Luku 6:48 - FỊAFỊA BAỊBỤLỤ

⁴⁸ Mḅọ kịkarị ḅọ anie amịna warị nama ḅẹ tẹ kpọma kiri mẹ soku pokoloma tẹ anị kẹ ịkụ ọgọnọ sịẹma ḅọ. Opu minji sun mu warị mẹ la tẹ sọ anị jike-a, ini anị nama kụrọma lamam ẹrẹsị.

Luku 6:48 Iomraidhean Croise

2 Samụẹlị 22:2

Ori mẹẹ: KỊNỊNYANAḄỌ ḅe anie ị̀ ịkụ, ị̀ owu-kụrọnịḅọ, pịkị ị̀ ḍụa-ḅọrọmaḅọ.

2 Samụẹlị 22:32

KỊNỊNYANAḄỌ ḅe sikima kụma, tụḅọ Tamụnọ? Anịsakị wamịna Tamụnọ ḅe sikima kụma ịkụ anie tụḅọ?

2 Samụẹlị 22:47

KỊNỊNYANAḄỌ ḅe ḍumo-sime wararị, anịsakị boma sime ị̀ ịkụ ḅe pịrị, gele sime ị̀ Tamụnọ ḅe pịrị, ị̀ ḅọrọma ịkụ ḅe,

2 Samụẹlị 22:5

Gbala fị ọnụngọ ma kuro ì ikelemam, gbọrsịḅị ḅioḅẹlẹ fama owi-minji ị̀ gbaịnm;

2 Samụẹlị 23:3

Izirẹlị ḅẹ Tamụnọ ḅe ẹkwẹn tẹ, Izirẹlị Ịkụ ḅe ị̀ ḅẹẹ tẹ: gbọrụḅọ karakara ḅara kẹ ḅẹrẹtọn tomi pịrị sakị goyegoye, tẹ Tamụnọ mangịma ḅụ ḅẹrẹtọn-arị ḅẹḅẹ,

Devidi-Anume 32:6

Mie ḅụ í minini apụ mamgba ị́ tẹkẹ ḅa ḅụụ-fụka asakị ḅụ: ḅụụ-fụka opu ẹgẹnẹ-minji seri sọ ḅara kẹ sọ ḅoarị sakị, anị ḅo ịn la ḅịa.

Devidi-Anume 62:2

Ori ngẹrị mie ị̀ gbaịn tẹ ị̀ ḅọrọmarị; ori anie ị̀ ḍụarịḅọ, tẹ gbala-gbala owu ị̀ ḅara sii ḅịa.

Devidi-Anume 95:1

Ó ḅoo, wa KỊNỊNYANAḄỌ ḅe tokini! Ó yee wa ḍereku kẹ nume-su wa gbaịn-arị Tamụnọ ḅe pịrị.

Egberima-Ẹkwẹn 10:25

Erise fie tẹ si-sịḅịḅio-sụapụ ma fọnọ soarị, kụma kịnị mingirima-apụ ma sakị mamgba ịn la-la ye ofori.

Ayịzaya 26:4

KỊNỊNYANAḄỌ ḅe kẹ ḅiokpọma gbamasoo; sakị mamgba ori ị́ gbaịn ḅọrọma ḅa.

Ayịzaya 28:16

Mie mịọkụ Tẹịn ḅẹrẹtọn KỊNỊNYANAḄỌ ḅe ḍukoarị ye, “À Zayọnị ḅụ jike ḅịa kụrọtẹ suku-saakịarị. Anị ḅụ arị anyị-anyị-a ḍụḅarị kẹ ịkọlị mẹ ḅụ sụarị, anie ma ẹkwẹn-aḅịḅị ma tẹ kẹ wararị aị ma, jike-jike-a minini mẹ pịkị ye-inemarị!

Ayịzaya 59:19

Ịrụa mẹ saakịarị yọ ḅụ ọkị mu anị tuuideriarị yọ la, ḅẹḅọ-ḅẹḅọ ò ḍiki ḅalafaa ḅa, pịkị ori opu kụrọ sọ. Ò ḅo ḅarị ḅara owi minji na kụrọ fẹrụ na kịka ḅa.

Nahọmụ 1:8

Kụma seri ḅo ye-yọ mẹmgba gbaịn-arị opu minji, mie ọ̀ kẹ ori na fịya-a apụ ma gbọrsịḅị ini ọfịn sin ḅarịye: anịsakị ori ori na fịya-a apụ ma ḍuka kanakana ḅio suu ḅa.

Luku 6:47

Ḅẹḅọ-ḅẹḅọ tẹ ḅo ị̀ ẹkwẹn mẹ poki tẹ à ḅẹẹ ḅara mịẹ ḅọ, à kẹ ó ḍie ḅa mḅọ kịkarị ḅọ.

Luku 6:49

Kụma ḅẹḅọ-ḅẹḅọ tẹ ị̀ ẹkwẹn ma naa tẹ arị koro ḅara ọkị tẹ mịẹ-a ḅọ mẹ, mḅọ kịkarị ḅọ anie amịna warị namarị tẹ iḅi ḅara kẹ suku-saakị-a ḅọ. Opu minji ḅo warị mẹ la gbọrụ sakị anị nwẹnị ḅịkị tẹ si ḅịkị kọn; anị paịn-gberegedeima saram!”

