Luku 6:47 - FỊAFỊA BAỊBỤLỤ

⁴⁷ Ḅẹḅọ-ḅẹḅọ tẹ ḅo ị̀ ẹkwẹn mẹ poki tẹ à ḅẹẹ ḅara mịẹ ḅọ, à kẹ ó ḍie ḅa mḅọ kịkarị ḅọ.

Luku 6:47 Iomraidhean Croise

Ayịzaya 55:3

Mịọkụ ó pokii, ị̀ atomi, tẹ ị̀ ḍọkụma-ḅoo; ọmịnị ị̀ ḍọkụma-ḅoo, tẹ ó ḍumo nyana ḅa! À sime alama ḅarị ọḅọkụ kẹ ọmịnị na fị ḅa tẹ à minini Devidi pịrị aboma ma kẹ ọ́ pịrị ḅa.

Matiyo 12:50

Ḅẹḅọ-ḅẹḅọ tẹ ị̀ Ḍa So ḅio simearị ḅọ ḅe ḅiiarị ye mịẹarị ḅọ, anị ḅọ mẹ anie ị̀ mịnaḅọ owiḅọ, ị̀ mịnaḅọ ẹrẹḅọ, pịkị ì iyingi.”

Matiyo 17:5

Ori ẹkwẹn-arị ogbo mie pịna-pịna oḅuto ḅo ịn gbaịn ye, tẹ oḅuto mẹ ḅio gbọrụ pọkọ nwẹnị ḅẹẹ, “Ḅie ị̀ iḅi Tụḅọ ḅe, ọ̀ mịẹye ị̀ ḅụụ ḅẹlẹm, ọmịnị ò pokii!”

Luku 11:28

Kụma Jizọsị nwẹnị pakịrị, “Ọkọ fama-a, Tamụnọ ẹkwẹn mẹ naa tẹ anị ḍuko ḅara mịẹ apụ ma rẹ anie boma tẹ apụụ!”

Luku 14:26

“Ị̀ dama-ḅo ḅọ, ḅo ḅọ inetẹ ì ḍukamẹnjịḅọ sọ ḅịa, mḅọ ị̀ ḅẹlẹma mḅọ ḍaḅọ na, iyingiḅọ na, taḅọ na, awọ na, owiapụ-amịnapụ na, eremịna amịnapụ na, mḅọ ḅụụ ḅioju sọ na nẹngị sikima.

Luku 6:48

Mḅọ kịkarị ḅọ anie amịna warị nama ḅẹ tẹ kpọma kiri mẹ soku pokoloma tẹ anị kẹ ịkụ ọgọnọ sịẹma ḅọ. Opu minji sun mu warị mẹ la tẹ sọ anị jike-a, ini anị nama kụrọma lamam ẹrẹsị.

Luku 8:13

Ḍụḅarị kiri koro ḍiḅi aị ma anie oku mẹ naa tẹ ḅioḅẹlẹ ḅara kẹ anị daa-ọkị apụ. Kụma anị iḅiọkụ ịna aḅioḅẹngbọ sọ-mu-a; boowa kala-sakị kịngẹ mie ịn kẹ minini ye, tẹ daaḍiki ḅo gbọrụ sakị ịn ḅịkị so tẹ.

Luku 8:8

Anịsakị mgbọlị ma ḅẹ jaị iḅi kiri korom; ḍiḅi aị ma nwẹnị so-paka tẹ mbịaka sụa, gberie sọnọa si sọnọa si.” Tẹ Jizọsị nwẹnị ẹkwẹn gbaịn ḅụ ḅẹẹ, “Ọkọẹrẹsị, ọ́ naa ḅiiarị ḅẹḅẹ ó pokii!”

Jọnị 10:27

Ị̀ atomi mie à ḍukoarị ye naarị; àrị in nimi wararị, ịn pịkị ì ḍukamẹnjịarị.

Jọnị 13:17

Mịọkụ ọ́ mị karakara mẹ nimi tẹ ḅara, ọ́ tọ-ḅara na gbasị ḅara kẹ ḅioḅẹlẹ ḅẹ ọmịnị anị kẹ ọmịna mịẹ-mịẹye sọma kụma!

