19

fịrịma mịnẹ in mu KỊNỊNYANAḄỌ ḅe gbela, “Ḅo ḅẹ tẹ Jọnị ḍuko ḅọ ḅe mụnọọ wa paa jụmọ ḍiki ḅẹ?”

Luku 8:52

Ọrụḅọ-ọrụḅọ tụḅọ ma gotẹ owu-owu tẹ kururuarị anịanga. Jizọsị nwẹnị ḅẹẹ, “Ọmịnị owu ma, tụḅọ ma amụ á fịị-a, á monoarị.”

Jọnị 11:2

(Ma Meri ma anie sẹntị kẹ KỊNỊNYANAḄỌ ḅe aḅụọ ọgọnọ ḅama sara, tẹ nwẹnị pịkị á sịḅị-ḅẹ-inume kẹ arị sin ḅọ ma. Árị iyimbere Lazarọsị mie obi ye.)

Jọnị 11:3

Ini eremịna amịnapụ ma oku kẹ Jizọsị fịrịmam, “KỊNỊNYANAḄỌ, í iḅi ikiaḅọ ḅe obiarị.”

Jọnị 20:13

Ịn nwẹnị á gbela, “Ẹrẹḅọ, í tiegotẹ owuarị?” Á nwẹnị pakịrị, “Ini ị̀ Nyanaḅọ ḅe ọkị so tẹ, kụma ini ọ̀ kẹ koroma anga à nimi-a.”

Jọnị 20:15

Jizọsị nwẹnị á gbela, “Ẹrẹḅọ, í tiegotẹ owuarị, ị́ ḍọkịarị ḅọ tụḅọ?” Árị ọ̀ kẹ ḍụọ ḍikiḍikiḅọ sịnm; anie ḅụ á nwẹnị ọ̀ ḅẹẹ, “Ị̀ nyanaḅọ, ị́ ọ̀ saakị som ḅẹḅẹ, ị́ ọ̀ kẹ mu koroma anga ḍuko ị̀ pịrịị, tẹ à mu ori ọkị so.”

Jọnị 4:1

Farịsiiapụ ma nwẹnị naa mịnẹ Jizọsị ḍukamẹnjị tẹ ò minji kẹ sara tẹ apụ Jọnị jụ ḅẹ apụ nẹngị tẹ.

Jọnị 6:23

Tayịberiyasị ḅụ ḅo ja arụ nwẹnị KỊNỊNYANAḄỌ ḅe ịmịẹtẹ kẹ Tamụnọ ḅẹẹ tẹ fịturu kẹ tomina-ogbo mẹ pịrị fị anga mẹ na kpeki pọkụ ḅụ sọma.

1 Kọrịntị 7:30

owuarị apụ ḅioḅẹlẹarị apụ sọ ḅa; ḍẹrịarị apụ ḅo ḅioḅẹlẹ-a apụ sọ ḅa; ye fẹẹarị-apụ ịn fẹẹ tẹ ye sọ ḅarị ịna nye-a ḅara sime ḅa;

1 Tẹsalonịka 4:13

Wamịna mịnapụ, wa ḅiiarị ọ́ fịị ḅọrọtẹ apụ ma gboloma ye mẹ ḅẹ karakara mẹ nimi, mịẹtẹ ọ́ ḅarị ḅiokpọmaye nyana-a apụ kururu ḅara kẹ kururu ḅịa ḅara.

Hiburu 2:17

Miemẹ fiearị ye anie ḅọkọ, ḅọkọ mamgba ḅụ ori ori amịnapụ ma na kịka fama ḅẹm, mịẹtẹ ò ḅioḅẹngbọ-kẹ-sịrẹrẹ-niḅi tẹ pịkị ọkụrụkụrụ nyana wararị Sịḅịda-Agbamịẹḅọ sọ ḅẹ ḅara, Tamụnọ fịrị mẹ ḅụ, mịẹtẹ Tamụnọ tomina asi wẹrịso ḅarị ḅara.

Hiburu 4:15

Wamịna Sịḅịda-Agbamịẹḅọ ḅe anie inetẹ ọkụrụkụrụ nyana wamịna ịnyọ ofori ma pịrị ḅịa ḅọ-a. Kụma wa nyana wararị Sịḅịda-Agbamịẹḅọ ḅe anie, ịn ḅọkọ-ḅọkọ ḅụ, ịn wa daaḍikiarị ḅara kẹ daaḍiki tẹ kụma gbọrụ si sọ mịẹ-a ḅọ.

Ḅẹrẹkọn-apụ 10:16

Anieḅụ ịn nwẹnị ini ogbo-ḅio ḅụ igoni oru-atamụnọ ma tan-siin tẹ fịrịmẹnjị KỊNỊNYANAḄỌ ḅe pịrị; tẹ Izirẹlị tọrụsiẹrị mẹ nwẹnị ḅo ọ̀ ḅụụ-ḅẹsọọ.