Luku 7:12 - FỊAFỊA BAỊBỤLỤ

¹² Ọ̀ paa ḅo ama mẹ ḅe ogigo-ḅọkọ mẹ la gbọrụ sakị ḍụẹịn dogi tẹ kẹ ḍiḅi ḅẹ-muarị apụ ọgbụrụ-sụn tẹ paka-ḅoarị. Fịịḅọ ḅe anie diḅọ-fịtẹ-ẹrẹḅọ ngẹrị tụḅọ, tẹ opu tomina-ogbo á gbori tẹ árị na ḅoarị.

Luku 7:12 Iomraidhean Croise

Suku-saakị 22:12

Tẹ enjẹlị ḅe nwẹnị ḅẹẹ, “Ị́ ḅara, anịanịa gberie-sọ kẹ tụḅọ ḅe lama ma, kẹ gotẹ ọkọ ḅẹẹarị, mẹkịnẹ à nimi tẹ mịnẹ ị́ Tamụnọ ḍiki-ḅalafarị, tẹ tọrụ-gelegele í owiḅọtụḅọ, ị́ kpọkpọ gbọrụ tụḅọ sọ ọlọ-sịẹma-a ọ̀ kẹ ị̀ pịrị ḅụ.”

Suku-saakị 22:2

Ọ̀ nwẹnị ọ̀ ḅẹẹ, “í owiḅọtụḅọ ḅe ọkịị, ị́ kpọkpọ gbọrụ owiḅọtụḅọ Ayịzịkị oriḅe tẹ ị́ ḅẹlẹma ḅọ ḅe, tẹ so Moraya ama mẹ mu tẹ anịjụ ọ̀ kẹ gbọrụ tụndụ tẹ à ḍuko ị́ pịrị ḅarịye ọgọnọ dọkịma-agba mịẹ.”

2 Samụẹlị 14:7

Mịọkụ bebe furo mẹ saakị ị́ fịrịmẹnjị-ẹrẹḅọ da-paka tẹ, tẹ ini mẹẹ, ‘Anị owiḅọ ḅe tẹ amịna iyimbere fomu ḅaa ḅọ ḅe kẹ wa pịrị, mịẹ tẹ wa ò iyimbere ḅe tẹ ọ̀ ḅaa ḅọ ḅe ḍumo mẹ gotẹ ọ̀ ḅaa ḅẹ ḅara; tẹ anieḅụ ḍuu fị ḅẹ ḅọ ḅe sọ ḅaa ḅẹ ḅara.’ Mị-ḅara ḅụ ini ị̀ anyịmgbọ kpo mẹ tẹ kirikọn wararị ye mẹ biinma, tẹ tomikiri tọrụ mẹ ḅụ ẹrẹ, anịanịa ye kọnma ì di ḅe pịrị ḅịa ḅara.”

1 Amadapụ 17:12

Á nwẹnị ḅẹẹ, “KỊNỊNYANAḄỌ ị́ Tamụnọ ḍumo wararị ḅọ ḅe ẹrẹ ḅụụ, à fọịtẹ gberie-sọ nyana-a; gbọrụ ḅara-kuḅu ḅin ḅarị fịlawa kalịye ngẹrị mịẹ ye ḅio simearị ye, na pulo kalịye na pulo-sụaye mẹ ḅio ḅụ; à mịọkụ kobiriarị ḍọkọḍọkọ sanga kala aị ma, à kẹ mu anị sọ tẹlẹma tẹ yẹrị na ì owiḅọtụḅọ ḅe na anị fịị tẹ ḅuru-ḅa ḅụ sime fịị ḅẹ ḅara”.

1 Amadapụ 17:18

Á nwẹnị Ịlayịja ḅẹẹ, “Yei Tamụnọ Ịkịankoroḅọ, ị́ ị̀ na tọ ịgbanịya nyana? Ị́ ị̀ asi ma kẹ Tamụnọ ḅiokoroma tẹ mịẹtẹ ì owiḅọtụḅọ ḅe fịị ḅẹ mie í gotẹ ḅo ye?”

1 Amadapụ 17:23

Ịlayịja nwẹnị ọgọnọ ḅe ḅio mẹ ḅụ ori ọkị ideri-ḅo warị mẹ suku-ḅio la tẹ ọ̀ ḅọrọma ò iyingi pịrị, tẹ Ịlayịja nwẹnị ḅẹẹ, “ḍikii, í owiḅọtụḅọ ḅe ò ḍumo wararị.”

1 Amadapụ 17:9

“Saakịị, so Zarẹfatị muu, sime Sayịdọnị pịrị anga mẹ, tẹ anịanga ḅụ simee. Ḍikii, à tọn kẹ gbọrụ diḅọ-fịtẹ-ẹrẹḅọ pịrị tẹ anịanga ḅụ mịnẹ á fịye kẹ í kokoo.”