Jọnị 14:15

“Ọmịnị ị̀ ḅẹlẹmarị ḅẹ kụma ọmịnị ì oloko ma koko ḅa.

Jọnị 5:40

Anịsọ ó ḅii-a ọmịnị ị̀ dama-ḅo tẹ ḍumo nyana.

Jọnị 6:35

Jizọsị nwẹnị ḍuko ịn pịrị, “Yẹrị anie ḍumo fịturu mẹ. Ị̀ ḍọkụma-ḅoarị ḅọ ḅuru ḅarị jen kẹ mḅọ tarị ḅịa; ì mininiarị ḅọ minji ḅarị jen kẹ mḅọ pọkọ tarị ḅịa.

Jọnị 6:37

Ị̀ Ḍa ḅe kẹ ị̀ pịrị ḅọ, pịrị ḅọ ị̀ ḍọkụma-ḅo ḅa; ị̀ ḍọkụma-ḅo tẹ à dee ḅẹ ḅọ ofori,

Jọnị 8:52

Ịn nwẹnị ọ̀ ḅẹẹ, “Mịọkụ mie wa nimi lama tẹ ye mịnẹ oru ị́ ḅụụ ḅio emi! Ebira-amụ fịịm, tẹ ịkịankoroapụ ma sọ fịịm, anịsọ ḅẹẹarị mịnẹ í tolumaye mẹ ḍuko ḅara mịẹ ḅọ, mịẹ ḅọ fịị ḅịa gbamasom.

Hiburu 5:9

Tamụnọ mịẹtẹ ò ḅo kara-gbasị tẹso, ò sime gbamaso ḅọrọma nyana ḅẹ ḅọkọ sọ ọ̀ ḅịḅị poki apụ mamgba pịrịm,

Jemụsị 4:17

Anie ḅụ, amịna mịẹ ḅẹ iḅiye mẹ nimi wararị tẹ mịẹ-a ḅọ mẹ mḅọ si mịẹ tẹẹ.

1 Pita 2:4

Ọ́ KỊNỊNYANAḄỌ ḅe ḍọkụma-ḅoo, ḍumo wararị ḍụḅarị tẹ tomḅọ kẹ ye ḅụ sọ-a ye ọkị tẹ sịkị ye mẹ, kụma Tamụnọ kẹ ye ḅụ sọ ye kịẹn tẹ sẹlẹ-ọkị ye mẹ.

2 Pita 1:10

Ọkọẹrẹsị, ị̀ amịnapụ, ọ́ ḅụụkụrọma mịẹ tarị ọ́ mịẹ-mịẹ ḅara nẹngị, tẹ mịẹtẹ Tamụnọ ọ́ sịn tẹ ọ́ sẹlẹ-ọkị ye mẹ gbọrsịḅị ọmịna aḅụụ ẹnwẹịn gbamaso; ọmịnị ọkọ mịẹ-mịẹ ọ́ ḅarị ọmịna minini sịkị tẹ apụ sọ ḅịa.

1 Jọnị 2:29

Ó nimi wararị mịnẹ Kịrayịsị anie karakara mịẹḅọ, ọkọẹrẹsị ó nimi na-iḅim, mịnẹ ḅẹḅọ-ḅẹḅọ tẹ kuraye mịẹarị ḅọ anie Tamụnọ tụḅọọ.

1 Jọnị 3:7

Ị̀ awọmẹ, ọ́ ḍụkụ tẹ gbọrụḅọ-sọ oḅori kẹ ọ́ sịn ma! Ḅẹḅọ-ḅẹḅọ tẹ kuraye mịẹarị ḅọ, anie karakara mịẹ ḅọọ, anie Kịrayịsị sọ karakara mịẹarị gbọrụ ḅara mẹ.

Mịẹfinji 22:14

Amịna akapa sịkịrị fịafịama tẹ ẹrẹsị ḍumo sịn mgbọlụ mẹ fị kụrọ nyana tẹ, pịkị onu aḅọkọ ma ḅụ ḅọrọ opu ama mẹ ḅio sọ-mu ḅẹ apụ ma, ḅioḅẹlẹ sime ịn pịrịm.