Luku 6:8 - FỊAFỊA BAỊBỤLỤ

⁸ Kụma Jizọsị ịna akuroma nimi wararị ḅara ḅụ ọ̀ nwẹnị tomḅọ ḅe ḅẹẹ, “Saakị sịẹ tẹ mẹnjị mịanga tọrọkọ ḅoo.” Tomḅọ ḅe nwẹnị saakị tẹ mu anịanga sịẹsime.

Luku 6:8 Iomraidhean Croise

1 Paka-aị 28:9

“Anịsakị ị́yẹrị ị̀ owiḅọtụḅọ, Sọlọmọnị, ị́ aḍapụ Tamụnọ ḅe nimii, tẹ í bebe ḅioḅẹngbọ na mịẹ pọkọ-tarị kuroma kẹ fịrịmẹnjị ọ̀ pịrịị; kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹngbọ mamgba ḍọkị ḍikiarị, tẹ ḅioḅẹngbọ ḅụ tọn tẹ mịẹ ḅẹ ye goyegoye fie ye naarị. Ị́ ọ̀ sịkị-sịkị, ori ị́ kẹ gbin nguma gbamaso ḅa.

1 Paka-aị 29:17

Ị̀ Tamụnọ, à nimi wararị mịnẹ ḅioḅẹngbọ mẹ mie ị́ daaḍikiarị ye tẹ tụkụ sịẹ ḅụ ḅioḅẹlẹ nyanam; ị̀ ḅioḅẹngbọ kẹ karakara ḅụ à mịna aị mamgba kẹ tọn ị̀ pịrị-a ḅara ḅụ agba mịẹ ị́ pịrị tẹẹ, à pịkị mịọkụ ị́ atomi ma ẹrị tẹẹ, inima tẹ mịanga ḅụ sime tẹ ḅioḅẹlẹ ḅara kẹ tọn ịn pịrị-a ḅara ḅụ agba mịẹ ị́ pịrịarị apụ ma.

Jobu 42:2

“À nimi wararị mịnẹ ị́ inetẹ ye mamgba mịẹ ḅa, anịsakị ị́yẹrị tọn tẹ mịẹ ḅẹ ye tẹ kaan ḅẹ ye ofori.

Devidi-Anume 44:21

piki-pikiye-ofori ḅara ḅụ ị́ kọkọ nimi ḅa, ị́ wamịna ḅọị tẹ akuroma ma nimi fama wararị ẹrẹsị.

Ayịzaya 42:4

Ò ḅiokpọmaye anịanịa ḅiokpọ fama ḅịa; Ọ̀ mịẹ tẹ tomikiri mẹ ḅụ ọrụḅọ-ọrụḅọ mḅọ la kiri nyana wẹrị ḅa. Sụma-yọ simearị amakiri ma ḅẹ apụ ḅio-sẹsẹ ḅara kẹ ò tolumaye koruarị.

Matiyo 9:4

Jizọsị in kuromarị ye mẹ nimi tẹ ḅẹẹm, “Ó tiegotẹ nwẹn sime asi-aị kẹ ḅiokoromarị?

Makị 3:3

Jizọsị nwẹnị tomḅọ ḅe ḅẹẹ, “Iwo mịanga tọrọkọ ḅoo.”

Luku 13:12

Jizọsị árị ẹrị sakị ori á ḅẹẹm, “Ẹrẹḅọ, í obi ị́ ḅụụ so tẹ!”

Luku 5:22

Jizọsị ịna akuroma nimim ẹrẹsị ori ịn ḅẹẹm, “Ó tiegotẹ nwẹn sime aị kuromarị?

Luku 6:9

Anịtẹso Jizọsị ịn ḅẹẹm, “Yee àrị ó ḅii, Ịnyọsara-Ene mẹ ḅụ wa mịẹ na-iḅi ye tẹ wamịna Oloko ḍuko ye tiye? Ḅarasụa tomi pịrị mụnọọ, ye kẹ ịn lama? Tomḅọ ḍumo ḅọrọma mụnọọ anị fama?”

Jọnị 2:25

Kịnị pịkị gotẹ in gboloma ye ḍuko ọ̀ pịrị-pịrị ye ofori, tomina aḅioḅẹngbọ sime ye ò nimi famam ẹrẹsị.

Jọnị 21:17

Jizọsị tẹra sakị karama ye kẹ ḅẹẹm, “Sayịmọnị, Jọnị tụḅọ ị́ ị̀ ḅẹlẹmarị, ọkọ-a?” Pita nwẹnị kururu. Jizọsị tẹra asakị karama ye kẹ ó gbela ye ẹrẹsị, “Ị́ ị̀ ḅẹlẹmarị, ọkọ-a?” Mie ḅụ ori ọ̀ ḅẹẹm, “KỊNỊNYANAḄỌ, í nimi kọnma ye ofori, í nimi wararị mịnẹ àrị ị́ ḅẹlẹmarị.” Jizọsị nwẹnị ọ̀ ḅẹẹ, “Tọrụ kẹ ị̀ anana ma ḅụụ wẹrịị.

Jọnị 9:4

Ene amụ ḍin-a sakị goyegoye wa ị̀ kẹ fịrịma ḅọ ḅe kọrịnama mẹ kọrị ḅa; ḍin ḅoarị, gbọrụḅọ-sọ inetẹ kọrịnama kọrị ḅịa sakị mẹ.

Fịrịmẹnjịapụ 20:24

Kụma à nwẹnị paa inetẹ Tamụnọ ḍiki-ḅụụjịrị mẹ ḅẹ Iḅi Oku mẹ ḍuko mẹ, anie KỊNỊNYANAḄỌ Jizọsị ḅe kẹ ị̀ fịrịma fịrị mẹ mẹnjị fama kụma, ì ḍumo à kẹ gberie-sọ sịn-a.”

Fịrịmẹnjịapụ 26:26

Ama-da Agiripa! Arị inetẹ ị́ tọrọkọ ḅụ ḅiokpọ tẹ ẹkwẹn lama ḅa, mịna aị mamgba sọ nimi fama wararị ẹrẹsị. À mininim í ye goyegoye kẹ elekima sụa tẹ, gbala miemẹ ḅọị tẹ kikima anga mịẹ ye-a.

Filipayị 1:28

Ó si kẹ ọ́ tọn-arị apụ ma ḍiki-ḅalafa ma; sakị mamgba ó ḅiokpọ, miemẹ mịẹtẹ in nimi ḅa mịnẹ owu ịna ḅara si tẹ ọmịna ḅara iḅi ḅa, Tamụnọ anie owu-ḅara-iḅi kẹ ọ́ pịrịarị.

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.

1 Pita 4:1

Kịrayịsị meni-oju ḅụ tọrụsiẹrịm ḅẹ sakị, ọmịnị sọ ọmịna aḅụụ mịẹ kụrọmaa, ọ̀ nyana kuroma mẹ nyana ḅụ, kẹ gotẹ ọkọ ḍukoarị meni-oju ḅụ tọrụsiẹrịarị ḅọ mẹ mḅọ ḅarị si na mịẹye nyana-a.

Mịẹfinji 2:23

À pịkị á ḍukamẹnjịarị apụ ma ḅaa ḅa, anịsakị sọsị mamgba nimi ḅa mịnẹ yẹrị anie ọrụḅọ-ọrụḅọ sime-ḅara nimi ḅọ. Ọmịna ḅụ ọrụḅọ-ọrụḅọ mịẹye à nwẹn ḍiki tẹ mḅọ gbẹẹ ḅa.