2 Amadapụ 4:16

tẹ Ịlayịsa nwẹnị á ḅẹẹ, “Jen kụra nwẹn pembe sakị ḅụ ị́ gbọrụ owiḅọtụḅọ kẹ í kuḅu ḅio sụa ḅa.” Á nwẹnị ḅẹẹ, “Ẹn-ẹn, ị̀ nyanaḅọ, iruo kọn yẹrị ị́ fịrịmẹnjị-ẹrẹḅọtụḅọ pịrị ma.”

2 Amadapụ 4:20

Ori ọ̀ saakị dogi tẹ ori ọkị-ḅo ò iyingi pịrị tẹso, tụḅọ ḅe nwẹnị á ḅụọ-ẹtẹnẹ ḅụ lẹgị nwenii ene-ogbo la, anị tẹrẹmẹ ọ̀ nwẹnị fịị.

Jobu 29:13

Oriḅe tẹ fịị-faa ḅẹ tọn ḅọ ḅe boma, ḅo ị̀ ọgọnọ gbanam, tẹ à mịẹ tẹ diḅọ-fịtẹ-ẹrẹḅọ ma ḅioḅẹngbọ ḅioḅẹlẹ ḅụ nume-sunm.

Zẹkaraya 12:10

Devidi furo-ḅẹ-apụ ma na Jeruselemu ḅụ simearị osi apụ ma na arị ọkụrụkụrụ tẹmẹ na tẹkẹ tẹmẹ na kẹ ịna aḅụụ suu ḅinma ḅa. Ini ini ogie kẹ temi ḅaa ḅọ ḅe ḍiki ḅa, tẹ ò ḍuu ḅa, ngẹrị tụḅọ ḍuu ḅara kịka ḅara. Ini akụ tẹmẹ kẹ ḍuu ḅa, amịna mgbe fịị ḍuuarị apụ kịka ḅara.

Luku 7:11

Anịtẹso ala-a ogbo Jizọsị nwẹnị Nahini nwẹn-sịn ama mu, ò ḍukamẹnjịapụ ma na opu tomina-ogbo na ọ̀ ḅụụ sọ tẹ mum.

Luku 7:13

KỊNỊNYANAḄỌ ḅe árị ẹrị sakị ori á ḍiki tọrụ-kụrụkụrụ lamam. Tẹ ọ̀ nwẹnị á ḅẹẹ, “Owu ma, ị́ na.”

Luku 8:42

ọ̀ tụḅọ oyi maa kụra finji sịḅị ḅụ ḅọrọtẹ kpọkpọ gbọrụ ẹrẹḅọtụḅọ, obi fịịarị ẹrẹsị. Jizọsị mẹnjị muarị sakị anga-anga ḅụ tomi ma ḅo ọ̀ bịan-arị.

Luku 8:52

Ọrụḅọ-ọrụḅọ tụḅọ ma gotẹ owu-owu tẹ kururuarị anịanga. Jizọsị nwẹnị ḅẹẹ, “Ọmịnị owu ma, tụḅọ ma amụ á fịị-a, á monoarị.”

Jọnị 11:19

tẹ Judiya ibe ḅụ anga tọnwa-apụ Mata na Meri na ḅiokpọma ḅẹ ḅo tẹ, ịna iyimbere fịị mẹ gotẹ.

Fịrịmẹnjịapụ 9:39

Mie ḅụ Pita nwẹnị tẹlẹma tẹ ini na mu. Ò mu la tẹso ịn nwẹnị ori na ḅekin-warị mẹ kpọlị iwo. Anịanga sime diapụ-fịtẹ-ereme mamgba nwẹnị ò gbori-ikelema tẹ owu-owu tẹ Dọkasị ḍumo wararị sakị á gbin ịn pịrị akapa ḅara-ḅara ma kẹ ò ḍie.

Fịrịmẹnjịapụ 9:41

Pita nwẹnị ḅarasụa á pịrị tẹ á saakị sịẹ. Anịtẹso ọ̀ nwẹnị Jizọsị minini apụ mamgba sịn, diapụ-fịtẹ-ereme ma sọ ịna ḅụụ sọm, tẹ ori á kẹ ḍumo ḅụ ịn pịrịm.

Jemụsị 1:27

Tamụnọ Ḍaḅọ ḅe kẹ kpaịn tẹ, karakara Tamụnọ nimi sịn-arị ye anie mie: ḍapụ na iyingi apụ na fịtẹ awọmẹ na, diapụ-fịtẹ-ereme na, ḍikiḍiki ịna tọrụsiẹrị ḅụ, tẹ pịkị mị tomikiri mẹ ḅụ fịafịa ḅara kẹ ḅụụ wẹrị.