Jọnị 16:33

À miemẹ ḍuko ọ́ pịrị tẹ, mịẹtẹ ọmịnị ị̀ ḅụ oḅolo sime tẹ dein nyana ḅarị ḅara. Tomikiri ḅẹ atomi ọ́ kẹ tọrụsiẹrịma ḅa. Kụma ó ḅiokpọọ! À tomikiri mẹ nẹngịma tẹ!”

Fịrịmẹnjịapụ 14:22

Ịn nwẹnị ịnyọ kẹ minini apụ ma pịrị tẹ ịna ḅiokpọma mịnẹ ịn karakara ḅara kẹ mininiye mẹ ḅụ sịẹ kụrọọ. In ye kẹ in toluma tẹ ḅẹẹm, “Mịẹ ḅara mịẹ ḅara sọ, tọnwa ḅụụ-fụka ḅio mie wa tolu-ḅọrọ mu Tamụnọ Ama-da yọ mẹ sọ ḅarịye.”

Ẹfisọsị 2:20

Ọmịnị sọ warị nama aḍụḅarị sọ tẹ fịrịmẹnjịapụ ma na ịkịankoroapụ ma na saakị warị-suku mẹ ọgọnọ nama tẹ, anie Kịrayịsị Jizọsị ḅioju ịkọlị palị ḍụḅarị sọ pịrị wararị warị mẹ.

Ditẹrọnọmị 32:15

Kụma Jẹsurun ḅẹlẹkị sụam, tẹ ḅụọ tẹịnm; ị́yẹrị ḅẹlẹkị sụam, ị́ kpokorom, í ḅo welewelem; anịtẹso ori ọ̀ Tamụnọ ḅe tẹ ọ̀ tẹmẹḅọ ḅe sịkịm, tẹ ọ̀ ḅọrọma mẹ ḅẹ Ịkụ ḅe kombom.

Ditẹrọnọmị 32:18

Ịkụ Ḅe tẹ ọmịnị iyi Ịkụ Ḅe ọmịnị ọ̀ bala-a, tẹ ḍumo kẹ ọ́ pịrị Tamụnọ ḅe kẹ ḅioḅọrọmam.

Ditẹrọnọmị 32:31

Gbala ịna ịkụ wamịna Ịkụ Ḅe sime-ḅara sime-a wamịnị na fịya-a apụ ma ḅioju ḅẹrẹkọn-apụ sọ wararị.

2 Timoti 2:19

Kụma kụrọtẹ suku mẹ tẹ Tamụnọ saakị tẹ ye mẹ, inetẹ jike ḅịa; tẹ anị ọgọnọ mie mịna ẹkwẹn ma kẹẹ wararị ye: “KỊNỊNYANAḄỌ ḅe sime ọ̀ pịrị apụ ma nimi wararị” na “Ḅẹḅọ-ḅẹḅọ tẹ ḅẹẹarị mḅọ sime KỊNỊNYANAḄỌ ḅe pịrịm nwẹn ḅẹẹ ḅọ, kura-a mịẹye ḅụ ḅụụ ḅelemaa.”

2 Pita 1:10

Ọkọẹrẹsị, ị̀ amịnapụ, ọ́ ḅụụkụrọma mịẹ tarị ọ́ mịẹ-mịẹ ḅara nẹngị, tẹ mịẹtẹ Tamụnọ ọ́ sịn tẹ ọ́ sẹlẹ-ọkị ye mẹ gbọrsịḅị ọmịna aḅụụ ẹnwẹịn gbamaso; ọmịnị ọkọ mịẹ-mịẹ ọ́ ḅarị ọmịna minini sịkị tẹ apụ sọ ḅịa.

1 Jọnị 2:28

Ọkọẹrẹsị, ị̀ awọmẹ, ọmịnị ori na gbọrụ ḅụụ simee, mịẹtẹ ò tolu-sịẹ sakị, wa ḅiokpọ lama tẹ ḅarị ḅụụ-jịrị ḅụ ò ḅoarị Ene mẹ ḅụ ọ̀ ḅụụ ḅụ kikima ḅịa ḅara.

Judu 1:24

Ori tẹ inetẹ ọmịnị ọlọ-sịẹma tẹ ọ́ ḅarị ḅịkị ḅịa ḅọ ḅe, tẹ pịkị ḅụụ ḅụ ḅẹẹ, ḅẹẹ ye ofori ḅara na ḍereku na ḅụ ọmịnị ọkị-ḅo ori ebube tọrọkọ la ḅarị ḅọ ḅe,

1 Samụẹlị 2:2

KỊNỊNYANAḄỌ ḅe fịafịa ḅara fịafịa gbọrụḅọ-sọ ofori í sikima gbọrụḅọ-sọ ofori; wamịna Tamụnọ pembema ịkụ ofori.